Ajo jo Dunsanak,
Antaro tahun 2003-2004 ambo rajin mandanga discovery ko, penyiar yang acok siaran di Discovery Minang FM ko surang Ajo juo kalo ambo indak salah, cuman suaro liau nan baritone khas logat Minangnyo tu kadang geli awak mandanganyo, acok Liau menginformasikan berita-berita terkini yang ado di koran batam hari tu. Sarato informasi dari berita terkini dari kampuang atau berita Nasional. Waktu tu siaran banyak jo lagu-lagu Minang lamo juo jo disco remix Minang model Misramolai. Namun acara Drama MInang nan diproduksi dek RRI Bukittinggi jo Padang salalu dipadangakan satiok sanjo sekitaran jam 5.30 yang lebih menarik hati ambo. Lasuah lo mandanga caritonyo tu nan bakisah tantang kehidupan keluarga MInang baiak di Ranah atau di Rantau. Salain itu nan managia dek ambo adolah drama ko salalu diselingi jo buni bansi dan saluang, jauah pangana deknyo, kebetulan lo waktu tu ambo masih baru di Batam lo. Salah seorang One yang ikuik manjadi pengisi suaro di Drama tu ambo sangaik kenal suaronyo, namo beken Liau adolah Kak Isah (Ibuk Anisah Ardan bekas penyiar RRI Bukittinggi) yang kebetulan lah cando urang agek lo dek ambo di kampuang. Liau ko single sampai kini di umua nan saumuran jo Mama. Rumah Liau dakek rumah ambo di kampuang. Pas Liau mangunjuangi ambo ka Batam ko sempat ambo tanyokan ka liau, apo memang liau di Drama tu, Liau kecek iyo bana, iyo Ibuk tumah. Judulnyo banyak nan diproduksi jo carito nan balain-lain. Tadi ambo telpon ka radio ko mananyoan judul2 Drama MInang ko, dijawek dek Mbak-Mbak yang babahaso Indonesia tulen, disuruahnyo ambo datang se kalo nak ka batanyo-tanyo, terakhir ambo masih mananyo juo, nyo jawek tengkiu keceknyo sambia manutuik telpon. J padohal bukan 'on air' Sayangnyo Drama Minang ko indak ado tayang laih Tayangan Discovery Minang FM kini agaknyo alah maikuik ka Radio-radio lainnyo yang bergenre Nasional walaupun lagu babahaso MInang tatap ado dipadangakan. Kini ambo ndak tau apo agenda kalo pas ka magrib sebab biasonyo ambo danga Zainuddin MZ di radio lain. Nan kadang di Discovery masih mamuta lagu MInang jo Iklan susu kuda liarnyo nan lameh ambo mandangakan, full carito-carito ttg pengalaman urang yg mangonsumsinyo ampia tiok sabanta. Padohal dulunyo ambo bisa danga pengajian Buya Hamka jo Ceramah adat Mamak Yus Dt. Perpatiah yang berisi banyak nasehat-nasehat pas ka masuak Mugarik ko. Maaf kalo tanggapan ambo ko manyiratkan hal negative sebab ambo hanyo mandanga radio pas di oto waktu pulang karajo antaro jam 5 - 6.30 sanjo. Mungkin Fajri atau Da Sep bisa manukuaknyo. Wassalam Rina -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
