Assalamu' alaikum wr. wb. Terharu awak mandanga tuturan Bundo... Dan mungkin perasaan itulah nan dirasokan oleh mayoritas anggota rantaunet... Rasa badunsanak nan kuat satu sama lain...
Dari beberapa milis nan ambo ikuti, sajak milis organisasi profesi, organisasi alumni, dan milis-milis lainnyo, di milis rantaunet ko lah ambo rasokan ikatan batin terasa kuat dengan anggota lainnyo. Mungkin itu pulo lah sababnyo almarhum Mamak Amzar Bandaro sang 'Montir Lauik Jawa' pernah mangatokan baraso ba diskusi di RN ko raso badiskusi di 'ateh rumah' awak surang. Sabab nan tuo lah awak anggap urang tuo awak, nan saketek tuo lah raso ka kakak, nan samo gadang lah raso dunsanak kamba, sadangkan nan ketek lah raso adiak atau kamanakan kontan sajo... :) Karano raso 'di ateh rumah surang' itu pulo lah, sagalo topik ta hidang, sagalo komentar bisa muncul. Sajak nan santai sampai nan serius. Sajak nan bisa manitiakkan aie mato, sampai nan mambulalakkan mato... Komentar, cimees, sampai angek ma angek kan, uju ma ujukan, kucikak jo garah, sajak nan aluih sampai nan kadang-kadang garah kudo bisa kalua, sabab awak ndak maraso jo urang lain lai. Sadonyo tu hanyo untuak manunjuakkan raso sayang ka dunsanak. Kalau pun ado nan agak 'kalua' rel, nan tuo juo capek maminteh, baik jo nasehat ataupun jo kieh... ndak ubahnyo peristiwa-peristiwa nan tajadi dalam sebuah keluarga sahari-hari. Cabiak-cabiak bulu ayam di pandang bumbu nan biaso tajadi di ateh rumah. Pariuak jo sanduak balego tiok hari, tapi ndak ka mailangkan raso persaudaraan nan tajalin. Almarhum abak ambo dulu pernah mangatokan, saribu dunsanak masih kurang, surang musuah itu lah kebanyakan... :) Bak kato Bundo. Di Rantaunet kito mancari dunsanak dengan niat baik, tampek maota dan sekaligus mandiskusikan kemajuan Ranah Minang.... Nasehat, support, kritik, inspirasi... sadonyo terhidang di siko. Tingga di awak lai, nan ma nan ka diambiak untuak dijadikan sesuatu nan ba manfaat ka badan diri.... dan baa pulo manyikapinyo... :) Bilo Bundo pulang kampung ...??? Salam, Rita Lukman ------------ sadang sarapan pagi :) Pada 21 Juni 2010 22:45, Nismah Rumzy <hayatunnis...@yahoo.com> menulis: > Assalamu Alaikum W. W. > Silaturrahmi dapat terjadi dimana-mana. Bisa silaturrahmi itu terjadi di > acara kawinan seorang sahabat, di pengajian ataupun dinegeri orang. Selama > di Amrik ini telah terjalin bermacam silaturrahmi. Mengikuti pengajian > ibu-ibu Dallas, ketemu kawan-kawan Komputer Tempo Doeloe, dan anggota > RantauNet. Bundo merasa mendapat berkah ketemu dengan keluarga Baswandly > (Nengsi Rova), Yanti dan Rito (keduanya orang Minang Chevron yang dapat > assignment di Chevron Houston). Menjelajahi Tennesse beberapa hari bersama > sumando awak Ralph Rajo Indo Sutan sarato induak barehnyo Nurbainy Mc Kosky. > Yang terakhir bundo basuo dengan sanak awak RantauNet Zulkarnain Kahar nan > sangajo datang ke Dallas dari Houston katampek anak bundo. Alhamdulillah lah > basuo bundo jo si Padang nan caritonyo bundo danga lah lamo. Sarupo basuo jo > anak nan lah lamo indak basuo sarupo itulah nan tajadi. > Semuanya berkat RantauNet, tempatku bukan mencari lawan tapi mencari kawan > sahabat teman sama-sama ingin memajukan Ranah Minang. > Sagitu carito bundo dulu, kalau nio nengok foto2 bundo iyo tapaso mamakai > fasilitas nan dibuek dek anak Jahudi tu yaitu di FB. > Wassalam > Hayatun Nismah Rumzy (71+) > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
