Assalamualaiku Wr Wb
Dunsanak
dialanta kasadonyo
Kato Urang Ambo Basobok jo Malaikat.
Nan Ambo caritokan iko peristiwa nan sabana tajadi nan manimpo diri ambo, nan
sampai kini
masih manjadi tando tanyo dek diri ambo , urang rumah , anak , dunsanak ala
acok manesahati jan banyak bana marokok ,
iyo dunsanak ! sabalun nyo ambo kato urang
istilah nyo adolah tiada waktu indak marokok.( bisa 3-4 bungkuih sahari
)
” Awak se nan malu surang dalam partamuan tadi , urang lain indak ado
lai marokok ,di muko uda surang se nyo nan barasok taruih ” acok dikatokan
urang rumah
ambo.
Peristiwanyo adolah :
Katiko Ambo
jo Urang rumah manunaikan Ibadah Haji tahun 2005/2006 , kloter kami tamasuak
rombongan partamo , Ka kota
Madina labiah dulu untuak arbain mulai
pado awal Desember 2005 ( musim dingin )
Satiok
salasai sumbayang fardhu ambo salalu pulang
ka hotel untuak marokokdan minum kopi ( jarak Hotel ka Musajik Nabawi labih
Kurang
250 Meter ) atau sakadar jalan2 dan mambali nan ketek untuak oleh-oleh.
Dihari
katigo di Madina satalah sumbayang asyar saparti biasonyo ambo pulang ka
hotel untuak marokok lo liak anta dek hari dingin
takalok di kamar , tasintak dek tadanga azan dari musajik Nabawi , dek
takuik katinggalan Arbain ambo bagage
balari mangaja sumbayang Magrib Alhamdulillah dapek juo di rakaat nan ka tigo.
Dalam ati ,
indak ado lai ,bisuak indak pulang do, kok ka marokok jo minum kopi cukuik
sambia jalan-jalan di sekitar musajik Nabawi.
( di Musajik Nabawi di larang maisok)
Dihari nan
kaampek sasudah sumbayang asyar ambo jo kawan saregu kabatulan sakantua jo
ambo indak pulang do, pai duduak marokok sambia minum kopi di muko
musajik Nabawi, katiko duduak tu ambo berkenalan jo urang dari Surabaya ( inyo
naik haji ala barakali nan kini katonyo inyo mambaok isterinyo nan kaduo )
–rokoknyo Ji Sam Soe – rokok ambo Gudang
Garam GP , batuka-tuka rokok kami sambia maota –ota.
Sadang asyik
maota datang 2 urang mudo arab kiro kiro baumua 20 an babaju gamis putiah
lengkap manuju ka ambo. Tajadi dialog kiro-kiro
sarupo ko.
+. Assalammualaikum , ” gudang
garam –gudang garam ” katonyo anak mudo
arab
tadi ...
Bapikia ambo mungkin urang ko maminta
rokok ka ambo. Baa lai ambo indak bisa bahaso arab , ambo bae bahaso inggiris
-. Waalaikum
salam , yes , do you like it . ! kato ambo sambia maodok an rokok GP
jo kotaknyo.
Tajadi dialog salanjuik nyo , ambo indak tau lai ambo pakai bahaso apo
antah
bahaso Indonesia ,
antah Inggiris , antah arab tatapi nan takan jo
ambo komunikasi kami lancar-lancar sajo .
+. Indak nan
itu do , rokok nan di muncuang tu ha’ (
sambia manunjuak ka muncuang ambo )
-. Iko rokok
Ji Sam Soe ko ma ( sambia mancaliak an
ka inyo )
+. Iyo samo
nyo
-. Ala den isok , ala
tingga satangah lai , ala kumuah dek aie liua ? kecek ambo dek kesal
+. Iyo ndak
baa do , agia an la ka ambo ( katonyo sambia mauluakan tangan ka ambo )
Ambo agiakan rokok nan sadang diisok tu .
nan mambuek ambo takajuik satalah nyo
tarimo nyo mati kan di talapak tanganyo dan katonyo
+. Indak
rancak maisok do , Indak sehat , dek agamo kito hukumnyo makruh, lai namuah
manuruik kan
kato kami , baranti marokok yo , lai namua
baranti marokok ?
-. Jadi
kato ambo , ambo namuah baranti
marokok “ Insya Allah “ .
+. Rancak-rancak bla..bla..bla.. ( katonyo sambia galak )
sambia pai .......
Nan paliang ambo heran adolah katiko ambo sadang mangalamun tu ado
pertanyaan dari kawan ambo nan saregu tadi.
* Kawan uda anak mudo urang arab tadi tu , ?
-. Ha ‘ indak inyo manyuruah ambo baranti
marokok.
*
Ambo caliak uda akrab bana , pandai uda bahaso arab yo .
-. Ha’ ha ‘ ambo tacicangak , indak –indak
tapi
yun ( namo nyo lengkapnyo Yuniwal ) tau ma uda indak pandai
bahaso arab do.
Sasudah itu ambo bapikia, iyo manga ambo
marokok ko , takadim dihati mulai detik itu juo baranti marokok , ambo campak
an rokok nan dalam kotak tadi ka tong sampah. Siso rokok
nan masih ado di kopor ambo kurang 2 slof dan nan di kopor urang rumah 2 slof
pulo ambo bagi-bagikan kan .
Kawan-kawan nan tau ambo baranti marokok satangah indak
picayo do , katiko ambo caritokan
pertistiwa nan diate ado nan bakomentar “ Apak / Uda / Angku basobok jo
Malaikat tu ma “
Alhamdulillah , sampai kini ambo indak marokok do sajak peristiwa tu baarti
ala labiah dari 4 tahun .
Salam
Iqbal Rahman
--- On Thu, 18/3/10, Darius Nurdin Nurdin <darius.nur...@ymail.com> wrote:
From: Darius Nurdin Nurdin <darius.nur...@ymail.com>
Subject: [...@ntau-net] FATWA HARAM MEROKOK
To: rantaunet@googlegroups.com
Date: Thursday, 18 March, 2010, 2:51 AM
Assalamualikum WW.
SCTV samalam ramai dengan Acara Diskusi Fatwa Haram Merokok. Indak manunggu
sampai pagi ambo langsuang buka Komputer untuek kito kasadonyo.
Ambo kebetulan dari Keluarga besar perokok tamasuek urang gaek ambo
sendiri.Dari Sekeluarga sapuluh urang terdiri 5 (limo) urang laki2 perokok
berat. dan ambo iyo tamasuek nan indak marokok bukan indak bisa marokok.
Sangat setuju kalua Fatwa Haram Merokok.
Menurut hemat ambo, merokok itu Hukumnyo makruh.
Tapi menganiaya diri sendiri termasuk mambunuh diri diri sacaro pelan2 atau
memberikan kesempatan untuak membisokan diri hidup sacarao indak sehat. Mungkin
kito harus banyak baraja tentang sebab2 kematian.
Mati karano dianiayo mudah2 an hukumnya adalah mati karano di aniayo.
Mati karano nganiayo diri sendiri
samo mati bunuah diri.
Marokok disimpulkan banyak menyebabkan sumber panyakik nan pasti panyakik
kantoang sandiri karajo nan indak mambao manfaat manjadi makruh.
Dari Jawa timur peserta berdebat masalah Petani Nan baladang Tembakau jo
Lowongan karajo.
Dari Nusa tenggara Timur ngotot pulo masalah Petani Cengkeh.
Ambo punyo Solusi :
Tembakau bisa digunokan untuak maracun hamo tanaman diantaronyo hamo pengerek
batang tanaman , ambo lah mancubo iyo sabana ampuh. Apolai kok nan pangalaman
manyuluah baluik atau nan pernah mandaki Gunuang Singgalang nan banyak Acek jo
Lintahnyo. Tembakau Ampuh untuak mencegahnyo.
Minyak Cangkeh disampiang wangi juo banyak khasiatnyo.
Nan Ambo heran kanapo urang ribuik dan ngotot batagang urek lihie. Jo alasan
Petani Tembakau jo Petani Cangkeh..? .
Cangkeh daunyo sajo nan jatueh dibawah batangnyo masih bisa dimanfaatkan utuak
minyaknyo.
Manga bapak penjabat awaktu indak maagieh solusi
untuek apo Tembakau jo cangkeh ditanam.
Fatwako kan indak malarang urang batanam cangkeh jo batanam Tembakau tapi Fatwa
Haram merokok.
Bapak2 angku2 Mamak2 kasadonyo toloanglah bantu Idea Bapak Petani Tembakau jo
Petani Cangkeh.
Kok Bpak jo angku2 nan parokok iyo agak susah maagieh pengartian apolonan suko
ngeyeeeellllsajo taruh.
Ciek lai Petua Adat Urang awak Kaganti Rokok nan sabatang kaganti sirieh nan
sakapua. Adat Basandi Sarak Sarak Basandi Kitabullah (ABS / SBK) . Namuah
basiarak dari pado dilarang marokok.
Lah Pukua duo ampek puluah pagi ambo lalok sabanta dulu pamit untuek kasdonyo.
Wassalam WW
Darius Nurdin
Akses email lebih cepat.
Yahoo! menyarankan Anda meng-upgrade browser ke Internet Explorer 8 baru yang
dioptimalkan untuk Yahoo! Dapatkan di sini! (Gratis)
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
New Email names for you!
Get the Email name you've always wanted on the new @ymail and @rocketmail.
Hurry before someone else does!
http://mail.promotions.yahoo.com/newdomains/aa/
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
To unsubscribe from this group, send email to
rantaunet+unsubscribegooglegroups.com or reply to this email with the words
"REMOVE ME" as the subject.
