disiko juo rasonyo Da Perry .. salam kenal pulo .. kalau lai buliah, ambo add uda di fesbuk ambo yo ... caliak lah di fesbuk uda .. dulu wakatu dunsanak di siko acok bakumpua, samacam main tenis di halim, pernah ka ikuik tapi ndak jadi-jadi ..
kalau nan lai pernah basuo muko di siko ado surang duo urang, tapi nan takana di ambo si reni, kami pernah pai ka ancol barami-rami dulu dari milis rang mudo minang : Ranah Minang ... sayangnyo milis tu kini lah mati, anak-anak milis tu nan dulu aktif kalau ambo tanyo lai bakomunikasi jo kawan-kawan rato-rato jaweknyo ndak pernah lai ... nan ambo caliak komunikasinyo tetap hiduik tu yo disiko di rantaunet ko .. ambo alah ikuik rantaunet ko kalau ndak salah dari 2003 cuma ambo kadang manyigau kamari kadang cigin antah kama .. terakhir agak lamo ndak mancogok kamari dek awal september email ambo "crash", agak maleh mambaliakkan settingannyo ka samulo .. tapi tetap tarimo email dari rantaunet ko di gmail ambo sampai email manumpuak, wakatu kapatang ambo download isinyo baribu-ribu email .. tapi kini rasonyo agak bisa acok mancogok kamari dek di rumah sajak awal tahun ko internet alah agak kancang .. (sabalunnyo internet lambek bana) Salam, Delfiar Sari Sutan Bagindo Rajo Tangerang ----- Original Message ----- From: R. Y. Perry Burhan To: rantaunet@googlegroups.com Sent: Sunday, June 13, 2010 3:56 PM Subject: Re: [...@ntau-net] Piala Dunia: Afrika Selatan VS Meksiko Sanak kasado alah e, batue kecek sanak jepe, nan bola ko nan labiah seru adolah di lua lapangan, tabukti banyak komentar nan mancogok. tapi dek awak di palanta ko tantu ndak ka sampai bakuhampeh bana do, kok lah ado alue nan patuik dituruik, bulek kito.. baa tu ajo sughia.. tarimo kasih tantu ka sanak delfiar nan alah maagiah pencerahan, salam kenal lewat maya (rasonyo ambo pernah mandanga namo sanak ko, tapi dima agak lupo, mungkin mambaco tulisan di bola?) ka sanak syafrinal syarien, ambo gak lupo, rasonyo sanak ko nan anggota milis rantau jaman sisuak, rasonyo dari media yo, namo ambo yo tapek bana jo sajarah minang tu, ambo lahie pas satahun prri malatuih, sahinggo namo ambo langko e kalau dibahaso awak an " satu tahun prri".. baitulah dulu, kito tunggu pulo, alek sore ko jo malam nanti, kok lai ado loh kontroversial liak, bakuhampeh pulo ota kito baliak di palanta ko. salam, perry imam satu rantau surabaya -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.