Rusaknyo komunukasi antaro mamak jo kamanakan dan komponen masyarakat lainnyo di MK adolah disebabkan kurangnyo pemahaman ajaran adat belakanganko kapado generasi mudo, sarupo "indak tau jo jalan nan ampek " kalau urang tuo-tuo dulu mangatokan indak tau jo ampek anak tu mah katonyo.
Kito ketahui dalam manjago sikap pergaulan sehari2 di MK mako kito harus paham jo jalan nan ampek, yaitu 1. Jalan mandata, 2. Jalan manurun, 3. Jalan mandaki, 4. Jalan mlereng. Tasabuik jalan mandata baa kito basikap, bergaul, berkomunikasi, ka kawan samo gadang, nan saumua sapamainan, nan salapiak sakatiduran, kok bagarah malapeh-lapeh, manyindia bakailiran, dinan susah bantu mambantu dinan lai salang manyalang, kok nan bujang samo samalu kok nan gadih samo saraso, lamak diawak katuju dek urang, bapiek kajangek baraso kahati, ingek nan diawak kana nan diurang. Jalan mandaki kadibaco iolah sikap santun kaurang tuo, urang nan tuo dari umua, urang nan tuo dari jabatan, urang nan tuo dari ilmu, urang nan tuo dari adat, kok mangecek baagak-agak nan paralu nan kadisabuk jauhi garah jo kucikak muliekan inyo jo tuonyo. Tasabuik pulo jalan manurun iolah sikap kasiah kanan dibawah, nan dibawah umua, nan dibawah jabatan atau kapamimpinan, nan dibawah tanggung jawab, nan dibawah ekonomi, nan dibawah pandidikan dll sabagainyo, kok bakato jolamah lambuik, kok manyuruah baso basi, danga dahulu pandapeknyo baru disorong bana awak sinan katantu manfaatnyo, dangakan nan diurang laluan nan diawak. Takato jalan malereng iolah jo andan pasumandan mintuo jo ipa bisan urang sumando jo pambaian minantu jo anak mamak, diagak-agak manko mangecek dipikie-pikie baru bakato salah tingkah mangkonyo gawa kato sapatah jadi racun, sababkan baa dek baitu komunikasi kok nyo rusak kabek nan arek bisa lungga janji nan tgok bisa ungkai putuihlah tali silaturrahim jo Allah ta'ala kito bautang urang sakampuang disesonyo. Tasabuik juo dalam papatah "nan tou dimulikan, nan ketek dikasihi, ando sumando disagani, samo gadang lawan baiyo" Pikian apo nan kadikatokan dan jaan dikatokan apo nan tapikia, ingek-ingek nan diateh nan dibawah kok maimpik, raso dibaok naiak pareso dibao turun. Tks dan banyak maaf. Afrijon Ponggok 43, Pekanbaru Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.