Selamat datang dalam "percaturan" media massa cetak spesifik Minangkabau...!!!!!
Alah sambuah samanjak zaman saisuak --saingek memori ambo diparantauan-- media cetak nan sapacokian jo "Surek Kaba Mingguan LENSA NAGARI" (a.l : majalah ANEKA MINANG; majalah VARIA MINANG; majalah KABA NAGARI, dll) tapi rato-rato hangoknya indak panjang-panjang bana. Rato-rato pugaik dek karano pokok si pangka (Manajemen/modal tipih)nan indak beres. Di tambah ciek lai, indak dikalola sacaro profesionalis dek masiang-2 nan talibaik! Manuruik pamikiran ambo nan (mungkin) agak lain, urang awak nan mampunyoi modal balabaiah dan taimbau hati sanubarinyo jo dunia jurnalistik ko untuak mamajukan Minangkabau, sabana dimintak karelaanyo untuk mananam modal untuak manabik-an SKM paliang tidak buek edisi 3 X 52 ka muko. Kalau indak, panyakik nan samo ka baliak pulo menyemba "SKM-LN" ko untuak pugaik!. Ambo baco dari "surek listirik" Sanak Fauzi di bawah, "SKM-LN", sabana sanang hatimbo rasonyo. Dikatokan, bahasao alah ado "kuli dawaik' (kini alah barubah manjadi : "kuli flash disk") nan taseba di 18 kabupaten/ kota di Minangkabau, dan dimamah dek urang awak di kampuang halaman di >700 nagari dan >200 kecamatan. Good. Alhamdulillah!!!. Sabananyo, kalau sajo dunsanak awak nan bapitih taba nan taimbau hatinuraninyo jo "jurnalistik ala Minangkabau" ko, pangsa pasar "Si Padang" (baiak di kampuang halaman atau di parantauan sampai ka LN) adolah lahan nan sabana basah untuak dihidangkan bacaan/berita khas Minangkabau. Apo lai, pihak manajemen SKM-LN pandai & cadiak pulo marangkul Si Padang" nan jadi saudagar gadang di Indonesia atau dunia (PT.Sarasah, PT. Latief Corporate, Fahmi Idris Companies, Awaluddin Dajmin Syndicate, Hotel Menteng Group, dan PT-PT punyo suadagar-saudagar Pariaman, tanah Data, Solok, Agam nan batebaran di Tanah Aabang, Blok M, Bekasi, PoindS, dll dst) bisa dirangkul untuak sacaro bagantian mamasang iklan di SKM-LN, insya Allah mingguan berita ko bisa batahan lamo. Syukur-syukur sampai hari kiamaik nantik. Kunci utamonyo? Dikelola sacaro profesional sejati dek urang nan santiang-santiang di bidangnyo. Dan, "Si Padang nan bajumlah 2 X 3.4juta urang di ateh dunia ko banyak nan bisa untuak di ajak sato. Tapi....., apokoh wanyo lai tapanggia untuak mambangun kampuang halamannyo malalui "SKM-LN"? Nah. Dari pandangan sakileh sajo, baitu maliek web nan dipakai"SKM-LN" banamo lensanag...@yahoo.co.id, ambo langsuang mangatokan bahaso "SKM-LN" ko masih dimasak di dapua mamakai lagu lamo. Asal ado sajo. Baa kito mesti mamakai web perai dari si yahoo.com tu? Baa kok indak saketek pun taniaik de "urang dapua SKM-LN" manabik-an/ manyeo sacaro sungguah-sungguah ciek web nan banamo serius, misalnyo www.lensanagari.com? Dan, saluruah repoternyo nan taseba di ateh dunia, musti pulo mamakai ja.pri khas "SKM-LN". Misalnyo : udinkur...@lensanagari.com, mangku...@lensanagari.com, sitimanggo...@lensanagari.com,linduangbu...@lensanagari.com, dll dst. Kalau alah saroman ko tampilan "SKM-LN", baru bisa ambo raso masa depan adolah punyo komunitas"Surek Kaba Mingguan LENSA NAGARI". Amminn Ya Rabbal Alamiiiinnnnnnnnnnnnnn. Salam dari parantauan..............., mm*** . ________________________________ From: fauzi media <fauzi_me...@yahoo.co.id> To: rantaunet@googlegroups.com Sent: Mon, August 23, 2010 12:35:31 AM Subject: [...@ntau-net] Kambali Manyapo Dunsanak Ambo Aslmkm Para Dunsanak Ambo Kasadonyo nan ado di Palanta Ko, Baiak Nan Ado di Rantau maupun Nan di Kampuang Halaman di Sumbar. Ambo Kirimkan Pulo Kato Nan Samo Buek Rang Dapua nan Terhormat. Sabalun nyo Ambo Minta Maaf dan Tarimo Kasih buek Rang Dapua nan Ma izinkan Info Buek Dunsanak kasadonyo. Sakadar Info Buek Kito Basamo: Alhamdulillah Surat Kabar Mingguan Lensa Nagari yang mengangkek Topik dan Pemberitaannyo Seputar Rang Minang di Rantau dan di Kampuang Halaman, Tarutamo di Nagari-nagari nan ado di Sumbar, Alhamdulillah, lah bisa didapek kan di sejumlah Lapak Koran, atau di Nagari-nagari Dunsanak. Namun sabalumnyao Koran Ko Alah Parnah Tabik, tapi dek karano satu dan lain hal, tapaso kini disambuang baliak. Alhamdulillah kini lah Eksis. Buek Niniak-mamak, Alim-ulama, Cadiak-pandai, Bundo-Kanduang dan Pemuda di Satiok Nagari dan Rantau, Tarutamo Dunsanak Ambo nan di rantau di Seluruh Indonesia, kami TIM Redaksi dari Surat Kabar Mingguan Lensa Nagari akan mengekspose berbagai hal kegiatan dan lika-liku kehidupan Dunsanak nan ado di rantau. Serta nan ado di Ranah Minang kini, kami melalui Seluruh Wartawan yang telah tersebar di 18 Kab / Kota di Sumbar akan tetap mengekspose tentang apo sajo topik-topik yang menarik. Bagi Dunsanak kasadonyo, dapek mangirimkan berbagai kegiatan di Ikatan Rang Minang nan di rantau atau berbagai kegiatan lainnya ke email: lensanag...@yahoo.co.id Tambahan juo, Alhamdulillah, hinggo kini, Koran tu lah beredar ke seluruh Nagari di Sumbar (lebih 700 Nagari dan Lebih 200 Kecamatan). Demikian Sakadar Info Buek Saluruah Dunsanak. Buek Rang Dapua, Ambo Ucapkan Tarimo Kasih Nan Tak Terhingga atas sagalo izin nyo di Palanta Ko. Wassalam Fauzi Lisa (Pimp.Umum/Redaksi SKM Lensa Nagari) Padang - 40 Tahun -- . -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.