pak Anwar Jambak nan sabagai kakak dari ambo, sarato angku, mamak, bundo jo adi dunsanak sapalanta RN nan ambo muliakan,
Memang baitu nan disobuik dari warih niniak moyang kito sajak daulu, nan tigo tungku sajarangan ko adolah Rajo Alam, Rajo Adat jo Rajo Ibadat. Sobab negara wakatu zaman saisuak mantun adolah kerajaan Pagaruyuang. Sairiang bajalan wakotu, nan rajo selalu disambah pabilonyo adil mautamokan kepentingan urang nan badarai sabab itu disabuik dalam pituah, Rajo adil rajo disambah, rajo lalim rajo disambah. Baanyo mangko ado gerakan paderi? Sabab ado kelalim nan sadang tajadi. Dimano di pasumayaman rajo Adat di Lintau Buo berkembang subur gerakan Paderi nan ko oleh Tuanku Lintau, baitu juo di Luhak Agam sekitarnyo sabab fulitik indak lai bapihak kapado nan urang banyak nan mautamokan kemaslahatan di masyarakat minangkabau. Peristiwa berdarah di Koto Tangah luhak Tanah Datar nan mambuek kerajaan Pagaruyuang nan ko tenggelam dimano Sultan Muningsyah menyerahkan tampuk kerajaan ka Rajo Ibadat nan basumayam di Sumpur Kudus sabalun mengungsi ka Lubuak Jambi. Ditambah pulo kurenah Sutan Bagagarsyah basamo 19 niniak mamak nan masih berpihak ka Kerajaan Pagaruyuang 10 Februari 1821 menyerahkan kekuasaan ka pihak bulando di Padang. Nan kini (iko sepengetahuan ambo) sajak Bulando manjajakan kaki di Luhak Nan Tigo, hinggo Japang masuak ka darek sampai tagak Negara Kesatuan Republik Indonesia nan ko - alah bajalan 178 tahun lamonyo - indak ado kedaulatan dari kerajaan Pagaruyuang mantun. Iko babeda dengan keraton Yogyakarta nan masih tagak & berdaulat hinggo NKRI ko berdaulat. Bahkan salamo hampia 2 tahun (4 Januari 1946 - 21 Desember 1948) NKRI nan ko manumpang hiduik dari pembiayaan dari Kesultanan Yogyakarta dimano ibukota pemerintahan pindah dari Jakarta ka Yogyakarta nan kamudian ditaruihkan dengan Pemerintahan Darurat Republik Indonesia (PDRI) Di Sumatera Barat. Jadi, kok ado juo urang minang nan maraso paralu ditagakan baliak kerajaan Pagaruyuang nan ko secara berdaulat, ambo kiro paralu disigi baliak baa rincian sejarah nan pernah tajadi hinggo 1833 - 1945, bahkan sampai 2011 kini. Apokah paralu bana atau indak. Sebagai warisan budaya mungkin paralu, namun sebagai bagian dari adat struktur minangkabau paralu dilakukan kajian basamo sabab kito ba nagari-nagari & paralu juo dikana, samaso kerajaan Pagaruyuang masih berdaulat, kedaulatan mantun indak masuk sampai ka nagari-nagari, sabab itu kutiko Thomas Raffles meminta izin mendirikan pos dagang di kanagarian Simawang, pihak kerajaan Pagaruyuang menyarankan agar Raffles meminta izin lansuang ka Kerapatan Adat Nagari di Simawang. Iko sajo tukuak tambah dari ambo, mohon dikoreksi pabilo salah, maklumlah umua alun satahun jaguang darah alun satampuak pinang, ilmu kurang aka pun alun ado, banyak maaf. wasalam AZ/lk/33th/caniago Padang Mungkin nan labiah patuik : Rajo Alam adolah Pemerintah Daerah Provinsi Rajo Adat adolah Lembaga Kerapatan Adat Alam Minangkabau sebagai lembaga basamo 543 Kanagarian Rajo Ibadat adolah MUI Sumbar Permasalahannyo, apokah LKAAM Sumbar alah sampai ka 543 kanagarian mantun? Baa pulo dengan MTKAAM nan alah pulo tagak kini? Siapo nan bisa mangumpuakan data seluruh niniak mamak/urang nan ampek jinih di ranah minang? Mungkin pak Anwar Jambak bisa mulai maunjuakan data langkok niniak mamak/urang nan ampek jinih di nagari asa. ________________________________ Dari: alhaqirwalfaqir <alhaqirwalfa...@yahoo.com> Kepada: "RantauNet@googlegroups.com" <RantauNet@googlegroups.com> Dikirim: Selasa, 12 Juli 2011 16:53 Judul: Re: [R@ntau-Net] Babaliak Banagari Bukan Babaliak Bapagaruyuang > Mohon Dikoreksi Ndeh konti den indak ngoroti doh yo, tapi konti juo na manyobuik, tigo tungku sajorangan eih, tantu pucuaknyo tigo pulo tuh, Rajo Adat, Rajo Ibadat, Rajo Alam (Niniak Mamak, Alim Ulama, Cadiak Pandai) 2. Badek baitu, untuak manyatukan Luak Nan tigo plus Rantau tantu harus ado kesatuan Rajo Alam, tarutamo manyangkuik masalah antaro Luak ataupun jo Rantau. 3. Baitu juo mahadoki Nagari/prop./Karajaan nan Lain, tantu Minangkabau harus barado dalam satu kesatuan (Karajaan misalnyo) Sakitu nan ta angan baru Nti, jaan copek bona dipatahan ndak, dek Indonesia mungkin agak jadi buah simalakama tapi baalah nan bona parolu disobuik juo. "Kamanakan barajo ka mamak, Mamak barajo ka Pangulu, Pangulu barajo ka Mufakaik, Mufakaik barajo ka nan bana, Nan bana tagak sandirinyo" Nan biasonyo kan Rajo atau Sultan atau Khalifah nan diateh sakali, sbg wakia Allah Swt di muko Bumi ko Sasuai juo jo isi Kitab, "Taatilah Allah, Taatilah Rasul, Dan Pemimpin diantara kamu!" Peace Bro Wassalam, dari "alhaqirwalfaqir" AnwarDjambak43-Pyk-KualalumpurHp +6017 66 313 77-Sent by Maxis from my BlackBerry® smartphone ________________________________ From: Armen Zulkarnain <emeneschoo...@yahoo.co.id> Sender: rantaunet@googlegroups.com Date: Tue, 12 Jul 2011 17:27:15 +0800 (SGT) To: rantaunet@googlegroups.com<rantaunet@googlegroups.com> ReplyTo: rantaunet@googlegroups.com Subject: [R@ntau-Net] Babaliak Banagari Bukan Babaliak Bapagaruyuang > Mohon Dikoreksi Assalamualaikum wr wb Pak Anwar Jambak nan sabaun jo ambo dari luhak 50 Koto sarato angku, mamak, bundo jo adi dunsanak sapalanta RN nan ambo muliakan, Ambo asik taruih mambaco seluruh postingan di RN nan ko baiak nan membahas satantang niniak mamak di Kota Padang maagiahkan gala, Mubes Gebu Minang di Padangpanjang, hinggo Jerman akan berinvestasi di ranah minang. Nan ambo maraso 100% urang minang, bakampuang di Ambacang Caniago kanagarian Kubang, luhak 50 Koto & babako ka Canduang Koto Laweh, Luhak Agam. Namun indak pulo maraso urang kerajaan Pagaruyuang. Namun kalau pak Anwar maraso bagian dari kerajaan Pagaruyuang tantu ambo indak bisa pulo mambantah, hanyo cubo mambari saran apo bana peran Pagaruyuang kiniko di ranah minang, sabab nan satahu ambo kerajaan nan ko indak ado lai sajak 178 tahun nan lalu. wasalam AZ/lk/33th/caniago Padang babaliak banagari adalah menghidupkan kembali struktur kehidupan masyarakat minangkabau dalam tatanan sosial masyarakat minangkabau, mungkin yang pak Anwar Jambak mukasuik adolah babaliak bapagaruyuang. ________________________________ Dari: alhaqirwalfaqir <alhaqirwalfa...@yahoo.com> Kepada: "RantauNet@googlegroups.com" <RantauNet@googlegroups.com> Dikirim: Selasa, 12 Juli 2011 15:01 Judul: Re: [R@ntau-Net] Investor Jerman Bakal Kucurkan Rp 10 Triliun Ciek Lai, Kalau bisa basatu Niniak Mamak awak dan bisa mandirikan Kerajaan Pagaruyuang baliak (artinyo kito otonomi penuh dalam bentuk Negara Bagian atau Negara Serikat dgn Indonesia dlm arti tetap berhubungan baik cuma kita kan Mambangkik batang tarandam dan baliak banagari, kalau baliak ba nagari kan harus sampai ka pucuaknyo indak bisa satangah-satangah yaitu sampai ka Rajo Alam) 2. Mako indak ka susah dow lah jaleh saluruah tanah Melayu akan duduak dibawah Minangkabau, tamasuak Malaysia, Singapura, dan Brunei. Karena kerajaan Minangkabaulah pucuak sagalo Kerajaan Melayu dari zaman dulu lagi. Angan2 lo ciek lai Wassalam, dari "alhaqirwalfaqir" AnwarDjambak43-Pyk-KualalumpurHp +6017 66 313 77-Sent by Maxis from my BlackBerry® smartphone -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
