Assalamu'alaikum Wr. Wb. Dek karano mak Ngah mambuka puro lamo, tasasek pulo jadinyo ambo ka threat lamo diskusi tantang masalah danau Maninjau tahun 2000 lalu. Katiko tu kito juo mandiskusikan masalah galodo, karamba, dll dll, dll.
Linknyo di http://www.mail-archive.com/rantau-...@rantaunet.com/msg02511.html Salam, Rita Andesma (Anak desa nagari Maninjau) NB. Kalau ndak bisa di liek, ambo copikan di bawah... Re: [RantauNet] Soal Danau Maninjau Rita Desfitri Wed, 08 Nov 2000 23:55:03 -0800 On Wed, 8 Nov 2000, Z Chaniago wrote: > Assalamu'alaikum WW > > Kok alah saliang ancam iko..yo panjang kaji dibuekknyo...., > sadonyo rasonyo prihatin dan peduli samo aia danau Maninjau... dan listrik > rasonyo alah jadi kabutuhan primer pulo dek warga... > Tetapi babaliak lah ka pangka baliak... baa kok kini Rajo Bintang kareh bana > ?? > > Dari nan ambo baco di surek kaba, PLN Sumbar-Riau kini alah kalabihan daya > listrik dan mungkin bisa manutuik kebutuhan kalau PLTA Maninjau off, > dan seandainyo memungkinkan tantu PLTA Maninjau bisa off, pintu aia PLTA > maninjau ditutuik dan hulu Batang Antokan dibuka baliak.. sampai katonyo aia > Danau Maninjau bisa barasiah baliak ?? > Tetapi apokoh iko bisa ?? Secara teknis bagi PLN mungkin dan gampang > ..tingga tutuik pintu aia dan off.. > > Tetapi masyarakat harus indak mamasuakkan palet makanan lauak untuak > samantaro wakatu dan mahantikan penggundulan hutan dan mambaliakkan baliak > hutan nan alah colak... Bisa atau indak ??? Bisa tetapi rasonyo sulik. ................ > > Wassalam > Z Chaniago - Palai Rinuak --------- Masalah danau Maninjau ko nampaknyo iyo ndak abih-abih doh, sabab memang talalu banyak faktor penyebab dan pihak-pihak nan terkait. Walaupun kini nan paling banyak di sorot adalah PLTA dan karamba (jala apuang), tapi kalau sadonyo awak namuah bapikia batanang jo pikiran nan janiah, yobana banyak masalah nan langsuang atau indak, bakaitan jo masalah nan duo di ateh. Dulu... dipertengahan tahun 70-an, katiko PLTA-Antokan baru ka dibangun, sadonyo pihak memang optimis, listrik ka masuk, roda pembangunan diharapkan bajalan tambah capek, lancar, etc...etc... Dalam rapek tigo tungku sajaranganpun, nan mambahas masalah itu, sadonyo pihak satuju dan sapakaik bahwa itulah nan terbaik untuak rakyat salingka danau. Memang harus diakui.... masalah-masalah sarupo kini alun tapikiakan lai wakatu tu.... Sabab baa.... Katiko tu permukaan aie danau masih dikatokan "permadani Malin Leman", barasiah, janiah. Samantaro batang aie-batang aie sakuliliang danau masih setia 'mandrop' stok nyo nan baribu-ribu kubik di gunuang sakuliliang, untuak diantakan ka bawah ka kolam gadang tu satiok hari. Sampai akhirnyo galodo gadang malando ranah Tanjuang Raya ditahun 1980. Sadonyo sawah, ladang di sakuliliang danau hancur lebur, sampai ratusan kepala keluarga tapaso ditransmigrasikan ka Sitiung di Sawah Lunto /Sijunjuang. Batang aie pun banyak tasumbek dan alirannyo barubah... Ditambah lai.... Sairiang bajalannyo wakatu, sakitar pertengahan tahun 80-an, katiko perekonomian masyarakat secara umum jatuah karano ratusan hektar ladang-ladang cangkeh jo palo penduduak mati sacaro bersamaan, lagi pulo..hutan nan kurang terawat dengan baik, manyababkan bukik-bukik banyak tandus, sistem peresapan aie ndak jalan, dan batang-batang aie pun hampia kasadonyo kini kariang. (Apokah ini juga suatu peringatan dari Tuhan... ??? Wallahu Alam). Begitu banyaknyo masyarakat nan kahilangan mato pencaharian, sawah nan biaso batanam duo atau tigo kali satahun, jadi sakali satahun pun alun tantu bisa, dek aie dari gunuang lah kurang. Bahkan ndak jarang, ado perjanjian antar desa atau jorong tantang bagian siapo kini nan ka batanam supayo jaleh pembagian aie gunuang nan tingga saketek tu... :-( Cangkeh jo palo nan dulu kebanggaan anak nagari tanjuang raya, nan tingga cuma rantiang kayu api mati tatonggok sakuliliang nagari..... Sudah itu lai juo di cubo masyarakat mananam baliak, tapi tiok di tanam banyak nan mati. Sajak itu, batambah banyak anak mudo marantau mancari iduik.... Sampai akhirnyo "karamba" atau jala apuang mamasyarakat beberapo tahun nan lalu. Baitu banyaknyo jala apuang manjadi mato pencaharian, sampai-sampai rasonyo lah dilua daya tampuang danau tu sendiri. Karamba hampia manutuik-i saluruah tapian, ribuan ton pakan(makanan) ikan diserakkan ka danau tiok hari. Dilema memang, di satu pihak, itu tampek masyarakat manggantuangkan hiduiknyo, tapi di lain pihak, kebersihan aie danau, dan keindahannyo pun rusak pulo. Katiko ambo ketek-ketek dulu, kami masih manamukan nan namonyo "IKAN TODAK". Mungkin itu satu-satunyo jenis lauak nan dipanggia "ikan" nan iduik dalam danau Maninjau. Walaupun badannyo cuma sagadang jarum, tapi muluik labiah panjang dari badan. Kalau lah dapek manangkok ikan jarum tu, ondeh sanangnyo hati... :-) Kadang-kadang ndak sadar awak lah masuak aie sapinggang, jadi mandi se baliak sekalian... :-) Kini kalau ditanyokan ka anak-anak ketek, banyak nan indak tahu, sabab jenis ikan tu bana nan lah punah... :-( Anak-anak nagari juo lah ndak bisa lai membanggakan sanangnyo mandi dan bakacimpuang di tangah danau kasayangan tu. Sampai generasi ambo saisuak, diakhir tahun 70-an sampai awal 80-an, nan pameo "mandi = makan ubek" tu masih balaku. Salain mandi pagi jo sore di danau, hal yang sangat disenangi antaro lain mancari pesi (urang Maninjau manamokannyo pesi, urang Sungai Batang manyabuiknyo pensi) sambia manyilam-nyilam, mandi, babiduak-biduak sambia makan siang, main kucing-kucingan dalam aie nan biasonyo kami lakukan di antaro wakatu sikola pagi jo sikola patang [baitu kami dulu manyabuiknyo untuak mambedakan SD jo Ibtidaiyah] ..:-) Makonyo ndak heran kalau anak-anak sabayo kami baru namuah mandi di kamar mandi di rumah katiko lah gadang se.... :-) Suatu hal nan sangat jarang dilakukan anak-anak kini, bukan sajo karano "tradisi" dan caro bamain nan lah barubah, tapi aie danau tu juo ndak menarik lai untuak dihambua-i tiok sabanta.... :-( Nan tajadi kini... Aie danau karuah, keindahan danau lah jauah bakurang, ikan-ikan mati ndak cuma ikan karamba, tapi ikan-ikan asli dan khas danau Maninjau pun punah. Urang-urang nan tasangkuik jo 'pariwisata' lah mulai pulo ribuik.... sabab wisatawan lah jauah bakurang... urang lah namuah mamiliah danau nan lain untuak dikunjuangi dari pado danau Maninjau.... Hal iko batambah "kacau" karano perhitungan di 'atas kertas' dulu, kalaupun aie danau dipakai PLTA untuak manjalankan turbin, (walaupun sajak proyek awal, permukaan danau lah turun sekian meter), aie danau toh akan tatap aman sabab batang aie masih manyumbang untuak manjago debit jo sirkulasi aie. Kini..... batang Tumayo, batang Maransi, batang Balok, dan batang-batang aie lainnyo lah manjadi parak batu sapanjang alirannyo... :-( Baa lai.... Untuak manyalasaikan masalah nan lah talanjur karitiang bantuak indomie ko memang ndak mudah... Apolai kalau lah ancam-maancam antaro pihak masyarakat jo pihak PLTA nan saling manyalahkan tu.... bak kato adiak ambo si Z. Chaniago kapatang... ka batambah panjang urusan jadinyo... Memang batua, karano aie danau kumuah, pariwisata bakurang, tapi apokah itu memang 100 % kesalahan PLTA-di Batang Antokan ? Usaho Kelompok Masyarakat Peduli Air Danau Maninjau (MPADM) nan diketuai pak Idham Rajo Bintang (nan kebetulan pemilik hotel berbintang Maninjau Indah) mungkin memang patuik kito dukuang, sepanjang itu memang untuak kebaikan basamo, mengembalikan keindahan dan kebersihan aie danau, dan itu harus terlepas dari "conflict of interest" nan manyangkuik usahonyo. Tapi kalau PLTA nan diancam, malah babaliak maancam akan mangurangi jatah listrik untuak kebutuhan masyarakat juo harus dipertimbangkan. Jadi kini nampaknyo nan paralu dicari adolah win-win solution, tanpa saling salah menyalahkan bakapanjangan. Makonyo mungkin nan rancak, sadonyo pihak duduak sameja baliak... Sagalo lapisan masyarakat nan terkait, generasi mudo, pengusaha karamba, pengusaha pariwisata, PLTA, Pemda, tamasuak niniak mamak nan dulu dikenal "netral" dan arif, barundiang basamo, sahinggo bisa dikaji baliak sagalo aspek penyebab dan pemecahan masalah nan mungkin dilakukan. Kalau lah sarundiangan baliak, mungkin ado kesepakatan ataupun ide nan datang... Bisa jadi ado kesepakatan sarupo... 1. Apokah memang jala apuang/karamba tu cuma 'satu-satunyo' pencaharian nan mungkin...baa kok ka ladang jo sawah mato kito diadok-kan baliak...? (sahinggo danau indak ampun-ampun-i lai dek kalabiahan baban). Mano tahu ado dicari kesepakatan pihak-pihak nan mambantu dalam modal awal... ? 2. Bisa ndak dana 'kompensasi' dari pihak PLTA tu (kalau memang ado/tasadio) digunokan untuak reboisasi sahinggo hutan-hutan mati di Maninjau di tanami baliak...? 3. Apo-apo sajo usaho konkrit nan lah dilakukan pihak PLTA kalau memang baniat mambantu proses penjernihan kembali aie danau. Kalau hal itu terbuka ka masyarakat, mungkin (sabagian) masyarakat ndak ka heboh bana lai, bahkan mambantu usaho tu sabisa mereka pulo.... 4. Salamoko memang ado para ahli didatangkan untuak maanalisa dan menguji kadar pencemaran aie, tapi apokah itu lai diusahokan secaro terprogram ? disamping itu masyarakat juo berhak tahu pencemaran apo bana nan tajadi di danau mereka.... Disamping mereka jadi labiah hati-hati, mano tahu mereka malah jadi labiah tahu baa caro mambantu dan bapartisipasi... Karano memang masyarakatlah nan paliang bakepentingan dengan aie danau karano mereka nan ka manggunokannyo sahari-hari.... 5. Apokah memang salamoko nan pariwisata di Maninjau tu tujuan urang cuma ka danau...? rasonyo indak juo... kalau hutan lah labek baliak, batang-batang aie lah "banyanyi" baliak, deretan sawah lah menghijau... aie-aie tajun lah bergairah baliak, apokah itu juo ndak pemikat pariwisata....??? 6. Takuik danau ndak bisa lai mamikat wisatawan.... Kalau memang untuak samantaro danau ndak bisa dibanggakan, baa kalau kegiatan kesenian tradisional nan salamoko lah banyak ditinggakan digiatkan baliak, tamasuak kegiatan-kegiatan adat nan bisa mamikek wisatawan? Untuak iko niniak mamak iyo paralu diajak sato.... Adokan paket-paket mangunjuangi desa-desa nan sadang maadokan 'kegiatan' kesenian atau acara adat lainnyo. 7. Kalau paralu dirumuskan kembali 'konsep' pariwisata di Maninjau nan lah sempat kedodoran beberapo tahun belakangan ko. Katiko ambo pulang kampuang, ambo nan anak dusun + kampungan ko memang takajuik maliek 'modern' nyo anak-anak kini.... :-( 8..... 9..... Hal itu mungkin bisa dilakukan sambia tatap mausahokan 'tujuan' samulo, yaitu mengembalikan kebersihan dan kejernihan aie danau. Tamasuak usaho PLTA kalau bisa untuak mampatinggi baliak permukaan aie danau (mungkin dengan jalan mengurangi debit aie ka terowongan atau manutuik bendungan arus bawah sepanjang itu memungkinkan). Sabab kalau ka ditutuik abih bana pulo aliran danau Maninjau, satahu ambo, urang Lubuak Basuang sampai Tanjuang Mutiara (Tiku) rasonyo banyak pulo nan mengandalkan aie dari batang Antokan tu untuak mengairi sawah jo ladangnyo. Kalau sagalo usaho nan baiak lah dirundiangkan dan diusahokan, Insya Allah Maninjau padilah masak, batang kapeh batimba jalan tu yo bana rampak baliak di saluruah nagari. Amien.... ..... salam, Rita Andesma Mailing List RantauNet http://lapau.rantaunet.web.idDatabase keanggotaan RantauNet:http://www.egroups.com/database/rantaunet?method=addRecord&tbl= <http://www.egroups.com/database/rantaunet?method=addRecord&tbl=1> ------------------------------ Pada 29 April 2010 04:52, sjamsir_sjarif <hamboc...@yahoo.com> menulis: > Assalamualaikum warahmatullahi wabarakatuhu, > Maa Rang Lapau nan Basamo, > > Dek hari agak dingin-dingin hujan lah tigo hari ko di Rantau Jauah Santa > Kuruih Kalipornia, sabanta ko manjala-jala lo pangana ka Lereng Gunuang > Marapi. Basuo postiang lamo, 10 tahun nan lalu. Isino pun marupokan sabagian > kenangan lamo ka Maso Bagolak. Sakadar kenangan pulo, MakNgah postiangkan > baliak di siko. > > Caliak di > http://www.mail-archive.com/rantau-...@rantaunet.com/msg00612.html > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe