Assalaamu'alaikum wa rahmatullaahi wa barakaatuhu Tadi malam ado surang jamaah manyampaian kuliah tujuah minik nan ringkeh tapi barisi. Sarupo iko jano labiah kurang;
Imam Al Ghazali batakok takik jo murik-murik baliau; Nan partamu, aa nan paliang dakek ka awak? Jawek murik-murik baliau macam-macam, ado nan mangecek-an mandeh, ado nan mangecek-an ayah, ado nan mangecek-an pasangan hiduik, ado nan mangecek-an anak. Kecek baliau, sadono batua, tapi nan labiah dakek adolah kamatian. Nan kaduo, a nan paliang jauah dari awak? Jawek mareka ba macam-macam pulo baliak. Ado nan mangecek-an nagari Cino, ado nan mangecek-an bulan, matoari, bintang. Kecek baliau sadono batua, tapi nan paliang jauah jo awak adolah maso nan alah lapeh. Nan katigo, a nan paliang gadang di kahidupan dunia ko? Jawek mareka ado nan mangecek-an gunuang, ado nan mangecek-an gajah, ado nan mangecek-an lauik basa. Kecek baliau sadono batua, tapi nan sabana paliang gadang adolah hawa nafsu manusia. Sudah itu nan kaampek. A nan paliang barek? Jawek mareka, pakakeh dari basi, gunuang jo bukik. Kecek baliau sadono batua, tapi nan sabana paliang barek adolah managak-an amanah. Nan kalimo pulo. Apo nan paliang ringan dek urang kabanyak-an? Ado nan manjawab kapeh, ado nan manjawab gabuih, ado nan manjawab udaro. Sadono batua, kecek baliau. Tapi nan sabana-bana ringan dek kabanyak-an urang adolah maninggaan sumbayang. Nan kaanam, aa nan paliang tajam? Jawek mareka padang, pisau, anak panah. Kecek baliau kasadoanno tu batua. Tapi nan paliang tajam daripado itu itu adolah lidah. Iyo tangguak-angguak lo ambo mandangaan kultum tadi malam tu. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.