Bara BA Oplet Cigak Baruak (3) By : Jepe Lapeh sumbayang jumaik si Kaliang jo Toke di musajik lapeh Payakumbuah manjalang Baso, lanjuik mambaok oplet CB pulang ka Magek
Lah malaju oplet CB ko santai-santai sajo, nampaknyo lai ndak ado razia di jalan dek hari libur ndak ado pulo polisi tagak-tagak dijalan atau sekedar patroli jo sapeda motor sambia maraung-rauang jo sirine maatur lalu lintas. Si Kaliang duduak tanang di subalah toke nan mambaok oplet CB "Oii Kaliang apo carito waang lai..kaluakanlah, bia ndak tagang bana waden mambaok oplet CB nan indak basurek-surek ko" Toke mambuka kecek "Iko sajolah carito ambo,tahu ndak Toke ciri-ciri urang minang nomor 2002" "Haa apo lo tu ciri-ciri urang minang nomor 2002 bia den danga lo carito waang, , lanjuiklah Liang" "Ciri-ciri urang minang nomor 2002 Ke, kok mananyo nomor polisi kendaraan dari ma sajo asa usua kendaraan ko kalua nan urang minang ko salalu batanyo "bara BA (Be-A) oto waang, kok oto urang minang ko dari Pakanbaru mako di jaweknyo BA oto den BM 4563 AQ, co itu Ke" "He he iyo juo yo" "Ado carito masalah BA oto ko Ke" "Baa caritonyo" "Jadi ado urang jambi ka sumbar mambaok oto keluaran jambi, kanai razia dek polisi urang minang nan baciri-ciri nomor 2002 ke" "Iyo iyo lanjuik" "Distopnyo oto rang jambi ko, polisi ko basibanak sajo babahaso minang batanyo polisi ko "oii yuang nan didalam oto bara BA oto waang" Dijawek dek urang nan punyo Oto nan dari jambi ko" wahh pak oto saya nggak pakai BA, tapi oto saya ini pakai BH (Be Ha)" jawek urang jambi "Polisi ko baru sadar Ke, nan ditanyonyo urang jambi berbahasa indonesia raya polisi ko" "Iya saya tahu kamu orang jambi, yang saya tanya itu berapa BA, BH oto kamu" "Ohhh itu Pak, nomor polisi mobil saya..BH 1 BU" "Tidak sesuai di STNK oto kamu, di plat mobil nan menempel di oto kamu BH IBU, di STNK yang saya periksa ini BA oto kamu BH 1 BU" "Maaf saya Pak, itu memang saya sengaja gaya-gayakan no polisi itu biar antik terbaca jadi BeHa Ibu" "Tidak bisa kamu sudah melanggar peraturan, BA resmi yang dikeluarkan satlantas kamu langgar, kamu saya tilang" "Nah co itu carito e Ke" "Ha ha ha..iyo..iyo jadi itu ciri urang minang nomor 2002 yo liang, nan nomor polisi ko tatap disabuik "bara BA" walau no polisi ko BH" "Batua Ke, bantuak oplet cigak baruak awak ko, kok ditanyo dek urang minang bara no polisinyo, mako inyo mangecek Bara BA oplet waang ko kaliang, mako ambo dek urang minang nan punyo ciri2 nomor 2002 ambo jawak "oplet CB ko BA nyo BA 1765 JP." "Ha ha ha asli waang urang minang mah kaliang nan baciri nomor 2002" "Ke ado lo carito satantang iko" "Apo lo tu Liang" "Ado kawan ambo marantau ka Banduang, lai urang minang asli lo, namo kawan ambo ko Jepe" "Jadi hari rayo patang pulang ka ranah si Jepe baok oto nan di balinyo di Bandung" "Lalu..Liang" "Basuo jo ambo, ambo tes si Jepe ko kok lai juo masuak ciri urang minang nomor 2002 Ke" "Baa waang mantesnyo Liang" "Co iko Ke..waktu basuo jo si Jepe nan sadang mambaok Oto dari Banduang ko di Padang, ambo tanyo si Jepe ko" "Jepe..jepe..bara BA oto waang dari banduang ko" "Baa reaksinyo Liang" "Lai ndak binguangnyo dek ambo batanyo "bara BA" oto, yo masih aslinyo urang minang nan punyo ciri-ciri nomor 2002, dijawek bantuak iko Ke" "Oooo..BA oto den ko kaliang D 473 PE...oto Banduang bana mah, BA nyo D" Ha ha ha tabasuik galak toke mandanga carito si kaliang ko "Iyo..iyo..lai masih asli si Jepe kawan waang nan marantau ka Banduang tu urang minang juo Liang" Ota ka ota.ndak taraso oplet lah sampai di magek. Sampai disiko dulu episode oplet cigak baruak nan alah masuak kandang, bilo-bilo dilanjuik lai "manambang di palanta Rantau Net ko" Saruaso, 3 April 2010 Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.