Sanak Jepe, Suai bana ambo tu. Takah kureta kudo lamo nan masih dipaliharo di Balando sampai kini. Indak dipakai tiok hari. Kadang2 ado nan manyeo untuak perkawinan: anak daro jo rapulai sarato pangiriangnyo 2-3 urang naiak kureta kudo ko. Kudo e gadang, duo ikua sakali mairik kureta tu, bulu bakilek, bajambua2 di kuduaknyo. Badakak2 bunyi kaki kudo ko maelo kureta ko, bajalan lambek di salo2 oto. Tapi sopir oto di Bulando ko iyo saba. Indak maraso tahalang bagai doh dek kereta kudo nan bajalan lambek ko. Sabana sangaik saba, saliang tenggang. Kadang2 kereta kudo ko diseo dek turih. Lah takakah2 galak turih Japang di ateh kureta tu...
Tabayang dek ambo co itu pulo PADATI WISATA kito ko. Guno e untuak wisata jarak dakek, ka palapeh2 ceknan dek turih domestik, khususnyo urang Minang nan pulang kampuang, ka pamanuahan raso ingin tahu dek turih asiang. Dek Dunsanak di lapau nan lai gak padek di rantau, ganti ka mambuek lapangan karajo ka rang kampuang menah. Suruah sorang sanak nan tata di kampuang untuak MALAP-LAP padati ko, manjago kabau lokoh ko. Kok dapektantu PADATI WISATA ko bakilek andaknyo, indak bacilupu co padati mambao kasiak atau abu dadak doh. Kapan paralu kabau lokoh ko disikek bulue tu, bakilek, diagiaah minyak sitakom setek supayo harum. Di zaman kini bisa dipromosikan PADATI WISATA ko lewat internet, koran, dll. DISEWAKAN: PEDATI WISATA; RUTE: BIRUGO - JAMBU AIA. HUBUNGI NO HP:...... SEWA SEJAM $........ Catatan penting: DALAM PARIWISATA MODERN HARAGO KO HARUS TATULIH. Tulihan harago. Jan maandok2, jan mamakuak2, jan main bangkuang. Kok maha katokan maha, murah katokan murah. Calon konsumen bisa manilai. Kok ado iklan sarupo ko, tahun muko ambo mandaftar ciek. Taragak bana bajuntai di ban padati tu, sambia badendang2 ketek marunuih2.... Baa agak hati Sanak Jepe jo Da Riri tu? Kito tunggu balehsan dari Pak Rainal Rais, he he. Wassalam, Suryadi ________________________________ Dari: "jupardi...@yahoo.com" <jupardi...@yahoo.com> Kepada: rantaunet@googlegroups.com Terkirim: Sen, 16 Agustus, 2010 15:32:43 Judul: Re: [...@ntau-net] Minang Saisuak #11. Pedati dan Lumbuang Bapereang Pak Dasriel,Pak Muljadi,Pak Taufik,Da Riri, Sanak Suryadi dan Dunsanak Palanta Carito minang saisuak kito tantang Padati akhirnyo berkembang manjadi sebuah wacana moda transportasi untuak manunjang ke pariwisataan di ranah minang Manuruik ambo kalau baretong sacaro bisnis (baca : untung rugi) sarupo nan dietong2 Pak Dasriel dan Da Riri memang diateh karate tantu cukup layak dan memberikan keuntungan dalam mengelola padati Tapi prakteknyo di lapangan tantu indak atau malah ndak basuo itungan2 sacaro bisnis tu, Mungkin sifatnyo temporary sajo, kalau lai ado urang kampuang nan masih punyo garobak padati pado event2 tertentu direntalkan bajalan2 disakililiang objek wisata untuak jarak2 dakek sajo Kalau ado nan mancarter saharian bisa juo, lalu kalau hari2 biaso nan sakiro indak ado nan marental kabaunyo kan bisa digunokan mambajak sawah Kalau di kampuang ambo lai juo ado dunsanak ambo nan punyo padati ko tapi yo ndak sarupo saisuak nan jadi moda transportasi untuak maangkuik barang Garobaknyo indak barumah atau baatok hanyo pasangan jo lantai papan sajo nan diirik kabau, sadangkan rodanyo lah baganti ban oto nan basumbu Jadi gunonyo pai kasawah mambaok peralatan tani, saprodi, kok panen baok padi/gabah. Dari rumah ka sawah p/p, tibo disawah kabau dilapehkan dari pasangannyo mambajak lai karajonyo Iko sasuai bana jo lagu nan diagiah link dek uda Riri (nasib kabau padati) dulu pernah ambo tulis lagu kararangan seniman lagu minang klasik oleh "SATAYU" Lirik lagu ko makna tersiratnyo adolah tentang urang nan lah mancubo bausaho, bakarajo kareh tapi nan nasib yo alun barubah juo lai, diibaratkan bak cando kabau padati "Dikampuang maelo bajak, dicubo marantau maubah nasib tapi tibo dirantau maelo padati, badan ndak lapeh juo kanai palacuik, kuduak malaleh jo pasangan..yo taibo hati katiko kabau batanyo ka Padati "JAUH LAI PARANTIAN" Kalau ingek dan mandanga lagu ko yo sabana ibo hati ambo deknyo, urang lah bausaho karajo kareh untuak maubah nasib kok lai elok tapi nan dapek yo hanyo lapeh makan sahari sajo, samantaro oknum penguasa dan petinggi nagari awak ko lamak2 sajo manggasak pitih negara milyaran rupiah Mudah2an ado juo urang2 kampuang kito di ranah nan punyo garobak padati lengkap sarupo jamans aisuak, kalau taragak kan bisa awak rental sajo sekedar baputa-puta balambek2 di alam ranah minang Wass-Jepe Sent from my AXIS Worry Free BlackBerry® smartphone -- -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
