Ondeeehhh... Tuan TGM, Ambo angkek tangan lah jo kakak kanduang nan sorang ko. Lah tahu e adiak e sadang tasuruak dalam luluak, sahinggo ndak talakik mancigok, eee... ka nyo pakecekan pulo awak di lapau e :)
Baa lo kicau murai kukuban nan ka babisiak-bisiak kan jo mak ngah, murai ndak manga-manga bagai doh... diam-diam se nyeh... Tahu tuan TGM baa mangko murai sampai kini ndak namuah pakai lensa kontak? sabab ndak bisa bebas mambulalak-i urang sarupo kalau pakai kaco mato biaso, haha... Iyo batua tu mak ngah, rancak ndak usah di cukia-cukia TGM jo silek harimau nyo maso dulu tu. Kalua gilo-gilo baso nyo tu baliak beko, ancau kabirau sadonyo... hihihi.... Ambo kalau takana-kana silek Da TGM jo Da Ayang basosoh bahu mambahu menghadapi mak Malin Duano zaman saisuak, iyo masih agak takuik-takuik ambo jadinyo. Lantai lapau sampai badarak-darak wakatu tu dek hebohnyo... Kami nan lain saat itu tadiam se di suduik mancikutuik dek takuik..., tapi ndak sampai takantuik :) Dalam keadaan saketek bingung tu, untunglah almarhum mamak montir lauik jawa (mak Ban) wakatu tu babisiak mananangkan ka ambo, bahwa nan kito tantang bukan pribadi urang nyo, tapi pahamnyo... Oooooo.... Sampai-sampai uda TG alias Tan Gala (Almarhum Da Irdamsyah) nan biasonyo mangecek lunak, dulu tu ikuik bagabuang jo Da Ayang dan Da TGM sambia mahariak gadang ka mak Malin, "Ijan di lapeh juo galeh angku tu di lapau ko. Ijan angku jua pulo urusan Tuhan jo Nabi baru angku tu di siko, batuka arah kiblat anak kamanakan awak beko... !!!" Tapi kejadian tahun 1997 tu, mambuek kami nan wakatu tu masih mudo matah baru baumua pertengahan kapalo 2 manjadi tersentak. Kami dituntut labiah arif dan bijak untuk menyikapi ota di lapau, nan ma nan bisa dijadikan pedoman jo pelajaran, nan ma pulo nan harus diabaikan. Semoga kasus-kasus lamo itu ndak ta ulang di lapau ko... Dan RN benar-benar tampek awak badunsanak dengan indah... sambia baraja jo mencari ibadah Amin... Salam manih, Murai Kukuban -------------------------------- Pada 10 Oktober 2010 14.54, Masdar TGM <masdar....@gmail.com> menulis: > ondeeeh, makngah, sajamba > > tapi untuak aa lo gunonyo kito cukia-cukia kelelakian maso silam tu tu > makngah, > barangkali labiah sero kito babisiak-bisiak sungai pua tantang kicau murai > kukuban, makngah > indak ka tadanga gai dinyo tudoh, picayolah makngah > kalau seandainyo tadanga deknyo beko, makngah nan ka kanai sarengeh duluan, > hehehe............. > dibulalakkannyo mato nan dibaliak kaco mato tu beko,.... ha, > > ssssssssssst.......makngah, raso-rasonyo tadang deknyo makngah,...... ba a > lai ko makngah, > Wassalam cieklu, > TGM,Bkl,50 > > ============++++++++++++=============== > Pada 10 Oktober 2010 07.19, sjamsir_sjarif <hamboc...@yahoo.com> menulis: > >> Tapi nan labiah takana dek MakNgah gala TGM ko lah dipatenkan di Lapau (eh >> TGM mamiliah istilah Balerong, Makngah masih tatap pakai Lapau) katu urang >> di Lapau ko main gala-galaan. Labiah lai sasudah ado nan tangka manggalai >> diri "Duta Rantaunet". Di saat-saat genting nan diparalukan tu Tan Gala >> Mainda indak namuah mainda salangkah juo doh -- tapi basosoh habih jo sipak >> nan labiah sajamba makan kakinyo ... >> >> Masih tabayang dek MakNgah hitam-labam kulabu-kulabu ikua lawan tu, >> tabirik-birik ka lua Lapau, indak panah baliak sampai kini ... >> >> Salam, >> --MakNgah >> >> >> > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
