Assalamualaikum ww Dunsanak sapalanta nan ambo hormati . Ambo kiniko dalam parjalanan ka Jawa Timur dan kini sadang baranti di stasiun Jogjakarta , mambali Bak Pia untuak ole-ole . Ambo lah babarapo tahun indak naiak kureta, kabatulan ado acara perkawinan anak adiak dari induak bareh di Malang tgl 4 Juli . Ambo piliah naiak kureta , disampiang maimaek pitih iyo pulo maulang kenangan maso lalu . Harago kuricih Rp 380 000 . sabagai Veteran ambo mambaie 50 % , induak bareh lansia dapek discoun 20 %, jadi banyak juo karinganannyo. Kami barangkek dari stasiun Gambir pukuah 18.00 jo kureta Gajayana, nampak dari lua indak rancak bana kureta ko, tapi didalamnyo iyo nyaman bana awak duduak . Kurisino lapang, WC no barasiah banyak aie, AC sabana dingin, ambo pakai Jakek taba, bakauih kaki tambah pulo jo kupiah dikapalo, basalimuik taba, masih mancikutuik juo kadinginan . Labiah nyaman dari naiak Kuwait Air ways , Air Bus 300 nan kami tumpang wakatu katanah suci sabulan nan lapeh . Mudah2an kureta wisata Mak Itam dinagari awak lai sarancak Gajayana ko, ambo ingin juo mancubo kok lai jadi KKM bulan Agut nanti , pulang awak basamo-samo yo sanak . Naiak kureta dari Pdg Panjang ka Sawah Lunto dan singgah di kota Solok, kok lai disitu juo SMA B pimpinan pak Sjafar Lutan taisuak ( 1954 ) ambo singgahi pulo . Dek asik manggili-gili BB , indak sadar lah baranti pulo kini di Stasiun Solo Balapan. Mudah2an beko indak ado halangan di Saradan Madiun, nan babarapo hari nan lapeh ado kurena nan maambua masuak jurang manuruik carito Metro TV . Baa kaba pak Saaf , alah dingin kaba parsiapan KKM, minta maaf ambo indak taliso mambantu, ambo ikuti sajo jo doa , sabana taragak ambo barami-rami di Kiktinggi, mudah2an basuo jo kawan2 warga Rantau Net disitu . Hinggo iko dulu dunsanak, labiah kurangnyo mohon dimaafkan.
Wassalam dari : Inyiak Malako Nan Putiah L - 74 , Surakarta 2/7/10 , jam 03.25. Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
