Mangko carito singkek no nyiak,
Sakitar tahun 86, katiko umua ambo sakitar 35 tahun, olah raga nan ambo sukoi
salah satuno katiko itu adolah main bal (bola kaki). Suatu hari, sasudah main
bal patang hari, taraso pinggang agak sakik. Sangko hati ambo salah 'urek' atau
tagaliciak katiko main. Dimintak tolongan ka urang rumah mauruik. Bisuak pagino
indak talok jago ambo lai. Indak talok pai ka kamar mandi lai. Pinggang tu
sakik Allahu rabbi, salah manggarik saketek sajo tapakiak awak ka sakik-an.
Dibaolah ambo katiko itu ka klinik. Dek dotor disuruah pareso darah. Dotor ko
nan mulo-mulo mampekenalkan ambo jo istilah uric acid alias asam urat tu.
Sajak itu ambo jadi langganan dotor karano hampia satiok tigo ampek bulan
datang lo sarangan asam urat tu baliak. Panyababno makanan nan ba kadar purin
tinggi, baitu jano dotor. Baitulah sampai batahun-tahun ambo di Baliakpapan
dan sempat lo di Paris duo tahun sacaro berkala mankonsumsi ubek anti asam urek
tu. Pakaro sakikno nan inyiak tanyoan, di urang ba macam-macam, ado nan di
kaki, di tangan. Di ambo maso itu di pinggang. Katiko sadang sakik, nan sanang
tu tidua di tampek nan kareh, sarupo di lantai dialeh jo lapiak, sabab di kasua
spring bed, dek ampuak, salah-salah garak awak, mandanyuik sakikno.
Bikolah ambo sambuang baliak. Pukuah satangah anam. Ambo tagageh ka pai ka
sawah.
Wassalamu'alaikum
Muhammad Dafiq Saib Sutan Lembang Alam
Suku : Koto, Nagari asal : Koto Tuo - Balai Gurah, Bukit Tinggi
Lahir : Zulqaidah 1370H,
Jatibening - Bekasi
________________________________
From: sjamsir_sjarif <hamboc...@yahoo.com>
To: rantaunet@googlegroups.com
Sent: Wednesday, September 28, 2011 9:43 PM
Subject: Re: [R@ntau-Net] Ubek Asam Urek
Alaikum salam wa rahmatullaahi wa barakaatuhu
Angku Lembang,
Karano Angku Lembang nan jaleh lah mangalami (atao maidikan) "Panyakik Asam
Urek" ko barangkali rancak ambo batanyo langsuang baa nan sabanano
gejela-gejala panyakik Asam Urek ko nan taraso. Sabab, dahulu karano ambo indak
mangarati aa nan dikatoan urang Indonesia "Penyakit Asam Urat" tu ambo
manyangko ado "urat" ("muscle") atau "urek" nan salah. Tapi sasudah ambo
caliak-caliak, kato "urat" atau "urek" tu dilakekkan ka dalam bahaso awak bukan
untuak maaratikan muscle (urat atau urek) doh tapi tapi kato ajective kimia
"uric" dalam ungkapan Zat atau bahan kimia nan banamo "uric acid", bukan namo
panyakik.
Jadi aa nan sabanano nan diidokan urang nan mangalami "panyakik" "Asam Urat"
atau "Asam Urek" ko, karano "uric acid" adolah namo Zat bukan namo Panyakik.
Tolong jelehkan gejala-gejala nan taraso dengan pangalam paibadi. Mudah-mudahan
awak atau urang awak indak salah manggunokan istilah kimia "uric" dengan "urat"
atau "urek" ko. Tarimo kasih.
Salam,
--Nyiak Sunguik
Sjamsir Sjarif
28 Sept, 2011
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
