Oaiyyaiyyai Jo Manih, Tasingguang lo per pangana MakNgah ka maso mudo remaja 56 tahun nan lalu jadinyo (1954). Katu tu MakNgah di SGA-Negeri di Payokumbuah (samo jo Bundo Nismah bagai).
Tiok pukua satu jam terakhir Hari Kamih sakali saminggu kami dapek Palajaran Agamo. Guru kami Buya Zul (Zulkarnaini) saurang Ulama Takamuko di Limopuluah nan kami sayangi dan indak lupo sampai kini walaupun kami lah gaek-gaek labiah satangah abad kamudian. Baliau adolah Direktur Sekolah Mu'alimin di Payokumbuah. Baliau disagani Ulama-ulama di Sumatera Barat. Kalau Hari Rayo kadang-kadang baliau diundang manjadi Imam di Lapangan (Banteng?) Padang waktu itu. Nah, suatu hari Kamih pukua satu tu, jam palajaran sabalun Palajaran Agamo ko adolah Bahaso Indonesia. Topik wakatu itu beda antaro awalan "me" dan "ter" dalam arti antaro "sengaja" dan "tidak sengaja". Salah satu ihwal nan dikatangahkan Buya Zul wakatu itu adolah masalah-masalah nan mambatakan Uluak. Salah satunyo, kecek baliau, kalau laki-laki takaca padusi, karano indak sangajo, indak bata uluak awak doh... Nah, MakNgah tatakua saketek, tapi tangan kanan manunjuak untuak batanyo: "Jadi Buya, kalau awak TA-kantuik, tantu indak lapeh Uluak awak mah yo?" Mandanga tanyo tu, kawan-kawan tabasuik galak riuh rendah. Duo urang kawan padusi Si Idan jo si Upik Djaka nan duduak di bulakang MakNgah baguluik mahenjoan kala baju awak sambia mangguritih, "Eee... ado-ado se nan ka ditanyoan paja ko eeh..." [Istilah "paja" ko adolah panggilan elok kami saling maimbaukan "paja" jo kawan-kawan dakek.] Buya Zul tatagun sabanta, mato baliau saroman mato sapi macaliak ka ambo, tapi tangan kida baliau tampak dek ambo mamaciak paruik supayo indak tasambua lo galak baliau. Tangan kanan agak dakek daguak baliau dan jari agak malakok ka pipi. Buya pun lah tahu kacobeh MakNgah. Mungkin baliau sadang bakato dalam hati, ka den pangaan lah paja ko eeh? Sudah kawan-kawan agak tanang saketek, baliau tantang mato ambo jo jawab kontan: "Indak!" kecek baliau tagalak pencong mamaciak paruik... Jadi katu itu duduaklah masalahnyo: Kalau TA-kantuik iyo indak lapeh Uluak doh. Tapi kalau MA-ngantuik, aaa iyo lapeh Uluak tu... :) Sudah palajaran agamo tu kami kalua pulang sikola. Topik tu masih maheboh sampai kami bapisah pulang. Sadangkan untuak MakNgah garah jo Guru ko indak lupo sampai kini. Kalau takana, saroman katu manulih kini ko, MakNgah mandoakan kedamaian arwah baliau, Guru Kasayangan Kami ... Salam, --MakNgah Sjamsir Sjarif --- In rantau...@yahoogroups.com, Syafrinal Syarien <ssyar...@...> wrote: > > > Diskusi masalah kantuik, ghupo-e indak sadolahe jenis kantuik mambuek sumbayang batal. > > Iko hadits ringan soal takantuik sadang sumbayang: > Bukhari Volume 1, Book 4, Number 139: > http://www.usc.edu/dept/MSA/fundamentals/hadithsunnah/bukhari/004.sbt.ht\ ml > Narrated 'Abbas bin Tamim: > My uncle asked Allah's Apostle about a person who imagined to have passed wind from anus during the prayer. Allah' Apostle replied: "He should not leave his prayers unless he hears sound or smells something." > > Jadi jaleh di situ bahaso-e sumbayang indak batal kalau awak takantuik, dengan catatan kantuik itu harus memenuhi 2 syarat berikut: > - Indak babunyi, dan > - Indak babaun > > Duo syarat di ateh tu raso-e cukuik barek dan sulit dipraktekkan! Hanyo urang nan punyo "knalpot" dgn diameter lebar nan bisa mangaluaan angin tanpa bunyi. Supayo gas nan kalua dari "knalpot" tu indak babaun, iyo tapaso wak minum aia putiah je nyeh. Iyo sabana barek utk dipraktekkan!!! > > Nah, kalau kantuik badaram nan bisa menggetarkan kursi palanta dgn kekuatan 3 skala richter, alah pasti iko jenis kantuik nan langsuang mambatalkan sumbayang. Ulang lah bawuduak baliak dek karano alah "kalua salah satu di antara dua jalan". > > Wassalam; > Syafrinal Syarien (40) > > > > --- On Sun, 10/3/10, zubir.a...@... zubir.a...@... wrote: > > > From: zubir.a...@... zubir.a...@... > > Subject: Re: [...@ntau-net] Verifikasi Kantuik Badaram > > To: rantaunet@googlegroups.com > > Date: Sunday, October 3, 2010, 5:53 PM > > Nyiak > > Sunguik n sanak pa lanta up nn lah bakapalo 7+0 ciek > > dibalakangnyo.Ass.mualai kum wrwb. > > > > Galak tasengeang Jo Buyu ang ukatu > > mambarasiahkan pa dati nn indak bakabau/jawi di muko > > umah,pagi ko. > > Mancaliak tulisan -kantuik > > badaram-takana pangalaman wakatu parang2an kantuik disurau > > Lereang,Padusunan; biaso'e ukatu pagi jolong jago. > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
