Wa'alaikum salam. w.w. Alhamdulillah wa syukurilah, Kambang aia mato ambo manarimo surek pribadi da Darwin ateh kesediaan memberi maaf ka ambo. Baitu juo ka dik Rina, bundo Nismah atau sia sajo nan pernah tasingguang galeh nyo dek ambo, jo iko ambo mintak maaf. Tarimo kasih banyak dan Untuang saribu kali untuang ambo diagiah maaf, kalau indak kama pulo ka ambo cari da Darwin jo dunsanak kasadonyo isuak di padang mahsyar diantaro bamilyard-milyard urang nan ado. Dalam satu riwayat dicaritokan bahaso ado diantaro sahabat Nabi saw. nan ahli sarugo, padahal dibandiangkan jo nan lain, ibadahnyo indak banyak do. Selidik punyo selidik, akhirnyo sahabat tu mangatokan bahaso ibadahnyo iyo indak indak banyak, tapi inyo ndak pernah manyakiti hati urang. Bacamin ka riwayat ko, ambo indak lulus. Disiko ambo tapurangah, mukasuik hati maagiah penerangan, ruponyo doso nan tibo. Dek karano lah lamo bana di RN ko, sajak tahun 1996 lai sampai kini, tantu iyo lah banyak pulo dunsanak nan takanai dek ambo, sakali lai ambo mintak maaf. Sajak mulo di RN ko mukasuik hati bada'wah maagiah pencerahan dan penerangan ka dunsanak- dunsanak, membentengi ummat dari serangan dan pendangkalan aqidah, dengan babagai caro, ruponyo indak ambo sadari ambo lah gaek. Mungkin batua Rina jo dunsanak nan lain nan mangatokan caro-caro ambo tu lah ndak mempan lai, ndak up to date lai. Urang kini indak namuah dibaitukan lai do. Antah iyo dek karano itu, nan tajadi jadinyo hanyolah manyakiti hati urang. Kok taruih manaruih takah iko, kan iyo tambah jauah ambo dari cerminan sahabat nan jaleh-jaleh ambo indak luluih tadi. Makonyo dari itu dunsanak kasadonyo, bari maaf ambo sakali lai, dek umua lah lah samakin pendek, Mato lah kabua, Uban lah batabua, Kulik lah kandua, gigi lah gugua (tingga ciek lai), lah dakek ka pintu kubua kecek urang, rancak ambo antikan singan iko. Kok ditunggu juo ciek lai, batambah-tambah doso beko. Dan ambo iyo takuik bana isuak kanai umban ka dalam narako. Naudzu billaaahi min dzaaalik. Karano itu dunsanak kasadonyo, bukan dek karano hal-hal nan tajadi sabanta ko antaro ambo jo Uda Darwin, tapi rasonyo lah ndak talok lai, dan ambo nio lulus pulo bantuak sahabat nan indak manyakiti hati urang tu, ambo mintak diri dulu. Rilakan ambo jo sagalo kekurangan ambo, halalkan jo sagalo nan tamakan dek ambo, dan bari maaf ambo sacukuiknyo. Mudah-mudahan isuak, lai buliah juo ambo masuak sarugo, lai basuo juo dunsanak dek ambo di dalam sarugo, Insyaa Allah. Sakali lai baribu maaf, ka Tuhan Allah swt. ambo mintak ampun. Allahumma anta rabbi, Laa ilaaha illa anta, khalaqtani, wa ana abduka, wa ana 'ala 'ahdika wa wa'dika mastatha'tu, A'uudzu bika min syarri maa shana'tu, abu-u laka bini'matika 'alayya, wa abu-u bi dzambii, faghfirli, innahu laa yaghfirudz dzunuuba illa anta. Yaa Allah, Engkau Tuhanku, tidak ada tuhan selain Engkau, Engkaulah yang menjadikan aku, dan aku adalah hamba-Mu, aku akan selalu menepati janji-Mu sekemampuanku, aku berlindung kepada-Mu dari kejahatan yang aku perbuat. Aku kembali kepada-Mu dengan nikmat yang telah Engkau berikan. Aku kembali kepada-Mu dengan dosa, maka ampunilah aku, sesungguhnya tiada yang bisa mengampuni dosa kecuali Engkau. Wabillaahil hidayah wat taufiq. Wassalamu'alaikum warahmatullahi wabarakatuhu St. Sinaro
--- On Wed, 20/4/11, Darwin Bahar <dba...@indo.net.id> wrote: From: Darwin Bahar <dba...@indo.net.id> Subject: [R@ntau-Net] Saya dan Adik Saya Sutan Sinaro To: "Palanta Rantaunet" <rantaunet@googlegroups.com> Cc: "'Sutan Sinaro'" <stsin...@yahoo.com> Received: Wednesday, 20 April, 2011, 12:31 AM Assalamualaikum wr wb. Saya dan adik Saya St Sinaro sudah saling kontak dan maaf memafkan liwat japri. Dengan demikian masalah antara kami berdua sudah selesai dengan semangat silaturakhmi. Kepad sanak kamanakan sa Palanta yang merasa tidak nyaman atas posting saya terkait masalah ini, saya mohon maaf yang sebesar-besarnya. Wassalam, HDB St Bandaro Kayo (L, 67+), asal Padangpanjang, tinggal di Depok -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
