Tarimo kasih Angku Dr. Hilman Mahyuddin, Memang kalau indak ado guidance dari ambo langsuang, agak sulik mancari ambo, walaupun jaraknyo hanyo 7 km dari Bawah Jam Gadang Bukittinggi. Rumah amak ambo tampek ambo lahia saisuak bapaga duo batang aia, 400m dari jalan Raya Payokumbuah, indak jaleh dari labuah, indak pulo jauah dari bakeh duo Benteng Bulando wakatu Parang Paderi Imam Bonjol.
Angku Dr. Hilman indak surang nan bak itu doh. Wakatu samalam Sabtu di Bulan Januari 2011 tu, ado pertemuan informal jo Guru-guru Silek di Kediaman Resmi Bupati Agam di Bukittinggi; ambo diajak Angku Mirza dari Balingka malam tu. Karano malam tu hujan-hujan dan ambo damam-damam, Angku Mirza mambaritokan ka Pak Bupati Indra Chatri Dt. Malako nan bahaso MakNgah manyampaikan salam dan indak dapek datang. Baliau takajuik, MakNgah sakik? Ayo kito pai manyilau MakNgah malam ko janyo baliau ka Angku Mirza. Angku Mirza nan baru ambo kenal dan basuo sakali di Rumah Gadang Sicamin, nan kiro-kiro lah tahu posisi ambo tapi alun panah ka sinan, mambanakan nan bahaso baliau indak tahu bana dimaa posisi MakNgah; apo lai hari ujan-hujan lah lewat malam pukua sambilan. Batarimo kasih ambo ka Angku Mirza, kok iyo manyarumbu Pak Bupati ka tampek ambo malam-malam tu, MakNgah pun sadang tidua tabedo ... Pak Bupati Indra Chatri adolah anggota RN juo, tadinyo aktif maota di Lapau ko labiah-labiah katu Gampo Piaman. Baliau adolah kamanakan kontan Inyiak Lako, anggota senior Lapau kito. Sayang ambo indak sempat ka Jawa kali ko; mudah-mudahan ado masonyo nanti. InsyaAallah. Salam, --MakNgah Sjamsir Sjarif --- In rantau...@yahoogroups.com, hilman.mahyuddin@... wrote: > > Assalmu"alaikum wrwb.lyo manue nue ati Ambo inda basuo jo ma Angah.Sabananyo > Ambo sempat pulang kampuang.Jadi ado kasampatan namun indak bagunoan karano > posisi mak Ngah ndak jaleh dan raso optimih mak Ngah singgah di > Jakarta.Samoga umue kito panjang dan bisa basuo baliek. Wassalam. > Hilman Mahyuddin, MD > > -----Original Message----- > From: "sjamsir_sjarif" <hambociek@...> > Sender: rantaunet@googlegroups.com > Date: Wed, 23 Feb 2011 01:36:01 > To: <rantaunet@googlegroups.com> > Reply-To: rantaunet@googlegroups.com > Subject: Re: [R@ntau-Net] Bika si Mariana. > > Bana Angku Darwin, > > Katiko ambo suatu hari Silasa bulan Januari 2011, bajalan-jalan malegai pasa > Kotobaru Bateh, ambo pun lah tamasuak atau takualifikasi "turih lua" tu mah. > Ambo pai ka pasa maengak-engak dan kagum mamaratikan banyaknyo variasi sayua > jo makanan dalam los pasa tu, walauoun ari lah lapeh luhua. > > Dengan hati-hati ambo scan palanta-palanta urang manggaleh makanan. Ambo > caliak kadai ketek duduak bapalanta randah urang manjua nasi jo gulai. Ambo > sangko itu kadai Nasi Kapau. Sudah ambo tanyo, eh kironyo indak, "Masakan > Pitalah" kecek Rang Padusi punyo. Kecek ambo tampaknyo sambanyo lai lamak. > Duduak lah Pak keceknyo. Ambo jo kamanakan sapupu gadih, duduak dan minta > nasi ramasnyo. Iyo lamak, ado gulai cubadak, ado gulai paku, dll. Sanang ambo > sambia maota. Urang tacogang=congang mancaliak ambo duduak maota jo urang > kadai dan urang padusi-padusi panggaleh nan manyimak mancaliak galagat ambo. > > Sambia maota-ota tu ambo tanyoan pulo dima kadai Bika Si Ana tu, baitu > sabutannyo sisuak. Ditunjuakan urang di subarang labuah, dengan komentar, > tapi jan takajuik pak, lah agak kurang rasonyo dibandiangkan jo baa Pak kana > raso saisuak. Kini namo sajo nan dicari urang lai. Kok Pak ka mancubo nan > agak lamak ado ciek lai kadai bika baru sabalah ka bawah "Bika Talago" > namonyo. > > > Urang sabalah ambo nan dakek duduak tu tampak di ambo manjua ampiang, ciek > sirah, ciek putiah. Ambo cubo nan sirah karano ambo lah biaso jo ampiang nan > putiah. Iyo lamak. Carito lapeh ka Pitalah, karano ambo tahu ado kawan ambo > sakalas dahulu di Payokumbuah, tahun 11952-55, kini tantu lah gaek pulo, ambo > tanyo mareka indak tahu. Sudah tu ado pulo kawan ambo padusi Urang Pitalah > kawin jo Urang Amerika di San Francisco, mareka pun indak tahu. Lah salasai > makan jo makan ampiang badadiah tu, sambia manahan sindawo kalua lo lah > pantun lamo katu anak-anak. > > Den Pai ka Pitalah > Den bali jawi siraah > Den dabiah tabik darah > Den gulai tabik kuwah > Den imbau Aji Dulah > Mandoa maningadah > Lailaha illallah > Muhammadarrasulullah ... > > Tapana-pana urang mancaliak ambo, sudah tu ambo minta tarimo kasih sambia > batanyo dimaa urang manjua patai jo jariang. Sudah dapek patai jo jariang > tampak lo bayam nan lah lamo bana ambo indak dapek. Ambo boroang anam kabek > gadang, masuak ka kambuik kamanakan. Urang sakitar mancaliak-caliak ambo juo > dari jauah,lai dapek patai jo jariang Pak? Lai ko ha. Kamanakan ambo tagalah > simpua... > > Baliak ka Labuah, ka mancari oto pulang ka Bukittinggi, manyubarang, > basoboklah jo kadai Bika Mariana nan bikanyo dimukasuik ka dibawo pulang > untuak pambukak pintu. Walaupun kadai "Bika Talago" nan agak tajarak 1km tu > mungkin iyo lamak, namun mukasuik ka mancari Bika Si Ana nan dirindukan lamo, > sajak turun dari rumah ditaruihkan juo. > > Tambahan lai ambo pakai angkot, tapaso bajalan kaki ka "Bika Talago" nan > jarak sakilo tu, ari agak rinai pulo, sadang jenjengan kamanakan l ah agak > barek juo. Jadi baitulah sabagai turih lua, iyo ambo indak sampai ka Bika > Talago tu do, karano namo Bika Si ana atau Bika Mariana kini lah tatancap jo > namo Kotobaru dalam iklan jo muluik ka muluik sajak sisuak nan alah mamukau > "turih lua". Ambo borong sado nan tingga wakatu itu,karano manti masak agak > lamo pulo, ari agak ujan-ujan pulo. Jadi kok sanakpai ka Kotobaru, singgah > juolah ka Bika Mariana tu, dan kok dapek cubo pulo lah Bika Talago tu, sarato > bari tahu pulo turih lua dalam jo ota lamaknyo, buliah dibandiang cubo pulo > nanti ... > > Salam, > -- MakNgah > Sjamsir Sjarif > Nan takualifikasi turih lua untuak Bika Mariana > > > > --- In rantau...@yahoogroups.com, Darwin Chalidi <dchalidi@> wrote: > > > > Sanak HM, kiniko Bika si Mariana alah masuak klasifikasi untuak konsumsi > > turis lua daerah MK dek karano rasoe indak samo jo raso bika lai. > > Kalau kami mancari bika sabalah suok kiro2 1 km arah ka Kiktenggi kalau dari > > lokasi si Mariana. > > Duduak mangopi disinan dakek tungku bika jadi pungguang angek muko dingin > > disambuik jo Kopi angek sambia makan bika angek, sabana sero rasonyo. > > > > Salam, Darwin Chalidi, Tangerang Selatan > > > > 2011/2/23 Hilman Mahyuddin <hilman.mahyuddin@> > > > > > Assalamu'alaikum wr wb; > > > > > > Dunsanak nan sadang maunjue di palanta.Ari Salasa pakan llalu, 2 ari > > > sasudah dari Sikuai,Ambo jo minantu ( Wicaksono ) singgah > > > kakadai bika si Mariana.Katiko tu kami dari Pusako htl Kiktenggi kan > > > pai ka rumah kamanakan Antony Hilman di Panyalayan.Tujuan > > > singgah,kamampacaliek an ka minantu baa bika si Mariana ko > > > bamasak.Jadi Wicak pun mangodak lah disinan sudah tu langsuang nyo > > > kirim ka ipa rusuknyo di Mumbay (untuek ma angek2 an ).Katiko itulah > > > Ambo basuo jo pak Reflusmen Ramli dari bank Mandiri Jakarta. > > > Ambo carito an baso Ambo dari Sikuai samo Rantaunet.(tantu diagieh > > > tahu baso rantaunet adolah mailist nan paliang dulu di Indonesia > > > sarato 1800 anggotanyo).Eeeeh Ambo alun sampat bacarito lai > > > disiko,Alhamdulillah tulisan pak Reflus alah mancogok. > > > Pak Reflus ko urang Tanjuang Barulak Sangka,kuniang banderanyo,mungkin > > > dek sawah bajauehan jo Jepe,ruponyo alun kenal jo Jepe > > > lai.Baliau suko juo manulih di Kompasiana. > > > Itu sajo ota saketek pagiko;wassalam. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
