Iyo bana Angku JB, itulah kasanangan labo awak di Lapau ko. Sajak Lapau ko tagak, lah ambo pasankan, kito gunokan Caro Awak. Malah bukan sajo Caro Awak tapi kok dapek dialek Kampuang Awak surang-surang. Sahinggo tabukti, di Lapau ko alah kito praktekan dan kito samo-samo baraja. Ambo, sacaro paribadi sabana baraja banyak dari istilah-istilah dialek nan dikatangahkan di Lapau ko. Dan kabaruntuangan ambol, sajak ketek ambo suko maimak atau bagarah dialek-urang kampuang lain, sahinggo kini tabawo juo ka Lapau ko. Di situ lah lataknyo angek hiduik awak dalam bahaso nan iduik ...
Aa, iko masuak sms dari Buya Masoed Abidin: "Allahu Akbar ... Alhamdulillah salam Buya ka JoBuyang Rajo Jambi nantun. Untuak Mak Ngah Buya balian opak opak sin dih, kon ndak karak kaliang sin." Manyusul ciek lai: "Jadih Mak Ngah ... Buya alah mandarek tadi ... Kini alah di ateh kijang sirah nan dulu mandongkak-dongkak ka Gaduang ado partamuan FPRB." Salam, --MakaNgah Sjamsir Sjarif --- In rantau...@yahoogroups.com, zubir.amin@... wrote: > > He,he,he.Dek Ambo gadang di Padusunan,Pasisia,io partamo x bana mancaliak > kato "nganuah"tu.Baru tau Mbo Mak Ngah ghupo'e istilah ko bakombang di dorek. > Tapi senek komah Mak Ngah,JB kiro raso nn nganuahko sangat cocok bana jo > urang nn ngunguah,passti pipi nyo tumbuah lasuang pipik ukatu manyerupuik aia > karambia mudo tu. > Io sabana elok" gado2 perkataan" nn baasa dari daerah awak masiang2,kan > baitu Nyit Sunguik.Colah kalau lobak je nn jadi bahan Gado2 tu,kan jadi samba > lobak namo 'e. > Gado2,engkau jinih makanan nn sederhana,tapi perpaduan sagalo macam sayua > dengan jalinan kuah kacang,engkau telah menampakkan dirimu sebagai cermin > keindahan,kesederha-naan,kenikmatan n persatuan. > Ooooh,gado2 Padang! > Baitu lo lah jo macam ragam kato dari masiang2 daerah nn menjadikannya > baso Minangkabau. > JB,DtRJ,72,sk Mandahiliang,ghang Pasiisia Piaman juo,kini di Bonjer,Betawi. > Sent from my AXIS Worry Free BlackBerry® smartphone > > -----Original Message----- > From: "sjamsir_sjarif" <hambociek@...> > Sender: rantaunet@googlegroups.com > Date: Thu, 24 Nov 2011 00:33:46 > To: <rantaunet@googlegroups.com> > Reply-To: rantaunet@googlegroups.com > Subject: Re: [R@ntau-Net] Buya Masoed Abidin di Tangah Lauik > > Mungkin indak ado istilah "Kaghambie Nganuah" ko di Piaman eeh? Di Daghek > biaso ambo danga aratinyo Karambia Mudo nan aianyo kito minum, dagiangnyo > masih lunak, warno kulik masih hijau segar [bukan Kagambia Hijau nan kiramat > tu doh] dan sajuak diminum. Dagiangnyo tawa labuak dimakan. > > Nah, Karambia Nganuah ko alun basantan lai; indak pulo samo jo karambia mudo > nan alah agak tuo nan dagiangnyo lah dapek disantani, sarupo dalam istilah > dendang, > "Aia Susu lamak manih, > Bak Santan Karamia Mudo ..." > > Jadi "Nganuah" dalam istilah "Karambiah Nganuah" ko aratinyo mudo. > Balain jo "Ngunguah", nan ambo raso aratinyo balawanan 180 darajat jo > "Nganuah" ko. Urang nan lah Ngunguah, alah gaek, alah habih giginyo, alah > ngunguah ... > > Awaak alaun ngunguah lai ..:) > Mungkin ado adidunsanak kito nan dapek manambahkan? > > Salam, > --MakaNgah > > --- In rantau...@yahoogroups.com, zubir.amin@ wrote: > > > > "Karambia nganuah" kecek Mak Ngah dalam thread nyo. > > Apo arati or mukasuik "nganuah" tu Mak Ngah.Apo ado kaitannyo jo > > "ngunguah" alias ndak ba-gi2. > > JB,DtRJ,Bonjer. > > Sent from my AXIS Worry Free BlackBerry® smartphone > > > > -----Original Message----- > > From: "sjamsir_sjarif" <hambociek@> > > Sender: rantaunet@googlegroups.com > > Date: Wed, 23 Nov 2011 23:39:03 > > To: <rantaunet@googlegroups.com> > > Reply-To: rantaunet@googlegroups.com > > Subject: [R@ntau-Net] Buya Masoed Abidin di Tangah Lauik > > > > Ambo sadang babalanjo di Grocery Store, tampak susunan kaleng young coconut > > juice (aia karambia nganuah, kelapa muda). Tibo-tibo babunyi HP, dicaliak, > > ruponyo dari Buya Masoed Abidin, iko pasan sms: > > > > "Alhamdulillah MakNgah, dari Tangah Lauik alah nampak cahayo Kota Padang. > > Sabanta lai Insyaallah tibo di Bunguih." > > > > Langsuang ambo baleh: "Alhamdulillah, sanang ambo mandanga, lah tampak > > Tapian. Lai indak hujan galok di Padang. Ambo sadang di grocery store. > > Kana-kana irama lagu Palayaran." > > > > SMS kaduo dari MakNgah ka Buya: "Tampak juice karambia mudo, bacokok lo > > palapeh taragak $2.29 sakaleng ketek. Kok tampak karambia nganuah biko di > > Padang, kana ambo sadaguik." > > > > Yah, salamo indak duduak di Lapau, Buya Masoed maaadoki kaji di Mentawai. > > Sajak gampo kapatang kami lai lancar bakomunikasi, sms bolak baliak. Kini > > baliau dalam palayaran dari Mentawai ka Padang. [Baliau pulang ka Padang > > bukan karano gampo patang tu doh]. Mudah-mudahan salamat sampai ka Tanah > > Tapi. Kok lah lapeh angah baliau bikoh baliau bamukasuik ka mancigok Lapau > > samo maota jo Rang Lapau nan Basamo. > > > > Salamat manampuah Tanah Tapi Buya. > > > > Salam, > > --MakaNgah > > Sjamsir Sjarif > > Di Tapi Riak nan Badabua, > > Di Baliak Bumi > > November 23, 2011 > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
