Pak TR dan Dunsanak palanta RN
Bia ndak manggaduah postingan/subject sanak nan lain, ambo buek subject baru satantang uraian Pak TR seputar peta kuliner di Pekanbaru, cukuik menarik apo nan diuraikan, tapi mato ambo yo tatumbuak dan galak sengeang katiko mambaco Pak TR merekomendasikan Sate Minang Maimbau (MI) nan manyalek diantaro ruko2 dan pertokoaan sarato gedung2 kantua di jalan protokol Sudirman nan mambalah kota Pekanbaru. Sate MI ko memang lah ambo kenal sajak tahun 1994, banyak kenangan nan "istimewa" dek ambo sate IM ko, kok ambo caritokan abih lo buku taba ciek deknyo. Kok raso..mmm lumayan mambuek lidah bagoyang kulek2i makan sate IM ko, agak tampil beda kuah sate ko, dikecekan sate begenre Piaman indak pulo, sate bagenre ala Darek jauh pulo tantu tapeknyo manuruik ambo perpaduan duo genre sate di ranah minang tu, raso agak padeh, kuah pakek merah indak, kuniang indak pulo. Tapi nan menarik dek ambo tantu apo nan Pak TR saksikan foto2 nan dipajang di Sate IM tu, ahaa itu pulo nan jadi perhatian ambo Pak Haji nan punyo sate bakodak jo Tentara berbagai lagak, gaya dan ragamnyo Ado jo tentara duduak sabaris Pak Haji ko, ambo pikia tentara ko dari pangkeknyo nan 3 palang pintu di bahu tantu DanRamil Lalu ado jo tantara perwira manangah setingannyo bantuak iko "PakHaji jo tentara ko basalaman, tapi tatapan mato ka kamera dengan latar belakang layar merah" Lah pasti mah Pak Haji jo tentara ko bakodak di studio foto. Lalu ado gai ..foto jo tentara mudo, walau pangkek tigo palang pintu di langan nan pantiang baret merah tantu awak samo tahu anak mudo ko kesatuannyo di Kopasus nan cukuik mentereng dan punyo namo dari berbagai kesatuan di tentara. Banyak lai foto Pak Haji jo tentara ko tagauntuang didindiang kadainyo Ambo sendiri ndak tahu apo hubungan tentara ko jo Pak Haji, paliang tidak kalau indak anak, kamanaknnyo tantu sanak sudaro Pak Haji nan manjadi tentara Apo maksud Pak Haji mamajang kodak tu di kadai satenyo ? Kalau manuruik ambo..fenomena ko Ya saketek banyak Pak Haji tantu "mangapik kapalo harimau" sahinggo parewa atau akak-akak seputar sinan tantu gak gamang inyo mamalak indak bakantuan sajo ka Haji nan punyo sate ko atau bisa jadi disuatu sisi ado kebanggaan dek Pak Haji ko anak kemanakannyo ado nan jadi tentara, tapi apopun caritonyo nan pelanggan setianyo tantu indak gamang pai makan sate ka siko dek ado kodak tentara basalaman jo Pak Haji Nan gak gamang tantu urang nan makan sate ado niek malucuih sajo dari waruang tu,indak mambayia sate nan dimakannyo he he he (tantara mah..abih waden beko kanai pupuah ..kok ketahuan indak mambayia sate Pak Haji ko"nan baniek perai mambathin) Baa dugaan Pak TR terhadap Pak Haji mamajang foto tentara di rumah2 makan /sate urang awk ko..apo iyo nan punyo saketek "mangapik kapalo harimau" *** Lalu tadi siang ambo makan di RM urang awak bagaya Ampera, iko memang sebuah fenomena pulo, rato2 RM_RM urang awak nan bagaya ampera tapajang photo Syehk Tengku Shaliah Kiramatullah sarupo nan ambo kodak ko di RM tampek ambo makan tadi siang Lalu ambo tanyo ka kasir wakatu mambayia, tahu ndak apo maksud foto tu dipajang< ambo caliak ampia tiok RM urang awak tapajang foto Inyiak ko, apo maksudnyo Kasir tu hanyo galak sengeang sajo sambia manjawek "ndak tahu ambo do Pak..itu Bos nan mamajang mah" Ado dunsanak nan bisa manjalehkan dan saketek bacarito tantang apa dan bagaimana Inyiak Shaliah ko Ambo cubo googling memang ado tulisan nan mengkritik, kalau lah foto inyiak ko dipajang sebagai penglaris mako buliah dikatokan lah perbuatan sarat dengan kesyirikan, bid'ah dan khurafat tantu lah jaleh bertentangan dengan ABS-SBK yang merupakan gambaran tentang kehidupan masyarakat yang taat menjalankan syari'at-syari'at Allah Ta'ala, masyarakat yang benar-benar menerapkan ajaran-ajaran Islam dalam kehidupan mereka, baik sebagai individu maupun masyarakat di ranah minang. Sagitu dulu PakTR dn dunsanak palanta RN Lebih kurang mohon maaf Wass-Jepe 46Thn, L,Pku The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
<<image002.jpg>>