Aha Sanak Andiko, Takana dek ambo rencana dulu wakatu masih mudo. Waktu tu ambo di St Petersburg. Tabayang naik kureta ka Vladivostok, sudah tu ditaruihan ka Kuala Lumpur. Tapi pitih sayuik, ndak jadi hehe. Nan jaleh, kalau Andiko naiak kureta dari Kuala Lumpur ka Amsterdam melalui trans Siberia ko, mungkin gak sabulan Andiko di jalan. Kalau lupo Andiko mambao pisau cukua, mungkin lah panjang jangguik jo sisunguik Andiko mah tibo di Amsterdam, he he. Ambo baru mancibo karektan antaro Moscow - St. Petersburg (Leningrad) tahun 1996: samalam ganok di jalan: barangkek sanjo dari Moscow, tibo pagi bana di Leningrad/St. Petersburg, sungai Neva nan cantik masih 'barasok' juo lai dek salju. Kuretapi e rancak: ado tampaik tidua 4 dipan dalam satu kamar. Pagi2 dapek teh jo makanan kecil. Pemandangan di lua cantik: sabana jaleh country side 'cap' Rusia: acok tampak amak-amak nan badan e bantuak dorom tagak dek banyak minum vodka. Tapi wakatu tu kawan sakamar ambo urang Rusia alun pandai galak lai. Samalam nyo jo kawannyo minum vodka, ndak tanggak boto vodka di tangan e doh. Iko biaso di rusia: kalau batamu awak ka rumah kawan urng rusia, wajib minum vodka. Kalau ndak mati kadinginan badan, kecek e. Yo..wakatu tu ambo maklum baa mako kawan ko susah galak. Maklum alun lamo lai mereka bebas dari Uni Sovyet lai. Kecek urang naiak trans Siberia ko mamakan wakatu 8 hari 8 malam (dari Vladivostok - St. Petersburg atau sabaliaknyo), cocok lo jo 8 zona waktu negara Rusia. Iyo hebat bangsa Rusia ko. Angkek tangan kito. Sapanjang tahun banyak nan dingin daripado paneh. Kerja keras, ulet. Kalau diagiah'an Indonesia ko ka urang Rusia, mungkin 48 jam sahari samalam namuah mah wee karajo.
Cibolah trans Siberia ko, Dinda Andiko. Mumpuang gigi alun guyah bana sado e lai. Beko kalau gigi lah tangga rawan murah, mangunyah pawa sae lai nan dapek nyeh, Dinda, he he. Wassalam, Suryadi --- Pada Jum, 11/2/11, andiko <andi.ko...@gmail.com> menulis: Dari: andiko <andi.ko...@gmail.com> Judul: [R@ntau-Net] Trans Siberia Kepada: "rantaunet" <rantaunet@googlegroups.com> Tanggal: Jumat, 11 Februari, 2011, 5:07 PM Sanak Palanta Siang ko dapek tamu urang Rusia. Curito ka curito, tabacolah mengenai Trans Siberia. Yo tagak talingo mandanga perjalanan murah dari Indonesia ka Cino atau Vietnam, tambuih ka Rusia jo Trans Siberia. Tabayang dek ambo, mungkin iko jalur nan di tampuah Tan Malaka dulu kutiko ka Moscow. Adokah diantaro mamak, inyiak jo angku yang pernah mancubo, bacuritolah saketek untuak marangsang palangkahan kami nan mudo-mudo ko. Salam andiko sutan mancayo -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
