Dunsanak Palanta RN Sambia mangalai-ngalai abih makan jo Asam Padeh Gulai Bauang nan di buek dilapau rang awak di Melak Kutai Barat yo lai sabana badaceh pulo rasonyo makan malam ambo, taraso padeh jo asam nyo dari asam balimbiang (tunjuak) dari hasil pengamatan, ota jo kawan nan lamo disiko dan mancaliak pasa2 tradisional di Barong Tongkok dakek Mess ambo kini, nampaknyo ikan2 hasil tangkapan masyarakat siko dari Sungai Mahakam dan anak2 sungai sarato rawa2/danau2 ketek disiko masih banyak tasadio secara alami, indak sarupo lai di Sungai Kampar jo Siak nan lah sariak di, iko ikan2 nan sajenis jo di Sungai dan Rawa di Riau di siko diantaronyo
IKAN BAUANG Masih banyak dan arago cukuik lumayan murah sakilonyo dibandiangkan jo di Riau, masih gadang2 ukurannyo di jua dek masyarakat nelayan siko , segar2 dagiangnyo khas lambuik putiah. Tapi sayang dek mungkin dek kurang pandai urang maolah disiko (atau mungkin salero ambo nan minang bana) yo di goreng sajo nan banyak kurang variasi takah diseni kuliner awak baa memanfaatkan ikan ko jo aneka gorengan dan gulai sarato asam padeh awak, nan agak lumayan mungkin di camp baru (namo daerah) ado rumah makan JAWA INDAH pindang Ikan Bauang jo Patinnyo lai segar dan khas rasonyo IKAN PATIN Nah ikonyo, kalau di Riau lah sabana langka nan alami dapek di Sungai2 tapi disiko masih banyak dan gadang2 ukurannyo, sabana balamak khas dagiangnyo nan takuduak di kapalonyo, sarupo ikan bauang, kurang bana variasi masakan caro awaknyo, paliang di RM urang jawa juo nan lai agak badaceh dibaka kecap atau disop2 bakuah encer (biasonyo bagian kapalo di cancang dibuek sop, lumayan lamak di RM 115 Sendawar punyo RM rang Jawa yang cukuik terkenal disiko) IKAN JELAWAT Iko sejenis ikan gariang dek awak, ampia samo (secara morfologi) sa family tapi babeda2 namo speciesnyo sajo mungkin dalam klasifikasinyo, intinyo ikan ko basisiak perak gak gadang2, dagiangnyo batulang2 haluih, dagiangnyo yo sabana lamak di goreng, nan paliang ambo suko mamakan ikan Jelawat goreng ko di RM Anggrek Melak, iko dek samba lado encernyo sangat khas asamnyo ditambah jo sayua beningnyo nan lumayan segar IKAN HARUAN Sangai banyak dan baleyak ditangkok di rawa2 sekitar aliran sungai Mahakam, banyak disalai (diasok) dek penduduk, ambo suko sarapan pagi ado lapau di sampiang BRI Melak manjua nasi kuniang nan babungkuih daun pisang dup pilihan sambanyo ado goreng ayam ado goreng ikan haluan asam manih, ambo mamiliah nasi kuniang jo ikan haruan ko. Kalau bahaso awak ikan Haruan ko adolah Bakok< Rutiang atau secara nasional dikenal namonyo Ikan Gabus. IKAN PANTAU Ikan ketek2 ibaraik di lauik adolah bada, iko mainnyo diperairan aia agak tanang di sekitar penduduak mandi, mancuci atau diseputar kampuang2 di aliran Sungai Mahakam, nan di pasang tangguak di randamkan saketek dibawah permukaan aia, lalu sakali2 diangkek, ikan ko tamasuak nan lamak juo, banyak dijua di RM Pekanbaru masakan urang Ocu Kampar. Ambo katuju bana kok lah iko samba di RM Urang Awak di melak ko nan inyo goreng balado jo potongan kantang atau goreng indak balado untuak dikudok2 atau tambahan samba katiko makan disinan. Itulah ikan2 tangkapan alam nan sakiro banyak ambo tamui disiko dan cukuik populer di hidangkan di RM daerah siko, sabananyo Direktur Plantatition ambo maniak mamanciang tiok akhir pekan disiko, kami punyo speed boat. acok ambo diajaknyo tapi ambo kini mamanciang ko lah maleh bana, labiah suko ambo di akhir pekan puta-puta atau sekedar jalan2 sekitar kampuang urang dayak siko sambia maliek2 atau mandi2 di aia tajun jo kawan2. kecek Direktur ambo ko kok agak kepelosok saketek di aliran Sungai mahakam yo lai lapeh candu mamanciang baung jo ikan patin, kok dapek cukuik banyak inyo agiahkan sajo ka Camp2 lokasi kebun kami buek samba karyawan. Wass-Jepe barong Tongkok, 46 Thn,L, Caniago -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/