Wa'alaikum salam ww, Walau kapatang alun talakik mangirin salamaik UlTah ka mak ngah mako timbua juo iri diati ko ateh mak Ngah nan bakayuah sajauh 3.5 Km nan indak mungkin diawak tiru walau umua masih matahko.
Mudah-mudahan mak Ngah salalu dibari kakuatan jo umua panjang supayo kami nan mudo-mudoko samakin banyak pulo mandapek tambahan ilimu jo pangalaman dari mak Ngah. Sakitu dari awak nan juo jauah dari Rantau. Wassalam Batuduang Ameh (43) From: rantaunet@googlegroups.com [mailto:rantau...@googlegroups.com] On Behalf Of Hambo Ciek Sent: Tuesday, April 20, 2010 11:34 AM To: RantauNet@googlegroups.com Subject: [...@ntau-net] SELAMAT ULANG TAHUN MAK NGAH Assalamualaikum warahmatullahi wabarakatuhu, Maa Adidunsanak nan Basamo, Alhamdulillahi Rabbilaamiin, MakNgah lah sampaikan niat untuak baranang panjang 75 laps untuak manganangkan hari lahia 18 April 1935-2010. .Saroman direncanakan dilakukan Hari Jumaat wakatumatohari tabik karano kolam ranang bukak jam 9 hari sabtu jo hariminggu. Jadi didahulukan duo hari nan seharusnyo 18 April 2010 jatuah hari Minggu kapatang. MakNgah lakukan itu dengan selamat makan wakatu 2 jam 19 minik dengan tambahan 1 lap untuak panjapauik tahun datang. Satu lap = 2x panjang kolam = 2x 50 yards. Kalau dijumlahkan jaraknyo lai kiro-kiro 3.5km. MakNgah bayangkan sajo samo jaraknyo antaro dari Simpang Biaro ka Simang Lasi di Kampuang Awak. Bak kecek Rita nanmamuloi postiang SELAMAT ULANG TAHUN MAK NGAH patang tu iyolah langkok 3/4 abad. Postiang Rita disusul angku Dr. Suhaimi dan sudah itu kiro-kiro 20 namo sasudah itu nan terlalu panjang untuak disabuik di siko, dengan iramanyo masiang-masiang dan unik. MakNgah sangat batarimo kasih banyak ka ucapan-ucapan selamat tu. Hari Minggu patang tu, 18 April 2010, MakNgah makan pagi jo Tara - Mutiara Halima Sjarif - (anak gadih MakNgah 15 tahun di Santa Cruz. Sudah tu makan siang jo Samudera Mohamamad Sjarif , anak bujang 20 tahun di San Franciso. Inyo sikola di San Francisco State University. sudah tu sore sampai pk 10 malam ikuti Pengajian San Francisco di rumah Julie dan Andre (urang awak). Dalam acara tu Julie mambisiakkan (surprised birthday) ka ustaz untuak mambacokan doa basamo untuak kesehatan MakNgah. MakNgah sabana basyukur dan basarah diri kapado Allah Subhanahuatahala nanlah mambarikan kesehata MakNgah sarupo iko. Sasuah acara Pangajian nan tamasuak makan-makan basamo, pulang dan sampai di Santa Cruz (160 mil roundtrip) tangah malam. Sampai di rumah tadi malam tu dicaliak Lapau, ondeh banyaknyo postiang. Dicobuo baleh, lah salasai, sabalun mangirim postingnyo hilang indak sampai takirim. Baritu juo tadi diulang sakali lai sudah hampia salasai ruponyo tapautuih pulo. Jadi kini lah panek MakNgah mangirimnyo langsuang dari email (bukan dari goggle yahoo group saroman nan biaso). Mudah-mudhan nan iko sampai. Jadi thread nan iko tapisah jo nan banyak tu. Karano banyak lo nan kadiadok untuak samantaro sakitu lah dahulu. Pendek sajo karano takuik taputuih pulo. MakNgha katangah sakadar manjalehkan niat lah sampai, MakNgah lai sehat karano tadi Rita tadi khawatir mangirim SMS manyatokan banyak postiang di Lapau, MakNgah indak tampak, kalau-kalau MakNgah kurang sehat indak muncull di Lapau. Sakitulah dahulu, mungkin untuak saminggu ko MakNgah jarang pulo ka Lapau karano banyak nan tingga ka dikakok. Maaf Lahir jo Batin dan Salam baliak ka Adidunsanak nan Basamo di Lapau ko. Salam, --MakNgah Sjamsir Sjarif -- . -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
