Waalaikumsalam wr wb
Pak Hilman Mahyuddin sarato angku, mamak bundo jo adi dunsanak sapalanta RN nan
ambo hormati,
Iko hal nan lumrah tajadi di nagari-nagari di Sumatera Barat kini. Manuruik
pemikiran ambo, iko sabab dek Kerapatan Adat Nagari itu bana nan indak
bafungsi.
Mukasuik bafungsi iko dalam arti kata di tingkat nagari-nagari, dek karano
indak
ado pertemuan berkala antaro niniak mamak pengulu kaum nan ado di nagari
mantun.
Selain itu, banyak pulo niniak mamak nan gadang basa batuah ko indak pulo
bamukim di nagari, manjadi urang gadang diparantauan. Nan pamarentahan
nagarinyo
iyo binguang pulo, sabab indak bisa pulo mengumpuakan stakeholder tasiso nan
ado
di nagari.
Nan ambo acok paratikan salam 10 tahun bamukim di Sumbar, nagari-nagari nan
masih rancak pergaualan masyarakatnyo biasonyo masih ado kepedulian antar
masyarakat nagari, baiak nan dikampuang jo diperantauan. Umumnyo IKM-IKM nan
tasebar diperantauan ado komunikasi rutin jo pamarentahan nagari. Baitu pulo
pituo-pituo nan banyak bamukim diperantauan, umum ado kontak rutin dengan
dunsanak di kampuang, baik pangulu, anak kamanakan & pamarentahan nagari.
Salah satu indikatornyo bisa dicaliak pado hari rayo Aidil Adha, dari bara
jumlah kurban nan dikirim urang perantauan ka kampuang. Dari beberapa
nagari-nagari nan ado, jumlah kurban iko diateh 70 ikua jawi untuak 1 nagari.
Nagari-nagari nan surplus dagiang kurbang iko, umumnya melakukan share pulo ka
nagari-nagari nan badakek-an. Untuak namo nagari-nagari nan surplus ko, ambo
kiro indak patuik dilewakan di palanta ko. Nan paralu bana diambiak garis
besarnyo adolah : komunikasi antaro nagari jo perantau itu iyo sabana paralu.
Dek karano itu pulo insya Allah, ambo akan bamukim di nagari-nagari untuak
sharing saketek ilmu nan ambo punyoi supayo pamarentahan nagari-nagari di ranah
minang punyo website nagari sahinggo labiah mudah dijangkau oleh anak nagari
nan
tersebar dipenjuru nusantara hingga ke manca negara.
wasalam
AZ - 32 th
Padang
________________________________
Dari: Hilman Mahyuddin <hilman.mahyud...@gmail.com>
Kepada: rantaunet@googlegroups.com
Terkirim: Sel, 4 Januari, 2011 09:11:15
Judul: Re: [...@ntau-net] Batanyo ciek
Assalamu'alaikum wr wb.
Ado dunsanak nan mancubo katiko lah pansiun nyo cubo manatap dikampuang.Inyo
dotor Gigi dan nyo tinggaan prakteknyo di Jakarta sarato anak2nyo,dan praktek
sakali sapakan di kota kabupaten untuek dapue dikampuang.Sa hari2 karajonyo iyo
maurus kampuang,tiek malam maadokan pangajian disurau surau bagilie,jadi
pangurus mansajik.Labiek kurang lah salapan tahun.Ruponyo idealisme nyo ko ndak
banyak marubah kakobe rang kampuang.Rancangannyo Januari ko kabaliek ka
Jakarta.Walaulah nyo adokan pangajian2, namun nan bakowa, nan minun2bajudi
masih
juo sarupo itu,Jadi maraso indak ado manfa'at dek urang kampuang apo2 nanlah
dikarajokan.
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
