Salam dinda ET, jo dunsanak nan di palanta,
Agak binguang ambo mambaco tulisan tanggapan dari dinda ET, indak
tatangkok bana dek ambo intisari nyo, mungkin dek karano ambo banyak
kakurangan (indak bagala, indak kayo, indak tinggi pendidikan, indak
pambarani maacuang acuangkan tangan atau basorak2 bak kecek dinda ET
kok ingin "diakui" di gebu minang).
Kok iyo niaik dinda ingin menanggapi tulisan ambo, mako bacolah hati
hati sakali lai tulisan ambotu, rasonyo tampak jaleh dima duduak ambo,
indak condong kama kama doh. Kok ka condongpun kasatu fihak, tantu
mambarekan fihak tu, karano pangajian ambo memang alun sampai untuak
babicaro masalah abs sbk sacaro mandalam.
Tulisan ambopun, eksplisit mangatokan kegagalan pelaksanaan kongres,
bukan seminar atau diskusi KM yg masih sangat mungkin dilaksanakan.
Dan substansi tulisan ambopun ingin percekcokan kubu pro jo kontra
sabaiknyo dihentikan, indak diparunciang2 dek fihak manopun, apolagi
dalam bulan suci ramadhan dan bulan sulatirahim syawal, indak labiah
indak kurang doh dinda.
Tantang ambo sendiri, seperti ambo uraikan diateh, ambo cuma urang
minang biaso nan indak bagala jo sakola tinggi, indak pulo parnah
tingga lamo di lua nagari. Walau kecek dinda sulit bagi ambo untuak
dibao sato ("dianggap" kecek anak2 kini), disampiang ambo indak nafsu
kaarah situ, mungkin indak diparukan pulo dek organisasi dinda.
Kasaharian ambo mangakeh di pasa, blok m, tanah abang, majestik,
memang lai indak tadanga dek ambo urang badiskusi masalah KKM ko doh,
baiak yg pro maupun yang manulak.....padahal jumlah kami disitu banyak
bana, itulah yg manjadi salah satu referensi tulisan ambo.
Jadi mohon dimaafkan ambo, kurang mangarati jo jalan baliku2 tulisan
tanggapan dinda tu, pragraf nama yg manjadi inti mungkin paralu di
suokkan ka ambo yg bodoh ko,....
Salam idul fitri dinda ET, salam idulnfitri untuak seluruh sanak
dipalanta....
Muharmein Z Chaniago/45/jakpus
On Sep 11, 12:43 pm, ET Hadi Saputra <h...@rantaunet.org> wrote:
> Selamat Rayo kakanda Muharmein.
> Salamaik Rayo untuak sadonyo Uda Uni, Dunsanak nan sadang duduak di Palanta.
>
> Apo nan manjadi 'galau' di hati Tuan nan tun, ambo raso lah biaso
> tajadi di masyarakat kito. Indak pulo paralu dirusuah-han. 'Gagal'
> mengurus urang awak? itu sih biasa...... :-)
>
> Pandapek Kakanda bahwaso nyo KKM ko alun tantu cerminan seluruh urang
> rantau, tentu perlu digarisbawahi. Paralu juo ambo kamukokan,
> mangumpuan pengurus Gebu Minang sajo alah SUSAH, apolai mangumpuan
> urang sarantau. Karajo yang sulik kalau ndak bisa di sabuik MUSTAHIL.
>
> Kadang kadang ambo tabasuik galak... baa kok baitu? Kutiko awal ado
> wacana KKM, banyak diantaro kito indak maraso paralu sato. Antah
> karano indak mampu, antah karano indak diajak sato. TAPI katiko ado
> nan mulai basuaro 'indak setuju', eeeeh... ba duru duru lo sato
> manulak. Alun tau apo itu KKM, yang penting 'tulak se dulu'. Kenapa
> sato membantu kegiatan yang jelas2 demi Minangkabau terasa lebih sulit
> dibanding heboh2 menolak sesuatu yang belum dipahami? kenapa oh
> kenapa???
>
> Kalau manuruik Ambo, iko hanya masalah gengsi. "kok taimpik nan di
> ateh, kok takuruang nan di lua, angguak anggak geleang amuah"
>
> Kapado yang INDAK (alun) diajak sato, Ambo paralu manjaleh-han; harus
> dimaklumi, pemrakarsa KKM sendiri tidak memiliki network dan database
> seluas yang anda kira. Anda mungkin tidak diajak karena no HP, alamat,
> atau email anda tidak ada di database Gebu. Entah karena belum pernah
> menyumbang atau karena belum pernah beraktifitas disana, entah juga
> kekhawatiran sebagian orang bahwa kehadiran anda bisa membuat runyam
> kondisi di Gebu Minang. Terpulang ka diri surang2 lah. Maraso sajo lah
> apo buruak bulu didalam diri...hehehehe...
>
> Kadang ambo berandai2, apabilo 'caro masuak' nyo sasuai, tantu bukan
> 'manulak barami-rami' yang didapek Gebu Minang. Bisa jadi seluruh
> masyarakat Minang 'setuju' barami-rami. Atau malahan 'turun tangan'
> barami-rami...... Konsekuensinyo, basiap siap lah mambuek panitia yang
> RAMI...hehehehe...mungkin jumlah panitia KKM iko bisa labiah banyak
> pulo daripado undangannyo.
>
> saran Ambo, kalau nio diajak sato, ado babarapo syarat yang harus
> dipenuhi (tidak mutlak, tapi seringkali terbukti manjur). diantaronyo;
>
> - rajin2 basorak. kalau setuju, sorak-an, kalau ndak setuju, basorak
> pulo labiah kareh. pokoknyo antah di palanta, disurau, dilapau,
> dimilist, dirapek, yang penting Basorak!
>
> - rajin2 manyumbang, tiok acara usaoan manyumbang. dan jan capek2 pulo
> maangkek tangan. usaoan awak nan manyumbang paling akhir, dan paling
> gadang. supayo banyak urang nan mandanga.
>
> - pabanyak sambuangan gala atau namo. samakin panjang samakin rancak.
> antah itu gala adaik mulai dari Katik, Dubalang sampai Tuanku, atau
> gala akademis dari Drs sampai Prof. Gala Jenderal atau Haji juga bisa
> sangat berguna disini.
>
> Salahsatu indikator lain adalah postingan ini. Mohon maaf Kanda, saya
> sangat menghargai tulisan Kakanda, tapi (biasanya) jangan berharap
> postingan seperti ini ada yang menanggapi. Biasanya dibaok lalu saja.
> Bukan berarti tidak dibaca.... tapi justru karena setuju dan takana
> bana. Sehingga hal-hal yang seperti itu tidak cukup membuat mereka mau
> bersusah payah 'mendukung'. Walau sekedar mengetik sepatah dua patah,
> manuncik 'send', atau kalau di facebook cukup dengan 'jempol'.
>
> Dan ado duo hal yang paralu dikana.
> Satu, bahwa apapun usaha yang telah dilakukan, baik itu saketek,
> gadang, talabiah, atau takurang, harus DIHARGAI dengan layak. Apapun
> yang dilakukan selama masih dalam kerangka keMinangan merupakan hal
> yang langka. Urang Minang gampang samo2 karajo, tapi susah dibaok
> karajosamo.
> kedua, anggapan bahwa kito urang Minang ko bisa samo2 karajo dan ndak
> bisa bakarajo samo harus dipahami lebih lanjut. supaya tujuan kita
> tercapai. CARO MASUAK lebih penting dikaji kalau nio mukasuik kito
> terlaksana.
>
> Sakitu dulu lah, hanyo iko lo nan bisa Ambo pabuek :-)
>
> --
> ET Hadi Saputra Katik Sati 37 th
> h...@rantaunet.orghttp://hadi.serba.info
> Putnam Ave., Cambridge, MA 02139
> Komplek Kompas, Tangerang, Banten 15411
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
