Bulan nyo Banamo Ramadhan
Insyaallah, duo hari lai ado tamu nan hebat nan katibo, tamu nan banyak dinanti urang tantu la ndak samabrang urang pulo nan manantinyo, tamu nan dinanti jo ba macam caro, ado nan baralek gadang, ado nan manangi kasanangan dek takui ndak ka dapek, ado nan mamparancak rumah basarato jo isinyo. Manga urang kok baitu bana mananti tamu ko, ado bamacam pulo alas an nyo. Tiok-tiok urang mengkin babeda caro manyampaikan-nyo, tapi sabana nyo dalam lubuak hati nan palling dalam bakato hati tu, tamu nan ka tibo ko dapek mambuek hati nan paling dalam pulo atau jiwa ko manjadi tanang satanang nyo, sakiang tanang nyo indak ada risau di dado lai do, dunia ko ta raso lapang indak sampik model sabalun tamu ko tibo! Tamu nan aguang ko biaso kito sabuik jo bulan Ramadhan, bulan nan labiah rancak dari saribu bulan karano inyo mambawok berkah dari Sang Pambuek Alam Semesta ko. Bulan Ramadhan datang panuah jo kamulia-an dan ka utamo-an. Bulan nan di dalam bulan ko syaithan-syaithan dikabek sado alahe (tantu se dek nan sanang jo bulan ko), pintu-pintu narako ditutuik dan pintu-pintu sarugo dibuka. Indak cukui itu se do, sagalo sumber atau patunjuak supayo iduik di dunia ko dan di akhirai nanti salasai atau lamak juo diturunkan pado bulan iko. Ditambah pulo ada malam dalam bulan ko nan banamo malam Lailatul Qodar, kalau awak dapek jo malam ko mako ibadah atau amal baik awak pado malam ko labiah elok dari saribu bulan. Kalau bantuak itu yo hebat tamu awak ko, patui kironyo awak tunggu-tunggu bulan ko. Dan patui lo awak manunggunyo jo arok-arok cameh. Sasudah tu dek tamu ko yo hebat bana, ambo maraso paralu mambarasihan badan, ka Allah SWT ambo minta ampun, dan ka sasamo manusia ambo minta maaf. Sakadar manutui samantaro ambo ucapkan selamat manunaikan kasado alahan amal ibadah Ramadhan dan mohon maaf salah jo jangga salamo ko. Amin-amin Ya Rabbal'alamin. Wassalam Alzaber -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
