Mak Yanto, Pak Saaf dan Sanak Palanta RN Ambo setuju bana jo komentar Pak Saaf sangaik spesial untaian kato2 gurindam Mak YJ jo, dan ambo yo benikmati bana apo kiasan dan apo nan tasirek di baliak nan tasurek, perumpamaannyo tu sabana haluih rawiknyo sarupo di baris ko
Baladang dipungguang kawan Bak mamapeh dalam balango Lah abih urang dek umpan Awak tingga mangganyuik sajo taraso bana dek ambo kok ado sipaik urang bantuak iko nan tahu sanang sajo, indak tahu jo untuang, indak tahu raso jo pareso ambo mambayangkan kondisi rillnyo, samisal ambo lah panek pai kalua masuak hutan, marancah samak pai ka sungai nan agak jauh saketek mamanciang bia dapek banyak ikan, tibo dirumah dek kawan dipupuahnyo mamakan ikan panciang nan lah masak ko, jaankan ka sato mambarasiahkan ikan nan dapek, piriang makannyo nan kumuah sajo indak taangkek dek inyo ka tampek cucian, Kondisi2 iko memang banyak tajadi kini ko, banyak nan tahu sanang sajo pemimpin kito dek dimanjo jo kepeang sana sini, dek inyo masalah "angguak jo kedipan mato" sajo mandapekan kepeang, tibo di masyarakat badarai nan susah iduiknyo, lah tipih tapak tarampanyo hilia mudiak bakureh cukuik dapek palapeh makan sahari sajo, nan janji.tingga janji sajo dulu katiko kampanye lah duduak, yo mbok dibina dan diarahkan sarato dimudahkan maagiah peluang usaho Tarimo kasih Mak YJ Gurindam pasan mamaknyo..Meaningfull Wass-Jepe ________________________________ Dari: Dr Saafroedin Bahar <saaf10...@yahoo.com> Kepada: yanto jambak <yantojam...@gmail.com> Terkirim: Sel, 21 Juni, 2011 02:12:42 Judul: RE: [R@ntau-Net] PASAN MAMAK IV Assalamualaikum ww Sanak Yanto Jambak dan para sanak sapalanta, Sabana sanang hati ambo mambaco rangkaian pituah Sanak iko. Isinyo padek, bungkuihnyo aluih, pasan sampai urang indak tasingguang. Iko nan alah agak sarik tadanga kini. Kalau buliah ambo mausulkan, Sanak ulehlah baitu banyak masalah masyarakaik jo masalah bangso kito kini, nan taraso alah sabana tapuruak. Sambia mangaritik sacaro aluih, agiah pulo malah nasihaik jo sumangaik, supaya jan sampai urang putuih aso. Kalau alah banyak takumpua, cari kawan nan bapitih untuak mancetaknyo jadi buku, supayo bisa dibaco dek anak cucu kito. Ambo ucapkan tarimo kasih kabakeh Sanak, diiriangi jo doa sumago tetap sehat dan murah rasaki. Wassalam, -------Original Email------- Subject :[R@ntau-Net] PASAN MAMAK IV >From :mailto:yantojam...@gmail.com Date :Tue Jun 21 15:54:03 Asia/Bangkok 2011 Assamulaikum warrahmatullahhiwabarakatu, dunsanak nan sakampuang balain suku,nan samandeh balain ibu, sa ayah balain angku, nan sadang duduak batopang dagu, mamikiakan hiduik nan ndak manantu, hati kusuik pikiran buntu, rumah tampak jalan ndak tau, kabatanyo sagan jo malu, akhianyo lah bantuak urang gagu, banyak kandak nan ndak lalu, ayie gadang sampan ndak laju, lah kanyang hiduik kanai tipu, dek hiduik cando di kaja hantu, tagageh ta buru buru, kurang hari kurang wakatu, Lah kalah aka jo nafasu, barabuik meja jo bangku, ingin manjadi nomor satu, akhianyo talambek tau, dapek tarompa hilang sipatu, dapek sarawa hilang baju, dek hiduik indak amuah baguru, batanyo ka nan tau, kok dicaliak tingkah jo laku, lah bak cando ulek bulu, kasiko manggaduah kasinan mangganggu, lah lupo jo rambu rambu, lupo kelok jo liku, dulu awak jadi babu,kini induak samang jadi pambantu, ibarat sifat banalu……………. Sambia pa isi isi wakatu, sambia man cari cari kutu, ambo sampaikan pasan ka angin lalu, kok lai sampai ka nan dituju…Pasan mamak IV judul baru…. PASAN MAMAK IV (Kado Ultah utk Dilla) Nan kanduang gadih nan jombang Kamanakan dek badan diri Lah tigo surek malayang Nyampang kok alun tapahami Mamak ulang sakali lai Disurek nan ka ampek Ibarat urang mangaji Di ulang ulang kok lai dapek Dibulak baliak bak mamanggang Di ulang ulang bak manyapuah Kalau disimak tarang tarang Jo kieh mamak bapitaruah Baitulah kito urang diminang Ma aja anak kamanakan Indak bacurito taruih tarang Tapi ba umpamo ba kiasan Alam takambang jadi guru Baraja ka pangalaman Ado nan patuik ditiru Ado nan pantang dilakukan Mamak sabuikkan hiduik karambie Ka jadi contoh jo tauladan Kok lai ka jadi buah pikia Ka bungo lalok dalam rasian Sabanyak nan elok contoh diliek Nan buruaknyo sagitu pulo Kok disabuikkan salah ciek Sipat banalu ka mamak baco Indak nan tau surang juo Asa mulonyo kok dikaji Nan jaleh dipandang mato Dek buruang limbago tajadi Manempe di rantiang kayu Barubah jadi cindawan Manuruik bahaso urang ulemu Parasit rang namokan Keteknyo ta anjo anjo Lah gadang ta bao bao Lah tuo barubah tido Hiduik manggaduah jo manyeso Sarupo cindawan tumbuah di tunggua Umpamo sakek tumbuah di batang Bagaikan lumuik di tunggua Bak hilalang kok di ladang Di basi jadi karawek Umpamo kanker dalam darah Di rimbo umpamo acek Di sawah ibarat lintah Dima sajo hiduik bagantuang Lah kuruih urang dek awak Makan hati ba ulam jantuang Tingga manunggu mati tagak Li ketek hiduik manompang Lah gadang citonyo buruak Lah payah batang dek batenggang Urang basangko aleh duduak Pucua layua daunlah rogek Maratok limau nak babuah Awak tumbuah badaun labek Urek haram manggapai tanah Baladang dipungguang kawan Bak mamapeh dalam balango Lah abih urang dek umpan Awak tingga mangganyuik sajo Manuhuak kawan sairiang Mangguntiang dalam lipatan Sadang lai urang babimbiang Lah kuruih baniat maninggakan Manuruik carito guru mangaji Kok basuo dipaparangan Halal darahnyo tumpah ka bumi Ba itu agamo ma ajakan Uranglah jadi aleh duduak Darahnyo basasok juo Manangih limau nak bapucuak Nan rimbun ka awak juo Sabalun lapuak batang jo urek Nan tumpang alun baranti Ba itu bana niat nan jaek Bialah nak samo samo mati Banyak co itu nan tajadi Dari bawah sampai ka ateh Santano nagari kito sigi Lah cabiak cabiak bak karate Korupsi di mano mano Hiduik dari pajak rakyat Di ateh manumpuak harato Awak juo tambah mularat Usah ditiru nan bak nantun Gadang dosonya di balakang Doso nan indak dapek ampun Dunie akhirat di upek urang Masih banyak contoh nan nyato Kalau lai namuah manyimak Insyaallah minggu dimuko Kito ulang baliak manyibak Sapanjang nan mamak sabuikkan Kok ado nan kurang jaleh Ka mandeh cubo tanyokan Dek ayah itulah kameh Kini sahinggo iko dahulu Pinto mamak indak doh banyak Ka ganti palapeh rindu Cubolah baleh surek mamak Puaso tibo rayo ka datang Minal aizin wal faizin Santano alun talakik pulang Maafkan mamak lahie batin Sampaikan salam ka nenek Ka angku ba itu pulo Pandai pandai kamanakan manjawek Kok nyampang baliau batanyo. 21062011 Y. Majo Basa. (MC Adat,penyiar Radio Pusako Minang 972 am tgr) Saafroedin Bahar Taqdir di tangan Allah, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
