Angku andiko sarato Rang lapau nan Basamo, Saroman foto Rajo Tukang Tunjuak, 1958 nan MakNgah pampangkan di Lapau sabanta ko, indak banyak urang nan mangkasanoi satu impresi nan mancongangkan masalah jo koneksi topik atau subject postiang ko.
Tahun 2002-2004 katu MakNgah sumbayang di Ruangan Sembahyang di KLIA (Kuala Lumur International Air Port) MakNgah iyo bana taheran-heran. Wakatu salasai sholat, MakNgah mandoa mambaco Subhanallah 33x, Alhamdulillah 33x, Allahu Akbar 33x tambah ciek untuak panyaratuihannyo. Sudah sumbayang khusyuk dalam pajalanan jauah nan alhamdulillah lai dilinduangi Allah, sambia istirahat manunggu wakatu ka taruih tabang, MakNgah maengong-engong suok kida ateh bawah di ruang sumbayang tu dan di lua. Kagum mancaliak bara indahnyo desain hiasan-hisasan bertema Islam. Tapi, rasonyo tampak motif-motif nan agakganjia, nan mungkin indak dikasanoi urang banayak, ratusan jutaan urang nan alah lalu landang di KLIA tu. Mungkin mato MakNgah dikaruniai Allah SWT untuak mambedakan hal nan mungkin indak tacaliak dan tapiakia di urang banyak. Salah satu motif nan mancongangkan MakNgah bana waktu itu, dan kini tasumbua baliak dalam subject postiang ko iyolah motif "Bintang" hiasan dindiang (rasonyo di tampek sholat tu) dan hiasan lantai di babarapo tampek di KLIA tu. Motif desain "Bintang" nan MakNgah mukasuik tu, adolah interpretasi dan beda antaro -- dalam hal ko -- duo motif "Bintang", "Desain berlatar bulakang Budaya Arab" dan "Desain berlatar balakang Budaya Yahudi". Desain nan partamu, Arab, bintang-bintang ko biasonyo "Basagi Ampek" dilamoih-lampih manjadi salapan dst. Sadangkan nan kaduo "Basagi Anam" nan biaso disabuik "Bintang Daud" atau the "Star of David", kadang-kadang dilampih manjadi duobaleh dst. MakNgah paratian, di KLIA motif bintang-bintang tu badasar "Basagi Anam", the "Star of David", lambang Budaya Yahudi. Tabik tanyo, taoi ka sialah tanyo ka diarahkan yo? Awak cuma musafir lalu. Sia lah na mandesain hiasan-hiasan bintang di KLIA tu heeeh? Salam, --MakNgah Sjamsir Sjarif Di Tapi Riak nan Badabua Mar 25 2011 --- In rantau...@yahoogroups.com, andi ko <andi.ko.ko@...> wrote: > > Hubungan Malaysia-Israel ( > http://ms.wikipedia.org/wiki/Hubungan_Malaysia-Israel) -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
