Tantang novel tu rancak caliak lo link nan iko. http://www.annida-online.com/berita-penulis/muhammad-sholihin-dari-kegelisahan-terbitlah-%E2%80%9Capi-paderi%E2%80%9D.html Salam, --MakNgah
--- In rantau...@yahoogroups.com, andiko <andi.ko...@...> wrote: > > Novel Api Paderi : Pertentangan Kaum Paderi dengan Kaum Adat Menegakkan Islam > Secara Kaffah > > Sanak Palanta > > Agak temaram cahayo, lampu malam jatuah di mungko Grand Zuri, Pakanbaru. > Urang lalu lalang di jalan, mode malambek indak dimakan ukatu. Sayuik-sayuik > sampai urang banyanyi, lirih mode malilih hati. Sahambuih angin, datang > bahambuih aluih, maminteh gerbang masuak, malayang mandaki, bakaja manyeso > iduang. Saayun baro di kipeh, di maro malantiak mambaka bawang, disinan > jatuah si bawang goring, mangkonyo batanyo galang-galang, "apo garangan". > > Ndak sampai duo puluah meter sanak, tatagak garobak ajo dari Piaman, basusun > dagiang baatua, bagantuang katupek papek, lamak tatonggok pariuak kuah. Kuah > kacang untuak sate ayam, kuah kuniang untuak sate jawi, itu bana nan manyeso. > Kasinan rangah di lapeh, yo di kinyam pulo agak sapiriang. Sungguahpun krisis > mambuek dagiang aluih-aluih, tapi nan raso lai indak ilang, yo dakek bana > rasonyo Piaman dari bangku ko. > > Sasudah itu sanak, dilangkahkan kaki ka kadai gadang dimungkonyo, Pakanbaru > plaza urang imbauan. Dilantai tigo gaduang ko, disuduik, tapajang rak jo > etalase, basusun buku rancak-rancak, kasinan kaki dilangkahkan. Sabalik-duo > balik sanak, indak ado buku menarik nan tampak, alah disigi mulai dari buku > palajaran, lapeh ka buku sejarah nagari, indak lupo mancaliak buku > undang-undang, langkok sarato mancaliak buku design rumah. > > Ops pam-pam, tapek di deretan buku curito, tigo rak dari lantai, tatanggok > buku baru. Palastiknyo bakilek-kilek, jaleh bana baru disusun, nan rononyo > coklat tanah, bagambar urang ba saroban joba deta. Tapi nan ganjia digambar > tu sanak, nan ba saroban sadang manangkis ayunan karih dari nan bad eta, > samantaro di tangan suoknyo, siap mancuek, mancucuak padang tajam. Apolah > judul buku curito ko ?, tanyato judulnyo : > > "API PADERI : Pertentangan Kaum Paderi dengan Kaum Adat Menegakkan Islam > Secara Kaffah" > > Di bagian ateh kofer buku, tatulih namo tukang kaba, tukang kaba nan lulusan > MTI Canduang, sadang S2 di UII Jogjakarta. Dek pituah niniak kito, kok ketek > dibari namo, kok gadang diimbauan gala, baliau ko banamo Mohammad Sholihin. > > Dek alun talakik mambaco panuah kaba ko, bialah ambo tulihkan saketek > cuplikan dibulakang novel ko. > > "Tinggal Tengku Hudzail al-Alaf dan Datuak Sati yang bergulat dengan puluhan > lascar putih. Bertubi-tubi tombak, pedang, dan badiak menghunjami mereka > berdua. Sekali mereka berkelit, menghindar. Tapi sabetan itu terlalu banyak, > hingga akhirnya, Sreeetzzzztttttttsss!". > > Perang Paderi memang meninggalkan kenangan heroic sekaligus trauma dalam > memori bangsa Indonesia. Periode pertama perang itu (1803-1821) adalah perang > saudara. Praktis yang salin berbunuhan adalah orang Minang dengan Mandailing > (Batak). > > Sakian dulu sanak > > Salam > > > Andiko Sutan Mancayo > Pekanbaru, 11 Oktober 2010 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.