Ass.WW Sanak Sudaro Urang Minang nan ambo hormati. Ambo punyo carito sejarah keturunan nan di Sampaikan dek Almarhum Urang gaek samaso Hiduik. Manuruik carito nan di sampaikan urang gaek ambo samaso hiduik beliau. Asal Usul kami barasa dari Nagari Alahan Panjang suku Melayu. Nenek buyut kami barasal dari Subarang danau namo nagari Alahan Panjang Nenek kami tingga samaso isuak dirumah gadang 7(tujuah) ruang. Suatu keluarga kakak baradiek nan banamo : Angku Gadang Bahan, Inyiek Lawik, Inyiek Panjang susu sabalah. Suatu hari sang kak baradiek bacakak antah apo sababnyo sang kakak bardiek nan bacakak kataiko itu. Dek kakak baradiek ko bacakak. Kanai beranglah dek urang gaek beliau. Mungkin kemarahan urang gaek katiko itu tersulut emosi, sahinggo Inyiek ambo bakaciek hati dek kanai berang dek urang gaek , lalu sang inyiek nanko pailah maninggakan rumah. Setelah itu urang gaek beliau tibo raso panyasalan mancaliek anak nan pai maninggakan rumah. Sambie tagak di pintu, urang gaek beliau mahariek dari kejauhan...Subarang Danau.
Haiii......Upiek pulanglah ......Babaliek ......Hari lah sanjooooooo. Namun Sang anak indak namuah babaliek pulang, mungkin agak taraso padieh dihati berang urang gaek. Niniek ambo nan panjang susu sabalah baa kok banamo inyiek panjang susu sabalah...!! Caritonyo kalau anaknyo manyusu sambie manggendong anak diateh pungguang. Anak beliau bisa manyusu dari balakang karano susu beliau nan sabalah panjang bisa di tarik kabalakang. Nenek kami nan baduo nanko pailah marantau ka Muaro Paneh (Solok) maso saisuek sampai Turun temurun nan tingga di sakalialiang pasa Muaro paneh. lebih dari 250 (Duo ratuih Limo puluah tahun nan lalu) Salah satu nenek kami banamo Inyiek lawik turun temurun tingga di sakaliliang pasa Muaro paneh nan punyo anak banamo : 1. Mak gaek........> Ande Si Agus Pak Nona. 2. Mak Gomban..> Ande Nasar malanca 3. Inyiek Leah....> Ibu dari Nurani Supiek di Gaduang (Piek Aduang) dan Raminis (Isteri Pian Dt.Mandaro) 4. Etek Siti Nurhasanah..> Ande Anis Dt.Mudo 5. Inyiek Dalima....>Ande si As nan Tingga di Surabaya. 6. Sulin Rajo Mudo. Inyiek Panjang susu sabalah turun temurun tingga di Balai Pinang nan punyo keturunan diantaronyo : 1.Inyiek Uwik.......> Mintuo Dubalang Sati. 2.Inyiek Ramalah..> Ande Bahctiar Saidi. 3.Inyiek Riaman ...> Ande Siamir Roana. 3.Rajo labieh ........> Mamak Uwir mantege. 4.Angah Tiani.......> Ande Nurlis Syafei Bgd.Sutan. Nan tingga di Cupak Ibuk kami Etek Adang Mangaleh bareh di Kota Solok (Ibu Alm.Kol.Marinir Jepridal Yacob). Nan tingga di Alahan Panjang. Angku Gadang Bahan nan bakubua di Lapangan Terminal Alahan Panjang. Mamak kami nan dari Alahan Panjang ado nan marantau di Payo Kumbuah: Johar Dt.Gadang Almarhum (Mantan Kapoelres Tanjuang pati Payo Kumbuah Tahun 70 Han) Panggialan di Keluarga kami Angku Rajo Medan. Maingek Ranji nan sangaik panjang indak mungkin ambo sabuikan kasadonyo. nna tasabuik diateh sabahagian kecil dari katurunan kami. Ambo mancari Sanak Sudaro nan baserak di rantau jo di Kampuang di daerah Sumbar/Jakarta Jabotabek ,.Dll.. Mungkin ado sanak jo sudaro nan tasangkuik jo Katuruan kami Dari Alahan Panjang mohon Informasi ka Kami karano banyak Sanak sudaro nan alun basuo. banyak baserak di Rantau urang. taragak nak basuo jo sanak sudaro. Tarimo kasih semoga carito katurunan kami bisa basobok di kampuang maupun nan di Rantau. Wassalam WW. Darius Nurdin Hp.081519053165-0812190053-97727153 Email:darius.nur...@ymail.com Alamaik lengakap ado di Profil Facebook. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
