Sanak Suryadi Satatantang samuik Salimbado ko, sasuai nan dijalehkan Veri, dikampuang ambo samuik ko memang didalam tanah basarang, diparak2 nan banyak kayu lapuak basarang dan buek koloni samuaik salimbado nan bawarna hitam pakek ko, gadangnyo yo labiah kurang ampia samo jo gadang samuik karanggo (jawa : semut Rang Rang)
Kalau ka manaruko parak nan lah basamak labek lalu banyak kayu lapuak2 pas maolah tanah untuak ka batanam samisal palawija, kok tacangkua kayu lapuak dalam tanah mako koloni samuik saimbado ko ndak bagarah banyaknyo, kok dipantaknyo awak yo amuah marauang bangkak angek-angkek kaki nan dipantak samuik salimbado ko Secara ilmiah ambo ndak tahu namo bahaso indonesia atau namo latinnyo cubolah batanyo ka mak gugel awak tu dengan kata kunci "semut hitam" Samuaik Karanggo/Rang Rang Apo nan dicaritokan Rina batua bana, samuik ko bakoloni atau mambuek sarang di pohon2 nan babuah sarupo mangga, rambutan, dan pohon2 randah lainnyo disemak belukar Taluanyo banilai ekonomis atau manjadi mato pencarian dek sebagian masyarakat di pedesaan atau pinggiran kota yang masih banyak hutan semak belukar dan pohon2 buah Jadi masyarakat nan manggantuang iduik dari talua karanggo ko nan ambo paratikan bakuliliang inyo dari pagi kalu masuak semak belukar mambaok galah panjang nan ado jariang khusus/tangguak diujuangnyo di buek sedemikian rupa, kok basuo jo sarang karanggo nan mambulek dibuek dari daun2 nan dirangkai koloni samuik ko inyo tunja dan hoyak2 lalu taluanyo masuak kadalam tanggua jo samuik2 Tibo dibawah inyo bayakan talua nan bacampua samuik ko, lalu diambiaknyo daun karambia kariang di baka, di tokok2an nan ado api jo baro lambek2 sahinggo karanggo mati dan lari tingga taluanyo sajo, ikolah nan dikumpuakan dek urang pancari talua karanggo ko dari pagi sampai sore Lalu talua segar nan lah takumpua ko di jua ka pengumpul, lalu diecer dek pedagang burung Talua karanggo ko makanan nan kaya gizi dan protein bagi penggemar dan pehobi burung berkicau sarupo murai batu, kacer, kutilang dll, iko ekstra gizi dari buruang nan makanan pokoknyo pelet khusus, lalu ditambahkan talua samuik karanggo ko Kalau murai batu lah dapek talua samuik segar ko atau babarapo ikua jangkrik ndak do lai bajadi-jadi maenggak ikuanyoi sambia bakicau..yo talen bana gaya we e apolai sudah mandi pagi, dijamua jam 10 pagi..sabana pol kicauannyo (ambo pernah mamaliharo dan hobi buruang murai batu dulu sabalun babini, lah babini..ndak ado perhatian waktu khusus lai mamaliharo buruang ko..ambo jua abih ka pahobi, tapi lai batinggakan juo saikua ka jadi pamenan, kini lah tingga kenangan sajo lai, lah mati terkapar dengan sukses di kandang karano waktu ambo tugeh urang rumah indak dirawatnyo buruang tu..aia minum dan makanannyo walau ambo lah wanti2 baa caronyo, tapi kecek urang rumah "nggak janji deh bang..cukuik lah "...... " .nan diurus, jaan ditambah pulo karajo ambo lai :) Samuik ko ka jadi bacampua umpan mamanciang di kolam pemancingan, pelet umpan nan lah dibuek adonan tu digalimangkan jo talua karangko Biaso untuak mamanciang di kolam atau sungai nan lubuaknyo tanang, untuak mamanciang ikan ameh, nila, patin kolam, gurame, tawes Talua karanggo ko kok dilatak disuhu kamar, capek busuaknyo atau ndak segar jiko akan digunokan agak lamo atau disimpan banyak Bia tetap segar untuak kamakan buruang bakicau atau ka campua umpan pelet sarancaknyo dimasuakan dalam wadah plastik nan ditutuik lalu masuklan kadalam kulkas atau frezer rancak bana, pas kalau digunokan jamua di mato hari pagi diateh koran, lah angek atau normal suhu talua ko baru awak agiahkan untuak makan buruang bakicau Itu saketek carito samuik, sebagai penutup ado joke ringan saketek ingek jo urang nieh nan agak patah lidahnyo mangecek bantuak iko Minang : Buruang si Udin di pantak samuik" Urang Nieh "..burung si Udi di panta samu... ;-) Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe