Randang Baluik jadi Randang Dendeng. Alhamdulillah, Randang Baluik nan tabang dari Jakarta ka baliak bumi kiriman Reni nan sampai di Tapi Riak nan Badabua duo tigo bulan nan lalu, lai sampai manjalang puaso. Tarimo kasih banyak ka Reni nan lah mambarikan pulo inspirasi baru untuak MakNgah. Baluiknyo nan badaruak-daruak habih Jumat nan lalu, tapi dadak randangnyo masih tingga tasimpan juo. Harumnyo bukan main masih indak babeda.
Sanjo kapatang MakNgah manggoreng dendeng, masiak, badariak. Tapi alun dicampua lado lai, alun manjadi Dendeng Balado. Pagi ko, dicaliak-caliak dendeng tu, masiak badariak, takana dariak Randang Baluaik. Eeh tabik pangana. Kok dicabiak-cabiak-i dendeng ko ketek-ketek, dimasuakkan ka Dadak Randang Bakuik ko tantu iyo ka lamak pulo ko heeh? Iyo, itu lah karajo sabanta ko, Dendeng Masiak tu dicabiak-cabiak ketek-ketek, dimasuakan ka Dadak Randang labiah-labiah Randang Baluik tu, dikocok-koconkan jo garapu. Tinggakan sabanta sampai dadaknyo marasok ka dendeng tu. Eeh, ondee Maaak! Tercipta kalua lah Kuliner Baru, ciptaan Makngah manjalang Puaso ko dinamokan Randang Dendeng Lamak, dendenganyo badaruak saroman Randang Baluik tu, cuma isinuo lah batuka jo Dendeng Masiak, mangko kuliner tu dinamoi Randang Dendeng. Kok diandokkan agak samalam, bisuak lah marasok rasos dadad randang tu, tantu ka batambah lamak. Jadi, Adidunsanak nan Basamo dima sajo kini, kok Randang lah tingga dadak-dadaknyo sajo, rancak diugunokan itu untuak resep Kuliner Baru Dendeng Randang. Salamat manyunglap Randang manjadi Randang Dendeng...:) Jadi, kalau salamo ko awak kenal jo Dendeng Balado, kini lah ado variasi, lado dendeng nan biaso tu diganti jo dadak randang. Cubo lah lamak... :) Kok dapek inspirasi manirunyo, kana-kana se lah MakNgah dari Jauah ... Baa tu Angku Jepe, Rina, dan Reni sarato para ahli kuliner di Lapau ko? Mungkin paralu Randang Dendeng ko dipatenkan pulo? Salam, --MakNgah Sjamsir Sjarif Di Tapi Riak nan Badabua Santa Cruz, California, July 26, 2011 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/