Adidunsanak Lapau, Mancaliak pro kontra posting Sate Ajo Kudun ko, ambo taingek jo kawan kuliah ambo dulu nan barasa dari Sungai Garinggiang Pariaman. Ndak usahlah jauah-jauah bana, dari Ajo ko manyabuik asalnyo sajo, sarumah kos ko alah sakik paruik mandanga logat kawan ambo nan dipanggia Ajo padohal asli inyo ko padusi tulen. Tapi bodinyo mak oi...ngalahin cowok gadangnyo diumuanyo yang samo jo kami-kami kutiko tu. Diantaro kelompok kami nan cewek2 kiluih2 waktu tu, kawan ambo ko buliah dikatoan jadi bodyguard ndak sangajo dek temperamennyo sendiri.
Sungai Garinggiang yang ado beberapa suku kato tu disabuiknyo duo suku kato sajo manjadi Singgiang. Antahlah...kalo itu dimaksudkan kami maolok2 inyo, nan Ajo sendiri jo sanang hati mandanga komentar kami nan aneh-aneh satantangan logat Singgiang yang Ajo baok ka tangah kami tu. Bukan hanyo Ajo yang dapek giliran, sadonyopun dapek. Tamasuak ambo yang suko manyabuik 'cako'. Bagi sebagian yang lain, kato2 cako itu sangat aneh, tapi bagi yang dari BUkik tantunyo alah lumrah. Ndak kalah galinyo kalo alah dituka topic ka kawan2 yang barasa dari Payokumbuah...labiah lucu-lucu lai. Yang popular a/l : Baongok-ongok lam boncah, ule nggolote lam bonde, trus treat antaro urang taeh dan simolonggang. Jo khazanah nan babeda-beda dan aneh-aneh tu kami iduik rukun di rumah kos tu sampai tamaik, kecuali ambo yang tahun ka-3 ambo harus karajo sambilan mauni rental komputer waktu tu. Walaupun baitu, tiok ambo suntuak ambo salalu main ka rumah tu bahkan lalok disitu dek kami alah cando keluarga. Baitupun kawan-kawan ambo tu indak sungkan untuak mangawani ambo tingga di rental basalingkik kalo mereka banyak makalah nan harus diketik. Kalo ingek jo kawan-kawan tu, jan garah nan kadisabuik, makan sapiriang sajo bisa limo suok nan manyokok. Ambo raso garah yo tingga di garah...tingga kito nikmati sajo, indak ado maksud tertentu untuak genre nan ciek ko. Banyak maaf, Wassalam Rina, 33, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
