Ke : rantaunet@googlegroups.com -----Original Message----- From: andi ko [mailto:andi.ko...@gmail.com] Sent: Monday, April 26, 2010 9:39 AM To: rantau...@gmail.com Subject: Rabab Padang Panjang
sanak palanta Hujan mancurah bak cando tabek pacah tajun dari langik sapanjang jalan dari BIM ka Batusangka. Mandanguih kudo bendi mangukua jalan, salompek dari lubuak aluang, datang manyambuik sicincin, mandaki kudo ka kandang ampek, manurun sampai di lembah anai. Dek ayia ndak mungkin di ambek, banyaklah jalan nan lonsor. Ado tigo titik dimano bendi harus antri. alah lapeh dari tantangan silaiang, yo sabana lega. Mandaki ka padang panjang, malakik lampu merah diputa bendi ka suok, disinan tatagak kadai nasi datuak. Ndak lamo duduak, alah tahidang sagalo jamba, tapi nan manggilo adolah sambalado ijau minyak tanak. Sakutiko dikombinasikan sambalado ijau jo gulai tunjang dan dendeng batokok nan diatehnyo ditaburi lado mudo maracik. DangkoaËŠi upacara makan jo kopi kental salayang. Kutiko makan, hujan batambah labek, samakin dingin padang panjang. Layok2, sayuik2 tadanga rabab digeso, dek apak nan baselo dipintu kadai nasi. Lintuah hati mandanga nada rabab balari di salo2 hujang, masuak mancugam ka dalam hati. Parasaian iduik nan nyo lagukan. Satantang tukang rabab nangko, tuo alun mudo talampau, sadang dipuncak karir harusnyo. Tapi sayang, baliau hanyo panjago tradisi, ditengah salero hiburan urang minang taruih barubah, mangaja apo nan disabuik seni posmo itu. Tinggalah badan disuduik lapau nasi, manggigia manungguan seni tradisi nan ampia tingga. Apo nan diarok, kok lai ibo urang nan makan, taloncekkan pitih ketek siso pambayaran ka kotak buruak dimungko awak baselo. Tapi kok sayang nan lalu, inyo bali vcd jo kaset rabab nan manjadi galeh ketek2. Baitu bana nasip tukang rabab dizaman postmodern ko. Salam Andiko sutan mancayo Sadang mairuik kopi disuduik nagari Sungai Tarab -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
