Aahaa, Pertanyaan Penting tu Angku Saaf. Indak tajawab di awak surang. Mungkin tanyo Angku Saaf tu rancak dikatangahkan dalam Kongres ABSSBK nanti.
Di Nyiak Sunguik iyo indak tantu nan ka jawabnyo doh. Tapi, kok dicaliak-caliak, raso-raso kebanggaan diri nan kadang-kadang dikatangahkan di Lapau ko, mungkin dapek juo dipakai untuak panyokong jawabannyo, ... karano ... Ranah Minangkabau ko dibanggakan sabagai "Pabirik Utak". Kok soal "baibo-ibo" (istilah nan tampaknyo Angku Saaf sanangi juo) mungkin itu pun salah satu ciri dari "national character" Urang Minang, Paibo Ati. Sabagai contoh, Kok, alun panah, sakali-sakali Angku Saaf rancak juo pai mancaliak urang basaluang. Paratikanlah lah baa caro duduaknyo, baa caro manyanyinyo, caliak aia maukonyo salain mandanga isi ratok-ratoknyo. Itupun manjala ka kato-kato lagu "modern", ... "Kok den Kana Maso Dahulu ... Jatuah Badarai Si Aia Mato... " Aa, sudah tu basuruah pulo Saluang manyampaikannyo ... "Ooooi Saluang tolong sampaikan ..." Lul lul lul lul lul lun ... Salam, --Nyiak Sunguik --- In rantau...@yahoogroups.com, saafroedin.ba...@... wrote: > > Inyiak Sunguik, ado nan manarik perhatian ambo dari kisah angku Datuk Endang, > yaitu indak banyak urang Manado nan mangana soal Permesta, apolagi dalam > kaitan jo PRRI. Kasan ambo, juo indak banyak urang Batak nan mangana soal > PRRI. > > Masalahnyo adolah baa mako di urang awak balaruik-laruik bana baibo-ibo soal > PRRI ko ? Baa manarangkannyo tu ? > > Soal penghargaan ka Tuanku Imam Bonjol alah pernah kito bahas di RN. Baa > kasimpulannyo Riri ? Ma nan banyak: nan setuju atau nan indak setuju ? > > Ambo masuak kalompok nan setuju, karano sacaro historis asa muasa ABS SBK kan > kabijakan baliau th 1832, nan kudian diikrarkan di Bukik Marapalam th 1837. > > Wassalam, > Powered by Telkomsel BlackBerry® > > -----Original Message----- > From: "sjamsir_sjarif" <hamboc...@...> > Sender: rantaunet@googlegroups.com > Date: Thu, 01 Jul 2010 20:09:26 > To: <rantaunet@googlegroups.com> > Reply-To: rantaunet@googlegroups.com > Subject: Re: Bls: [...@ntau-net] Keberlanjutan Pengurusan Makam Imam Bonjol > di > Menado > > Maa Angku Datuk Endang sarato Rang Lapau nan Basamo, > > Sanang hati awak, lah sampai Angku Datuk Endang saroman diniatkan pai ka > Pusaro Tuanku Imam Bonjol. Kicau Murai Kukuban, Rita Desfitri, lah sampai > pulo ka MakNgah kapatang manyatokan lah sampai ka Pineleng mancaliak daerah > jo pusaro tu. Sayang anggota Lapau Awak nan baduo ko indak semat sakapatabang > maota sambia tabang saroman ambo anjurkan. Jadwal dan kakok babeda. Nanti > tantu kito di Lapau ka dapek barita salanjuiknyo dari Baliau nan baduo. Dari > Murai mungkin agak talambek, karano sasudah tabang-tabang > Padang-Jakarta-Medado, baliak ka rawok pulo sabanta di Jakarta, ka taruih > pulo malayang ka Bangkok di Nagari Svarnabhumi tu. > > Nah, dek lah kito danga sacacah dari Angku Datuk Endang, kok dapek kito > mausul ka Angku Saafaruddin Bahar, kok dapek rancak dipakatoan juo masalah > kuburan ko degnan usul nan konkrit dalam Kongres nan ka datang tu. Supayo ado > tando-tando paratian kito ka almarhum, tokoh sejarah Pahlawan Tuangku Immam > Bonjol, nan memang tasangkuik jo pencetusan "Adat Basandi Sarak Sarak Basandi > Kitubullah" ko. > > Memang Angku Datuak Endang, Ingatan Masayakat sabana singkek. Jan kan ka > Perang Paderi sajo,apo lai silsilah garih katurunan TIB, Ingatan ka > Permesta/Permesta nantgajadi relatif sabanta ko, indak lakek lai dalam > pangana. Namun, para Peminat Sejarah tantu akan mencari-cari, > mahangek-hangekkan, dan mehiduikan Kenangan ka Maso Lalu tu. Kito nan Basamo > sanang, di Lapau ko Angku Datuk Endang adolah Tokoh Cemerlang nan ka dapek > manaruihkan perhatian mandetail ka arah ko dan manaruihkannyo kapado Angkatan > Kemudian. > > Salam, > -- Sjamsir Sjarif > Di Tapi Riak nan Badabua > Santa Cruz, California > > --- In rantau...@yahoogroups.com, Datuk Endang <datuk_endang@> wrote: > > > > MakNgah jo Pak Abraham yth. > > Alhamdulillah alah baliak li ka dangau. Tadi siang lai sampai ka Pineleng, > > nan makam masih baitu juo. Pengurusan nampakno masiah oleh keluarga nan ado > > di sekitar itu, katonyo keturunan ka-4 dari pengawal TIB nan banamo Apolo. > > Namun kalau ambo sasak ka sejarahnyo, indak obeh dek urang itu. Kalau dari > > naskah TIB, baduo pangiriang TIB iyo baliak lai ka Bonjol. Antahlah kok iyo > > ado nan kawin di situ, mengingat labiah 20 tahun TIB di Lotak. > > Sabalunno lai basuo juo jo Ibu Rita DL, namun karono alah pai sahari > > sabalunno dan sedang sibuk konperensi matematika, jadi berkenalan sajo. Ibu > > Rita lai agak lamo, sampai Sabtu katonyo. Mudah-mudahan ado resep bubur > > Manado nan ka ditangahkan ibu itu ka palanta iko nanti. > > Satantang tando-tando pasca Permesta, dari babarapo urang nan ambo tanyo, > > indak ado nan tahu, raso-rasonyo indak ado katonyo. Kaitan PRRI-Permesta > > juo indak ado bakehnyo lai di ingatan urang-urang. Mungkin masih ado > > pangana di urang-urang tuo, namun indak sempat ambo telusuri. > > Baitu kaba disampaikan labiah dan kurangnyo. > > > > Wassalam, > > -datuk endang > > > > --- On Wed, 6/23/10, sjamsir_sjarif <hambociek@> wrote: > > > > > > "> InsyaAllah minggu depan ambo cubo baziarah baliak ka Pineleng." > > > > Maa Angku Datuk Endang, > > > > Mudah-mudahan salamo ado di Menado dan daerah Minahasa tu, selain > > memperhatikan Sejarah Maso Paderi, barangkali rancak juo diarahkan > > pandangaran baa pandangan Urang Sinan ka Sejarah Kontemporer. Ingin awak > > mandanga baa kenangan dan pandangan Urang Angkatan itu dan Angkatan kini > > mengenai Mawsyarakat Sumatra Barat dalam Maso Permesta 50 tahun nan lalu. > > > > Oh ciek lai, kalau memang minggu depan Angku Datuk akan ado di Menado, sia > > tahu mungkin sempat dihubuangi saurang kamanakan kito di Lapau ko nan > > mungkin besamaan waktunyo ado di Menado. > > > > Salam, > > -- Sjamsir Sjarif > > > > --- In rantau...@yahoogroups.com, Datuk Endang <datuk_endang@> wrote: > > > > > > Kalau maliek foto aleknyo, nampaknyo berlokasi di tampek parkiran, namun > > > hadoknyo ka gadung makam. Gadung makam sandiri sarupo makam-makam di > > > Jawa, yaitu bahatok, mungkin nan iko kurang sasuai jo budaya awak. Tapi > > > kok tapakai juo pituah dimaa bumi dipijak disinan langik dijunjuang. > > > Dari naskah TIB dapek dibaco kalau TIB kurang suko dipindahkan dari Ambon > > > ka Manado, karono sapangatahuan baliau di tampek baru itu kotor dan > > > banyak anjiang. Namun baitulah, tapaso juo baliau pindah barikuik jo duo > > > pangiriang. Dari tabungan santunan sabagai urang buangan, akhirnyo baliau > > > mambali tanah di Pineleng, kiro-kiro tampek kuburan kini. Kok disabuikkan > > > agak laweh, rasonyo indak sakadar lokasi pemakaman kini. > > > Daulu ambo curigo kalau ado hubungan beliau dengan pembuangan Diponegoro > > > dan Kiai Maja sabalunnyo di Manado. Kalau Kiai Maja pernah terlibat dalam > > > Perang Paderi. Jadi sampai kini ado kampuang di Tondano dan basuku Jawa, > > > disabuik Jaton (Jawa-Tondano). Namun agaknyo dalam naskah TIB indak ado > > > disabuikkan hubungan/komunikasi TIB dengan Jaton itu. > > > InsyaAllah minggu depan ambo cubo baziarah baliak ka Pineleng. > > > > > > Wassalam, > > > -datuk endang > > > > > > --- On Fri, 6/18/10, Lies Suryadi <niadilova@> wrote: -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
