"MATI" RASO Kalau lah Hati nan bakato, Hilanglah kiro-kiro, mangalir bak ayia sajo,
Taruihkanlah Mamak Yanto, Ijan cameh jo tata bahaso, Nan pontiang sampai mukasuiknyo, Urang nan mati raso, Asik bapikia jo bakiro-kiro, Namun karajo indak langsuang juo, Balain bana kalau hati lah mancayo, Kamari nampak kamari taraso, Indak cukuik tangan dibueknyo. Saketek sajo dari ambo, Nan satuju jo Mamak Yanto, anwarjambak/lk/43/KL/Pyk ________________________________ From: yanto jambak <yantojam...@gmail.com> To: RantauNet <RantauNet@googlegroups.com> Sent: Thursday, July 14, 2011 2:45 AM Subject: [R@ntau-Net] "MANYAPO" RASO “ MANYAPO “ RASO Tarimo kasih nan basamo Nan lah amuah pulo sato Tantang mangupas tata bahaso Di dalam palanta nan tacinto Kok disabuik ka diri ambo Bak cando hauih dapek niro Bak mandi jo ayie rimbo Palak lapeh dingin taraso Takana dek ambo satu carito Katiko bakawan jo rang bulando Ka kampuang bana ambo bao Sakitar tahun lapan tigo Katiko gaek mambuek kalio Gulai babat bacampua iso Baa marameh santan kalapo Si bule manggeleang kapalo Keceknyo paruik maloyo Indak higenis saketek juo Bialah inyo puaso Daripado sato mancubo Tapi katiko barisuaknyo Ambo bao ka simpang tigo Restoran padang nan tanamo Nyo batambuah sampai duo Katiko ambo cubo tanyo Baa mangko bantuak iko Jawabnyo enteang sajo Harum baunnyo ndak takao Baitu pulo sabaliaknyo Ditampek ambo bakarajo Tuna mantah bacampua cuko Sashimi bahaso japangnyo Barabuik pulo kawan nak sato Balupokan baun jo bantuaknyo Karano gizi nan babicaro Soal lamaknyo nomor tigo Ujuik carito ujuang kato Kalau bicaro soal salero Kadang urang lupo Baa caro mambueknyo Dek tukang masak baitu pulo Dima nan lamak ka basuo Soal caro jo bantuak rupo Mungkin itu nomor limo Ruku ruku jo ruso ruso Kadang sato daun ganjo Buah lada buah palo Manjadi makan sero Katiko bicaro seni rupo Tamasuak seni tarik suaro Ibarat mancari tumo Ndak batamu tata bahaso Tapi kok tadanga di talingo Baa cengkok iramanyo Kok talalok maleh jago Ta baliak baliak incek mato Itulah ibarat jo umpamo Sakadar ka ganti conto Tingga di awak mamakainyo Dari suduik ma ba bicaro Paruik litak nasi tibo Nasi angek jo samba lado Gulai pangek jo kalio Tangan lah harok nak manyongko Tapi dek alun tau jo raso Timbua syak balain sangko Paruik taraso baturo-turo Tagantuang suok di dado Antah dek lamak balain raso Mungkin dek lidah indak samo Balain sayang jo suko Allahualam kajaweknyo Sapanjang tangan nan bajambo Dalam manulih mangarang carito Sasungguahnyo untuak konsumsi talingo Bukan untuak baraja mambaco Ambo biaso di radio Baciloteh man caraco Baa nak lamak tadangnyo Bukan baa manulih jo ma ijo Mungkin disiko silang tasuo Ambo manulihkan carito Dima latak intonasi suaro Bukan manulih baa bahaso Kok nyampang di layar kaco Mungkin di caliak gaya bicaro Sarato jo mimik muko Baru ditangkok mukasuiknyo Ka nan rancak condongnyo mato Ka nan lamak condoang salero Itulah umum nan biaso Sifat manusia di mano mano Tapi kadang acok ta suo Padeh jo manih di aduaknyo Bacampua lado jo gulo Disinan makan taraso sero Bak cando pical jo gado gado Tarasi kapalo maco Bacampua lado jo gulo Amuah makan tabik salemo Kok disabuik kaidah raso Tantu di kito ndak basuo Padeh jo manih di padannyo Tapi itu tasuo nyato Untuak mamak jo sudaro Nan sa ayah balain bapo Nan samandeh balain bundo Usah manjadi salah sangko Mamak bakato di nan iyo Indak doh salah tagua jo sapo Ambo nan salah ba jojo Manggaleh sajadah ka urang cino Ambo angkek tangan ka kapalo Badoa ka Nan Kuaso Dalam kalam tibo cahayo Semoga indak manyilaukan mato Didalam gurindam lamo Bait pantun kato pusako Kok ndak salah ambo mambaco Labiah kurang bunyi isinyo Manyusun siriah di carano Dalam salapah latakan santo Lakekkanpalano di ateh kudo Di kapalo manjujuang boko Babuek baiak sakiro kiro Babuek buruak sakali tido Kok nyampang itu tapakai basamo Nagari aman damai santoso. 14072011.y.jambak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
