Maa Angku Syafruddin Syaiyar Malin Mudo, Sanang ambo cucua paparan pakanalan Angku, baiak lukisan deretan kampuang Halaman, maupun deretanpajalanan Angku di Rantau kami. Labiah tasisntak lai pangana, rupono bak kecek-kecek Rang Piaman, balancik-lancikan Kampuang awak mah, ambo di Ampek Angkek, administratif masuak Balaigurah, tapi geografis rumah amak ambo di Bandabaru, lah di pimatang sawah Biaro, 400meter di arh selatan Kantua Camat Bagonjong.
Mandanga Bukik Kawin, ingin ambo verifikasi, namo Bukik Kuliriak, dan tadanga lo Bukik Bunian. Nan tahu ambo duo sajo nan badakekan, Bukik Kuliriak nan di selataan dakek Pakan Kamih jo Bukik Kawin nan arah ka utaranyo; iyo du indak? Sadangkan Bukik Bunian mungkin cuma ado didalam Pantun lamo sajo atau memang takalimbun dalam pancaliakan pangana ambo? Bukik Bunian panjang tujuah Dilipek lalu panjanglimo Bukan tinaman tk mau tumbuah Bumi tak suko manarimo Kok lai taleso ka Rantau kami nanti, iyo insyaAllah kito basuo. Kok ka Santa Kuruih, rancak dicaliak UCSC tu ka dalam, suatu kota kampus, nan takalimbun dalam hutan kayu merah. para turih biasonyo ka Santa Kuruikh tu taginyangjo Board Walk dan Survingnyo karano Santa Cruz dapek julukahn Surf City. Apo lai central coast California dapek julukan Makah turiih. Baitu juo anak-anak nan tukang surf di Santa Cruz, lah tantu bana dinyo sarugo surfing di Mentawai. Dek rasonyo angku Syaf lai urang palala palilik dunia juo rancak juo bakatahuan jo Ajo Dutamardin dan angku Zulkarnain Kahar kaduonyo Rang Rantau kami. Joduta kini sadang di Kampuang. Ambo baru sajo lalu pulang baliak di KL, tapi indak kalua dari termial doh. Baru baliak ka Rantau ko sabulan nan lalu. Satantang Rina, rancak juo baiyo batido manganai Sejarah Kamang, istimewa kiniko inyo sadang fokus ka maso PRRI. Di Kampuang ambo sempat basuo jo Papa Rina, nan langsuang muloi manjadi sahabat dakek nan dimuloi wakatu baliau baumua tujuah pulua ampek, sadangkanambo agak labiah gaek. Sajak Rina nan t3erakhir sangat menyentuh hati, mengekspresikan bakat nan tersembunyi ... Salam, --MakNgah Di Tapi Riak nan Badabua Santa Cruz, California --- In rantau...@yahoogroups.com, Syafruddin Syaiyar <syafrus81@...> wrote: > > Tarimo kasih banyak ateh sambutan para dunsanak nan alah dulu datang > dipalantako. Bak kecek Pak Aslim, saketeknyo bagabuang di palantako > lai kamanambah pangatahuan, kawan jo dunsanak nantinyo. Yang dulunya > indak kenal bisa saliang manyapo yang duluno tau tau setek mudah > mudahan bisa batambah dakek... > > Bantuak kamanakan Rina di batam, tanyato kampuang kito badakek-an > bana, Ambo asli dari batumandi dibawah bukik kawin..(Batumandi, Parak > laweh, Ngungun, Kaluang, Sonsang, Uba, dan Ladang Tibarau) dulunyo > disabuik tujuah nagari. Salain basabalahan sacaro geografis, sacaro > kakarabatan dan historispun tujuah nagariko sangaik dakek. Dulu waktu > ketek ketek, kito kito baburu buruang tiuang jo mamampeh baluik lai > sampai juo ka Kaluang.. Kalo ado acara Musabaqah, khatam Al Qur'an, > acara adaik dan malahan bagotong royong lai saliang mambantu dan > saliang ma-imbauan. > > Baitu juo jo sanak Junaidi di kandang singo, lai badakek-an kito > kironyo. Ambo dulu lai sa acok aa turun ka kandang singo, tapi akhir > akhir ko iyoo agak jarang. Kalo ka kandang singo ambo iyo lai indak > pernah lupo singgah di Arab Street, lai saa acok aa juo batamu jo > urang awak disinan. > Untuak Bapak Muljadi Ali Basjah, InsyaAllah dan mudah mudahan ambo > bisa berintegrasi dan berasimilasi di palantako, walaupun mungkin > labiah basifat pasif, labih banyak mamonitor barangkali.. > Pak Darwin Chalidi yang mantan petingginyo Caltex, Apo kaba pak, > rasonyo kito satu alumni pak, ambo dulu junior KA (Karsani Aulia) di > Exploration CPI. > > Pak Sjamsir Sjarif "Mak Ngah" di Santa Cruz, mudah mudahan di > parjalanan bulak baliak barikuiknyo indak sakadar singgah dibandara > sajo , tapi lai sempat kalua ka KL..Kecek urang Manaro Kambaa cukuik > "babaloi" juo untuak disinggahi…. Tantang harago minyak nampaknyo > iyoo agak susah untuak mancari jalan turun,, masalahnyo kini lonjakan > haragoko bukan hanyo di drive oleh sentimen pasar yang basifat > samantaro, tapi dek karano masalah fundamental dari supply dan demand > itu bana nan alah mereng... Supply makin terbatas demand makin hari > makin maningkek sasauai jo perkembangan ekonomi dari raksasa ekonomi > dunia baru Chino dan India .. > > Jadii ingek akhia tahun 90'an, wakatu sadang assignment di San > Ramon, lai barakali lewat Santa Cruz wakatu bulak baliak ka LA lewat > Scenic Highway-1. Lai sempat bamalam di San Lois Obispo jo Monterey, > tapi di Santa Cruz hanyo singgah sabanta maliek liek UCSC dari lua… > Tapi yang paling takana bana sampai kini, wakatu singgah main main > mancaliak urang surfing di Half Moon Bay, anak ambo yang alun cukuik 2 > taun tapangkiang pangkiang dikaja kaja dan dikarubungi Alang Lauik … > Tanyato inyo mamacik cookies yang akhianya dirampok Alang kurang aja > tuu….tapi untuanglah tangan nyo lai indak luko dicotok alang tuu, > cookiesnyo sajo yang malayang… masiah untuangg.. > > Salam, > Syafruddin. S Mln. Mudo. > 49, di Manaro Kambaa KL. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
