Hehe... betul betul betul, Sayang pangana ndak sakali timbua yo mak ngah... :) Insya Allah baliak ka India bisuak ko, dipraktekkan nasehat mak ngah untuak point nan ka limo tu, haha...
Jadi takana pulo wakatu malala 2 minggu menyusuri pegunungan himalaya bulan Mei 2009 lalu. Di Manali, sapulang dari mangunjungi 'snow point' di puncak Rohtang Pass, (titik/spot tertinggi pegunungan himalaya nan masuak daerah India), kami rombongan mangunjungi Hadimba Temple (Dhungri Temple) nan talatak di salah satu bukik di pinggiran kota Manali. Dalam cerita Mahabhrata nan ambo baco di India, Hadimba adalah istri Bhima. Katiko ambo sadang mamatuik-matuik pohon 'Ghatotkach' di salah satu pohon di suduik temple(kalau di awak disabuik gatotkaca kali yo nan anak Hadimba jo Bhima) tu , tibo-tibo beberapo amai-amai mamegang tangan ambo sahinggo tapisah dari kawan-kawan. Ambo ndak mangarati bahaso urang tu, jadi ambo patuah se di bao mereka... sabab urang toh rami, jadi ndak paralu takuik, walaupun hati-hati juo tengok kiri-kanan. Tapi kudian ditungkuihkannyo ka ambo baju tradisional 'kullu' nan mirip kolaborasi India jo Himalaya tu, sambia taruih baceloteh nan ambo ndak mangarati. Lalu dipasangkannyo pulo kaluang jo mainan kapalonyo bagai, hehe. Lah bantuak sia ambo tu. Alun sampai di situ, tibo-tibo ado surang lai nan manyuruah ambo manggendong anak biri-biri putiah. Ambo patuah se, hehe... Dek bantuak lah ba tuka, ambo mukasuik malagak, bajalan lah ambo di sakuliliang taman-taman temple tu mancari kawan. Indak lupo manggendong biri-biri tu. Persis 'himalayan woman' nan sadang menggembala, haha... Ruponyo ado beberapo pengunjung nan juo bapakaian samo sarupo ambo nan lah 'didandani' amak-amak tu. Basobok jo kawan, heboh nyo sambia pueh mereka mamoto-moto ambo. You alah bantuak urang gunuang himalaya ko bana mah, katonyo mampagarahkan sambia galak-galak. Karano lah panek, dan kami ka mangunjungi Himalaya Nyinmapa Temple pulo di Tibetan Area, jadi babukak pakaian tu dan babaliakkan ka amak-amak tadi. Eh... pangabisan kaji, amak-amak tu mintak pitih 50 Rupee, haha... ambo agiah se sambia 'galak manih' sarupo saran mak ngah tu. Supayo sanang hati urang dek awak... hehe. Itu lah nasib ambo nan sempat 'duo jam' jadi urang himalaya... :) salam, Rita ----------------- Pada 15 April 2010 19:05, sjamsir_sjarif <hamboc...@yahoo.com> menulis: > Memang tagalak nabi lo MakNgah mandanga carito Ita. Apo lai butia-butia > ciek duo tigo ampeknyo tu. Barangkali rancak kok Ita tambahkan ciek lai. > Iyobana tu Mak [baMamak se lah ka inyo supayo tambah jaleh awak > bakarik-karik ka sinan] kasadonyo tu batua. Tapi ado nan indak mamak > sabuik bialah ambo tambahkan. Universitas ambo banamo UBH nan pakai > Hatta, namo nan dipakai juo di Gujarat ko. > > Ambo sabananyo katurunan Gujarat ko. Inyiak ambo sabananyo Urang > Gujarat ko bana. Baliau tamusahua bagala "Cati Bilang Pandai". Ambo > sabananyo cucu dari Inyiak Cati Bilang Pandai ko. Itu sababnyo di UBH tu > ambo dipatangguang jawabkan mauruih warisan pusako baliau, jadi Dosen > Matematika di UBH ... > > [dek lah pakai "sabananyo" tigo kali tu mayakinkannyo, galak manih lo > saketek supayo mamak tu tambah sanang bana hatinyo] :) > > Salam, > > --MakNgah > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
