Assalamualaikum wr wb Angku, mamak, bundo sarato dunsanak sapalanta RN nan ambo hormati,
Memang batua apo nan disabuikan pak Jepe satantang harago lado ko. Sabab petani awak alun pulo mancubo mamproses hasil panen ladonyo pabilo harago sadang jatuah. Beberapa tahun nan lampau ambo pernah basuo jo toke lado nan tasabuik di Bukiktenggi. Baliau ko memang urang kayo sajak dari inyiak balaiu. Penampilannyo biaso sajo, takadang labih cogah pulo anggota liau penampilannyo dari pado nan sabana induak samang. Wakatu itu ambo dimintak mambuaekan warung telkom resmi type A untuak penambah usaho baliau. Dari karajo iko pulo ambo baru tahu kironyo dibalakang ruko untuak usaho wartel ko ado tagak 2 ruko nan panuah isinyo jo lado giliang. Baliau manyabuikan pabilo lado murah diusahokan mambali lado sabanyak-banyaknyo untuak digiliang kamudian disimpan dalam gudang. Pabilo harago lado maha, lado giliang nan basimpan mantun dikaluakan untuak dijua. Tantu dicampua pulo saketek jo lado nan baru supayo tampak mangkilek galeh nan ko. Manuruik baliau, untuak menyimpan lado giliang indaklah sarik bana, cukuik digiliang sajo, lalu ditirihkan aianyo semalaman supayo kariang, lalu dibungkuih elok-elok jo kantong plastik taba babarapo lampih. Salain itu, ijan lupo manambahkan garam nan agak banyak dari nan biaso. Fungsi garam nan ko untuk bahan pengawet supayo indak mambusuak. Lado giliang nan ko bisa tahan babulan-bulan. Manuruik angku Ambo nan toke lado gadang di Bukiktenggi ko, lado giliang nan basimpan bisa tahan sampai 8 bulan. Panduan manjua ladonyo adolah harago jua katiko lado maha, paliang indak 1,5 kali lipek dari modal harago lado nan basimpan. Contohnyo kalau harago lado nan basimpan dibali saharago Rp. 20 rb/kg, bisa dijua pabilo harago dipasaran sadang naiak Rp. 50 rb/kg. Jadi caro iko bisa dipakai untuak mensiasati harago lado nan maha kutiko hari rayo. Mungkin bagi ibu-ibu rumah tangga, atau nan ka baralek bisa menggunoan caro iko supayo pitih balanjo bisa dihimaik-himaik. Ambo kiro, paralu juo petani-petani lado di nagari-nagari mengetahui caro iko, untuak menyimpan hasil panen lado pabilo harago sadang anjlok. Kok dapek bisa disimpan basamo jo petani-petani na lain sahinggo bisa dijua katiko harago lado alah mulai membaik dipasaran. Nan paralu dijago bana, area penyimpanan lado ko sirkulasi udaranyo lai lancar, sahinggo suhu ditampek penyimpanan indak malonjak. Semoga bermanfaat, amin ya Rabbal alamin. wasalam AZ - 32 th Padang ________________________________ Dari: "jupardi...@yahoo.com" <jupardi...@yahoo.com> Kepada: rantaunet@googlegroups.com Terkirim: Ming, 2 Januari, 2011 10:37:38 Judul: Re: [...@ntau-net] Harago Lado 2011 Yo Andiko Harago lado/cabe karitiang dalam saminggu. Lah manggilo pulo, di Pekanbaru sekitar 60 ribuan juo per kg Baitu juo cabe rawit Kok bali gorengan (tempe, tahu, bakwan dll) yo tukang gorengan tu inyo agak an bana membijek lado kutu tu Ambo lai ado duo pot Polybag gadang mananam lado kutu, siso2 nan batanam dulu, jadi kok paralu lado kutu ko lai ado juo panen saganggam2 dalam saminggu Mudah2an jo harago nan maha ko petani awak di ranah minang lai mandapek pulo, memang lado ko balaku mekanisme pasar murni (demand and supply) Posisi nan lamak yo panggaleh juo main manang taruih :-) Jaankan ka kalah (marugi), draw sajo (pulang pokok) indak namuah Samaha-maha lado dek iko tamasuak bumbu dapua paling utama di aneka masakan awak, yo bapinciangkan sajo induak2 mambalinyo Gulai kok ndak taraso lado (gak padeh) ahaaa bagi ambo (rang awak) yo hiduik ko "terasa hambar dan hampa". He he he Salam-Jepe Sent from my AXIS Worry Free BlackBerry® smartphone ________________________________ From: andi ko <andi.ko...@gmail.com> Sender: rantaunet@googlegroups.com Date: Sun, 2 Jan 2011 09:02:26 +0700 To: RantauNet<RantauNet@googlegroups.com> ReplyTo: rantaunet@googlegroups.com Subject: [...@ntau-net] Harago Lado 2011 FYI Hari ka II tahun 2011, harago lado pagi ko RP. 100 ribu sakilo di Batam, di kampuang kini mencapai Rp. 60 ri bu sakilo. Galak-galak cameh se induak-induak nan balanjo pagi ko. Salam andiko -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
