Assalamualaikum wr wb, Pak Hanif Hoesin nan ambo hormati, mohon diterimo koreksi dari ambo. Lembaga Kerapatan Adat Alam Minangkabau (LKAAM) nan berdiri tahun 1966 digagas oleh pamarentah orde baru, kabatulan pak Saaf salah satu pendirinyo & indak ado pulo samo sakali hubungannyo jo Tambo Alam Minangkabau ataupun Tambo Adat Minangkabau. Sabalun adonyo LKAAM, alah ado nan banamo MTKAAM nan berdiri tahun 1937, digagas oleh pamarentah kolonial Balando. MTKAAM iko berasa dari Syarikat Adat Alam Minangkabau (SAAM).
Ambo cubo bacarito setek, bahwasanyo di negara awak nan banamo Indonesia nan ko, masih banyak tajadi tumpang tindih koordinasi, baitu pulo di Sumatera Barat. Kito cubo caliak sajo contoh pado Dinas PU, Dinas PDAM jo PT Telkom. Katiko jalan raya nan rusak parah ka dipaeloki oleh dinas PU, dikarajokan lah pengaspalan ulang sahinggo jalan raya ko mulus baliak salicin-licinyo. Indak lamo sasudah tu, datang pulo dinas PDAM mambongkar sisi sabalah kanan jalan raya nan masih mulus tu, dengan tujuan ka mangganti pipa aia nan alah tuo dimakan jaman (kardaluarsa). Tantu alah "sumbiang" jalan raya nan baru dipaleploki di PU tuh sapanjang jalan nan disabalah kiri. Indak lamo sasudah itu, eh tibo kru dari PT Telkom, inyo gali pulo jalan nan disabalah kanan, untuak mamasang kabel telpon nan sagadang paho supayo jaringan internet mak batambah sumarak ka rumah-rumah masyarakat. Tantu alah sumbiang kanan jo kiri jalan raya nan baru bapeloki. Batanyo ambo ciek, manga ka tigo instansi tu indak ado saling koordinasi untuak bakarajo di lokasi nan samo??? kan labiah rancak malah kalau masuak daulu PDAM jo Telkom mauruak jalan kanan jo kiri? Alah salasai karajo baru masuak pulo dinas PU malicinan jalan raya nan sumbiang-sumbiang?? Itu pulo kini nan sadang diusahokan panitia KKM baiak SC jo OC. Untuak mambuek suatu badan koordinasi nan kamungkinan namonyo Forum Adat & Syarak atau Forum Tigo Tungku Sajarangan. Tantu masalah namo ko alun bisa dipastikan lai, dek harus dibahas pulo di Kongres, dek karano itulah fungsi dari Kongres nan insya Allah akan diadokan 23-24 September 2010 di Balai Sidang Bung Hatta Bukiktenggi. Tantunyo sabalun Kongres harus ado pulo pra kongres. Sia nan ikuik pra Kongres ko?? tantu seluruh lembaga nan takaik jo namo minangkabau, sabab nan duduak di Forum Komunikasi atau Badan Kerjasama ko (atau apopun lah namonyo - rasanyo alah bapuluah kali ambo manulih tantang iko hehehe..) adolah lembaga-lembaga nan ado di ranah minang, seperti LKAAM, MUI Sumbar, Cadiak Pandai seperti kalangan cendiakiawan dari Unand - IAIN - UNP jo Budayawan/Seniman sarato Bundo Kanduang jo KNPI Sumbar dari kalangan pemuda. Dengan demikian, sagalo permasalahan nan ado ranah minang nan takaik jo Masyarakat Adat Minangkabau dapek dimusyawarahkan basamo apo-apo nan ka rancak untuak dikarajoan basamo untuak nagari - nagari nan bajumlah 630 Nagari tuh. Forum Komunikasi atau Badan Kerjasama ko (atau apopun lah namonyo - ba ulang lo baliak sakali lai, iyo lah nene ambo dek ee..) diharokkan tahubuang ke seluruh nagari - nagari sahinggo apo-apo masalah nan ado di Nagari nan paralu dibantu bisa diusahokan oleh Forum Komunikasi atau Badan Kerjasama ko (atau apopun lah namonyo - ba ulang lo baliak sakali lai, iyo lah....). Dengan demikian pabilo alah jaleh koordinasi nan ko, ambo kiro indak ka sarik lai pabilo ada mukasuik maundang parantau-parantau nan namuah mambantu memajukan nagari-nagari di ranah minang. Badan Koordinasi ko (ambo iyo alah maleh maulangnyo..) sewaktu-waktu pabilo diparalukan bisa menjadi satuan koordinasi nan terhubung langsung ke nagari-nagari pabilo ado bencana sarupo nan alah tajadi di tahun 2007 jo 2009 nan memang sangek minim koordinasinyo, sabab salamo 15 hari partamo ambo iyo tagabuang jo Undac organisasi dari PBB untuk maagiah assesment untuak tim rescue dari negara asing nan bajumlah 38 negara di 4 kabupaten (Padang Pariaman, Agam, Pasbar jo Pessel) & 2 kota (Padang jo Pariaman). Kok masalah LKAAM nan manolak KKM ambo raso masalah iko indak ado kaitan jo SC KKM 2010 doh. Baa kok taka itu?? sabab alah dikomunikasikan sacaro jaleh melalui pertemuan jo pengurus LKAAM periode 2005-2010 di sekretariat LKAAM Sumbar Gedung Abdullah Kamil Jl. Diponegoro no 1 Padang pada tanggal 24 Maret 2010 dengan pegurus antara lain pak Zainuddin Dt Rajo Lenggang, pak Ismar Madir Dt Putiah, pak Bahtiar Abna Dt Rajo Sulaiman. Manganai penolakan LKAAM periode 2010 - 2015 nan saat kini dikatuai jo pak Sayuti Dt Rajo Pangulu, nan pado maso pengurus LKAAM 2015 - 2010 adolah Sekretaris Umum, tantunyo adolah miss komunikasi nan tajadi di organisasi LKAAM itu sandiri. Nan aneh bin ajaib binti mustajab adolah, manga pulo friksi nan ado di tubuh LKAAM takanai gatahnyo pulo SC KKM 2010 ??? http://www.facebook.com/album.php?aid=8782&id=110166529028119 http://203.130.196.151/~admin19/detail_news.php?id=1080 Untuak itu Angku, mamak bundo sarato dunsanak sakalian, manuruik ambo nan masih mudo ko, iko bana nan paralu awak kasadonyo untuak diinokmanuangkan, kok masalah cameh ka marubah adat istiadat tantu indak ka bisa doh, sabab adat salingka nagari, bahkan manuruik ketua persatuan wali nagari sa kabupaten Tanah Data, pak Zulfikar Gatot (WN Cubadak) di nagari baliau sajo ado pulo perbedaan adat di antaro jorong-jorong. Semoga dipahami, amin ya Rabbal alamin, banyak maaf. Wasalam AZ - 32 th -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
