Woalaaahh... TGM Kakak e. Awak mintak tolong serius, awak pulo nan kanai gadele...
Suaro mak ngah 'ampuak'? .... siiippp, setuju. Takana kini, komentar 'ampuak' tu pulo nan disabuik kawan-kawan di Bung Hatta dulu :) Katiko mak ngah pulang kampung nan terakhir dulu, beliau surprise mancigok kamanakannyo di kampus Bung Hatta Ulakkarang. Biasolah 'style' mak ngah, baju kaos, plus tas kain nan basalempangkan. Ruangan ambo wakatu tu masih di lantai I rami-rami jo nan lain. Bisiak kawan mulo-mulo dari jauah, "Buk Ta, ado tamu Professor dari Japang yo?", hehe. Sambia tagalak, dijawek, "Bukan, iko bukan Prof dari Tokyo, tapi mak ngah ambo nan pulang dari Kalipornia ". :) Ni Des Radjab nan kebetulan sadang ngajar di Bung Hatta pulo hari tu capek ambo kontak. Bajadilah kami batigo maota di ruang dosen tu, sakali-sakali diselingi kucindan jo dosen lain. Lah mak ngah pai baliak, apo kato ibuk-ibuk jo apak-apak tu, "Ondeh... sajuak caro apak tadi tu mangecek yo. Suaro apak tadi tu lamak pulo tadanga di talingo yo, AMPUAK...", hehe. Sahinggo pernah suatu kali katiko mak ngah manalepon, pas pulo wakatu tu kami sadang rami-rami di kampus dek wisuda. Ambo iduikkan speaker HP sabanta, sahinggo tadanga suaro mak ngah sabanta di urang banyak. Lalu sambia mauju, kudian ambo agiah tahu bahwa tadi tu 'incoming call' dari Amerika, dari mak ngah nan beberapo bulan lalu bakatokan suaronyo 'AMPUAK' tu, haha... Jadihlah, nantik awak bujuak mak ngah 'masuak dapua rekaman" tu baliak... Salam, RD -------------------------------------- Pada 9 Juni 2010 16:18, Masdar TGM <masdar....@gmail.com> menulis: > Ta, > Icak-icaknyo bisiak kito ko indak didanga dek makngah, > Dulu, kutiko RN awakko masih malakok jo mas Edi, kami batigo panah > batalipon-taliponan sagi tigo, mas Edi nan maatur acaranyo. Di situlah TGM > untuak partamo sakali marasokan suaro makngah memang taraso ampuak di > talingo, cuma TGM alun panah mamintak ka baliau untuak maulang baliak > malakonkan peran baliau jadi penyiar jaman parang tu. Kalau kito mamintak > basungguah-sungguah ka baliau, mamintak supayo maulang lakon sekian puluah > tahun nan lalu tu, rasonyo namuahnyo tumah. Apolagi Ita bana nan mamintak, > pasti nyo agiah tumah. > > Aliah carito stek, dulu, kutiko Ita mambao baliau raun-raun di Aia Tawa > dulu tu, ba a rasonyo suaro makngah? Kan iyo ampuak yo ndak? aaaammmpuuuak. > > Ta, > Cubolah mamintak ulang supayo rekaman baliak ka makngah tu, namuahnyo > tumah. Yakin sajolah Ita, namuahnyo tu........... Pakai sajo gaya "memelas" > seperti nan taralah, ... rasonyo lintuah makngah tu. Kalau indak juo baliau > namuah, Ita gertak sajo we e, sahinggo tabang hambua titik titik we e > tu............, hehehehe........... Caro e manggertak makngah umpamoe: > "makngah, apo paralu Ita shalat sunat duo rakaat dulu sabalun datang ka > makngah?!!! ha??? ha??? ha???" Kalau paralu dibanyakkan sajo ha??? nyo, jan > lupo pulo, bulalakkan mato indah Ita tu agak sadatiak duo datiak......, nak > nyo rasokan bana ganas bulalak Ita tu, hehehe.......... > > Alah tu Ta yo, lamo bana kito babisiak, tadanga dek makngah beko, sagan > wak. > Wassalam ciek lu, > TGM, Bkl, 50 > ==============++++++++++++++============= > > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.