@Rina Apo nan Rina alami tu samo nan dialami "condelkeza rice" uda, yo tapakiak lo inyo pai manuka ka kadai harian biaso dibaok pitih Rp 100 ribu lah pueh balanjo bumbu2 jo ka disamba, kini taraso kurang dek arago lado naik baitu juo bumbu2 nan lain, lalu inyo malapor lo ka Uda, arago jariang naik pulo, biaso 10 buah Rp 2 ribu naik saratuih persen manjadi 4 Ribu, uda jawek sajo lai "bia ndak gai mamakan ati rimbo tu asa lai samba balado"
@Da Don Baa kaba mudah2an lai sehat2 sajo di liberia tu walau lado nan dibaok dari Pakan alah putuih Lah samo parangai awak mah, kalau ambo lah pai mandah ka hutan, yo dibungkuihkan lado giliang taka punyoi da Don tu Dulu di Padang ambo ka tugas ngecamp di Sipora Mentawai yo babaok lado giliang jo tangan ko ado langganan kami di pasa ulak karang, lah babawang jo bagaram digiliang tangan jo batu lado dek panggaleh tu. Lalu di bungkuih lapih duo plastik satangah kilo. Manjalang bisuak ambo barangkek ka Sipora Yo amuah senewen bin tenggen awak deknyo kalau lah putuih lado ndak masuak dari Padang ka pulau sipora dek cuaca badai ndak ado kapa masuak. Ambopun paliang suko mambuek mie instan ala da don tu kalau lah di pulau mandah, lah pasti ado udang seger kualitas ekspor nan didapek nelayan atau cumi ambo bali yo sabana biati bana ambo jo udang2 segar nan didapek nelayan ko, kalau pulang kapadang ndak do lai ambo baok jo cool box udang2 kelas ko jo karapu2 kelas, samalamnyo diateh kapa cool box nan ambo isi es ko Jadi udang ko jo cumi dipotong2 sadang dagiangnyo ditumihkan salayang jo lado nan babaok ko jo daun sop lah mulai harum satangah matang masuakan aia pas lah angek lo aia ko masuakan mie instan jo bumbunyo malakik manggalagak di pacahkan lo taluak elok2 kadalam kuali ko, jaan di kacau, lah co mato sapi talua ko baru di kacau saketek, pas manggalagak aia jo sagalo bumbu matikan kompor, diam kan sejenak baru disalin ka mangkuak ndak do lai badan diri nan sadang jauh dari induak bareh yo badaceh juo makan mie instan sea food ala jepe ko jo nasi agak sapiriang ketek :-) Lalu mambuek mie goreng ala sea food co itu juo, yo taraso bana bajaso lado giliang nan babaok dari Padang tu Udang Goreng tapuang co itu juo lah sudah bagoreang sambalnyo atau ladonyo diencerkan sajo lado giliang tadi jo aia angek mandidiah lalu agiah stek kaldu Royco..ndak sadang2nyo do udang tapuang goreng nan ambo buek jo saus samba mode ko, suok kida cepak cepong ambo jo karyawan di camp manggado camilan bantuak iko, kok bakwan bantuak tiu lo udangnyo ndak saikua duo ikua, sabana padek udang lah babukak kulik ko digalimang tapuang bakwan nan ambo buek, tetap paliang szerohhh jo samba lado giliang nan babaok dari padang tadi taka lado giliang nan da Don baok ka Liberia tuwww :-) Lah sudah diambiak saparalunyo yo disimpan dalam kulkas di camp, sabana banyak gunonyo lado mode ko bagi kito2 nan suko mandah dan bisa mamasak Kalau ndak ado lado bantuak iko ambo bawok, baa kecek urang betawi ambo tu "kayak ayam jago ketelan karet gelang" bingung, nanar, nggak tahu kama kaki malangkah ha ha ha @dinda Anwar, yo ndak baa do harago lado ko kan berfluktuasi naik turun dan ado maso2nyo, bia lah dinikmati petani pas arago maha ko, sahinggo kalau dirato2 satiok musim sinan juo tibonyo untuak menutupi katiko pak tani awak panen harago anjlok, tapi baa ka baa yo lamak jadi pedagang, main manang sajo pedagang ko ndak ado ruginyo, kok lado anjlok 10 ribu sakilo di petani di jua pedagang 13 Ribu, kok arago maha ditingkek petani sakilo Rp 50 Ribu dijua dek pedagang agen Rp 55 ribu tibo dipengecer kadai harian Rp 60 ribu sarupo nan diposting dinda Nofend Jadi lado ko ndak usah cameh bana awak jo aragonyo nan kini sadang tinggi, nanti pasti turun lagi, mekanisme pasar nan maaturnyo (demand and supply) Ado joke bantuak iko Ibu : Pak pak arago gulo maha bana kini sampai 10 Ribu sakilo,baa aka kito Pak Pak : mudah se tu nyo bali 1/2 Kilo sajo Nah lai bisa mansiati konsumsi lado kito sebagai urang minang, kalau sahari 4 Ons mamakai lado katiko arago normal, pas maha bantuak iko yo 2 ons sajo lai sahari Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
