Waalaikumsalam w.w. Sanak Sutan Sinaro dan para sanak sapalanta, Tarimo kasih ateh nan sagadang-gadangnyo ambo sampaikan ateh apresiasi Sanak Sutan Sinaro taradok ikhtiar sederhana dari Gebu Minang dalam SKM GM untuk mancubo manjawab : apo tu hakikatnyo ABS SBK ? apo tujuannyo ? apo tolok ukuanyo ? Baa malaksanakannyo dalam maso kini dan di maso datang ? Dima lataknnyo dalam NKRI ko ? Niaik sajak jolong dek Gebu Minang kan iyo maajak sagalo urang awak -- di Ranah dan di Rantau -- untuak baiyo batido mambicarokan hal nan mandasar iko dalam suatu Kongres Kebudayaan Minangkabau (KKM) nan manuruik pakiroan akan diikuti dek k.l 1.000 urang. Karano urang nan akan sato sabanyak tu, sadangkan masalahnyo sagadang tu, diraso indak mungkin dalam duo hari urang nan alun panah basuo, langsuang batuka pikiran menganai ABS SBK nan alah tagaiang-gaiang salamo 173 tahun (1837-2010), mako Gebu Minang maambiak prakarsa untuak mambuek 'initial paper' nan dinamokan 'draft' dan dilewakan sacaro bakalanjutan sabanyak 19 kali di Rantaunet.
Tanyato kainginan tu indak bisa dilaksanakan, karano ado perlawanan hebat dari sakalompok sanak kito di Ranah, nan sampai manyingguang ranah pribadi. Apo alasan baliau-baliau tu silakan Sanak Sutan Sinaro palajari sagalo penerbitan surek kaba di Padang antaro bulan Maret - Desember 2010, ditambah jo posting di Facebook nan mambae kami habis-habisan tanpa ampun. Malah ado surek resmi mamintak Gubernur membatalkan KKM tu, ditambah jo mausia kami dari Bukit Tinggi, sampai kami tamehek-mehek mangubah lokasi ka Padang, tamasuak harus mambuek dan mangirim undangan baliak kapado sagalo fihak nan alah kami hubungi. Ringkasnyo, Sanak Sutan Sinaro, KKM tu gagal total. Hanyo campua tangan Allah swt sajo nan manyababkan materinyo bisa dibahas sacaro lancar dalam SKM GM, sarupo dan dilaporkan pak Jamin tanggal 27 Juni tu. Kami tantu sajo hanyo bisa tacangang-cangang sajo mancaliak sagalo reaksi nan manuruik kami indak masuak aka tu. Ibarat musajik nan akan kami tagakkan, gareja juo kato baliau-baliau. Karano tu, jo tatap maminta patunjuak dan berkah dari Allah SWT, baban barek itu kami elo juo, sabara kami mampu. Indak jarang babarapo urang di antaro kami alah mulai putuih aso, apo lagi nan kami karajokan tu kan lillahi ta'ala sajo. Indak ado kauntuangan saketek juo untuak kami. Jabatan ? Untuak a dek kami jabatan lai, kami urang pansiunan, umua di ateh 65 tahun, sabagian alah pernah duduak di jabatan tinggi birokrasi, dan indak basalero lai jo jabatan. Pitih ? Malah pitih kami tabuangan nan banyak kalua, apolagi karano sagalo pihak nan mulonyo manjanjikan bantuan, membatalkannyo karano baliau tu dipatakuik-takuiki dek dunsanak kito tu. Saparati nan Sanak Sutan Sinaro baco dalam buku 'Pedoman Pengamalan ABS SBK' tu, dan dalam penjelasan pak Jamin, pado dasarnyo nan dikarajokan dek Gebu Minang hanyo mangompilasi, mansistematisasi, mambuek rumusan awal. Nan khas dari kagiatan Gebu Minang ko adolah saluruahnyotu diorientasikan ka maso datang dan Minangkabau sebagai bagian dari NKRI. Karano itu kami indak banyak mambahas tantang 'gunuang Marapi sagadang talua ayam', atau tantang duo datuak kito nan malatakkan adat matrilineal. Kami maanggap hal itu 'given' sajo, ditarimo apo adonyo. Kalau masih ado masalah, dikaji labiah dalam dek limbago kajian nan akan dibantuak sasudah itu. Mungkin paralu ambo jalehkan tantang dima posisi ambo, karano banyak nan mengidentikkan KKM/SKM GM itu jo ambo pribadi sahinggo ado kagiatan nan alah marupokan 'character asassination' taradok diri ambo, Tantu ambo indak bisa manarimo, dan basamo jo babarapo kawan-kawan alah ambo siapkan somasi, bahkan kalau paralu gugatan pencemaran namo baiak taradok babarapo urang nan alah bakalabiahan bana hujatannyo ka diri ambo. Namun ateh nasihat kawan-kawan juo, antaro lain untuk bisa mamusekkan paratian pado lancarnyo pelaksanaan SKM GM tu, rencana tu ambo batalkan. Dalam Gebu Minang posisi ambo adolah Ketua Dewan Penasehat, sadangkan dalam SKM GM tu ambo adolah Ketua Steering Committee. Aratinyo keabsahan materi SKM GM tu ado dalam tangguang jawab ambo. Substansi isinyo tantu sajo harus ambo tampuang dari sagalo fihak nan takaik, karano ambo bukan tokoh adat dan bukan pulo tokoh agamo Tantangan materi SKM GM, sabana banyak sumbangan pak Mochtar Naim, Waikl Ketua Steering Committee, nan manulih kiro-kiro 13 makalah, nan kami bagikan ka saluruah peserta. Latar belakang pendidikan dan pengalaman ambo adolah dalam manajemen pemerintahan. Baitulah, sasudah mambuek 'initial paper' nan ambo lewakan malalui internet - di Rantau Net dan Faccebook -- sagalo masuakan ambo tampuang, baiak dari fihak nan satuju maupun dari fihak nan manantang. Indak ado nan ditulak doh. Sia sajo nan maagiah masukan, bisa dicaliak baliak dalam catatan kaki dari draft1 sampai jo draft 19. Tantu sajo, salah satu urang nan paliang gadang raso syukurnyo ka Allah swt ateh salasainyo dengan selamat SKM GM tanggal 12-13 Desember 2010, ditambah lancarnyo peluncuran buku 'Pedoman Pengamalan ABS SBK' tanggal 27 Juni tu adolah ambo [ walau ambo indak bisa hadir pribadi karano ambo ado acara di Surabaya sambial consult jo dokter nan marawat ambo.] Tantang masih banyak kakurangan dalam isi buku tu, pasti. Itulah sebabnyo mako saluruah peserta SKM GM tu mamintak ka pak Gubernur maadokan KKM nan labiah gadang. Batua sakali, kalau ado rencana nan labiah rancak, tantu sajo bisa dibahas dan disepakati basamo. Manuruik panglihatan ambo, berdasar pengalaman mampasiapkan SKM GM tu, kalau nak ingin lancar, iyo siapkanlah 'initial papers' nan labah padek, lewakan talabiah dahulu, tampuang sagalo pandapek, baiak nan satuju maupun nan indak. Ado ciek lai : siap-siaplah dihujat dan digarajaikan dek sabagian urang awak, nan antah baalah ado-ado sajo nan salah di urang lain, Nan batua hanyo inyo surang. Artinyo dipabanyak saba. Ambo doakan Sanak Sutan Sinaro jo para sanak lain nan baminat, bisa malanjutkan dan mameloki a;po nan dirintis dek Gebu Minang sacaro tamehek-mehek tu. Program Gebu Minang sasudah ko adolah malanjuikkan kesepakatan dalam SKM GM tu, sacaro basiinsuik. Tolong jo doa. Talabiah takurang mohon maaf. Wassalamualaikum w.w. Wassalam, Saafroedin Bahar Soetan Madjolelo (Laki-laki, Tanjung, masuk 75 th, Jakarta) Taqdir di tangan Allah, nasib di tangan kita. From: Sutan Sinaro <stsin...@yahoo.com> Sender: rantaunet@googlegroups.com Date: Wed, 29 Jun 2011 18:13:43 -0700 (PDT) To: <rantaunet@googlegroups.com> ReplyTo: rantaunet@googlegroups.com Subject: Patut diacungi jempol Re: [R@ntau-Net] Kata Sambutan Ketua Umum Panitya . Assalamu'alaikum. w.w. Yang saya hormati pak Saaf jo dunsanak kasadonyo. Bukunya sudah saya download, dan baca secara garis besar. Sebagai langkah awal, usaha pak Saaf patut diacungi jempol, meskipun bukunya masih banyak kekurangan di sana sini. Terutama hal yang saya tanyakan, yakni ABS SBK itu sendiri. Karena tidak mungkin aturan pelaksana lebih ringkas daripada aturan dasarnya (Buku Falasafah adat alam Minangkabau Dt. Rajo Manggis yang ada pada saya 250 halaman lebih dengan font 9, belum lagi kalau bicara mengenai Saraknya dan NKRI nya). Tapi (anyway) bagaimanapun, apa yang pak Saaf buat adalah suatu kemajuan besar (layak diberi tanda jasa) dalam rangka mengembalikan pikiran orang Minang kepada dasar falasafah hidup orang Minang itu sendiri dan mengembalikan tujuannya pada tujuan hidup yakni untuk mengejar Kebahagiaan hidup di akhirat (sorga jannatun na'im) tanpa melupakan kebahagiaan hidup di dunia (Iko bana nan indak batulih pak Saaf, atau ambo talewat ?). Kenapa saya sebut demikian?. Karena dari sini kita dapat bertolak dengan segala kritik dan saran untuk mengumpulkan dari sumber tertulis (sekian buku dan pengarang) ataupun sumber hidup (niniak mamak, alim ulama, cadiak pandai) dan menyusun, meresume, menyimpulkan kembali aturan dasar (ABS SBK itu sendiri) yang sifatnya mengikat seluruh orang Minang dalam satu kongres besar Minangkabau. Note: Kok ado urang datang jo buku atau konsep nan lain yang lebih baik tentang ABS SBK ko, sarupo kecek pak Saaf, tentu kita terima. Billahil hidayah wat taufiq Wassalam St. Sinaro -- . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/