Dear Adidunsanak palanta RN yang terhormat,
Ambo iyo agak takajuik sapagiko mancaliak perkembangan kurenah di RN Tarutamo foto-foto yang di upload indak bakarunciangan Maaf, kato2 bakarunciangan ko pun ambo adopsi dari nenek ambo juo saisuak Ambo taringek salah ciek nasiaik liau Katiko kami badunsanak bagarah jo bagaluik alah bakalabiahan, tarutamo gala, manggalai jo nan buruak atau marakiak-rakiak mangecek gampo-gampo.. atau maliang-maliang ataupun suatu kondisi lain nan indak sabana no tajadi tapi untuak mambuek urang kalusuak anyak indak sadar diri sahinggo takajuik tasirok darah. Gadang lo rugi dari labo. Untuak urang nan normal alias antene sadang tagak tali tantunyo iko bisa tanang manyikapi kondisi apo sabananyo atau bagarah. Tapi kok nan sadang tamanuang atau kondisi indak fit dek badan barek koh, sadang takana kampuang koh atau dek factor umua nan alah lanjuik. Tantunyo babagai reaksi jo resiko diujuangnyo. Kumbali ka nasiaik nenek ambo tadi tun Kecek liau kalo awak manyabuik takah nan ambo uleh di ateh tun Bisa jadi itu do'a awak supayo nan saroman itun tajadi Nan ka rugi tantu awak juo Baliak ka garah2 nan balewakan di milis ko Ambo iyo tatagun sabanta mancaliak kodak tarutamo nan gampo tu sebab indak ado keterangan saketek juo kalo itu GARAH. Rumah kami di Bukik indak jauah bana dari Jam Gadang ko doh Mak Ngah katu pulang patang tantu alah marasoan bajalan kaki dari pasa ka rumah, kan iyo indak talampau jauah bana doh. Di rumah kini tingga Papa jo Mama ambo nan alah lansia jo surang Uni ambo nan dalam kondisi lumpuah. Lai Uni nan tingga dakek situ juo tapi kalo kondisi gampo tantunyo Mama jo Papa lakeh manatiang Uni ambo nan lumpuah kalua rumah, bayangan dek adidunsanak dalam umua nan samo2 alah labiah 70 th tun mandakek i 80. Pabilo ado berita-berita gampo ambo biasonyo langsuang manalepon, tapi iyo takajuik gampo sampai manyebabkan jam gadang ampia rabah takah itu, antah halah nan kadisabuik. Iyo bangih ati ambo mancaliak Garah nan indak sandereh jo indak bakarunciangan ko. Bakalabiahan dari nan alah sudah-sudah nan babau porno nan sari, ambo masih sangaik ingek. Ambo raso ndak usahlah kaji hebat2 bana di uleh di palanta ko sampai planet lain bagai laih. Nan saroman ikolah kaji, baa bana parangai jo ulah nan kumuah takah iko bisa lancar disiko dan santai dilakoni, baiak sacaro kekeluargaan kio ataupun bamasyarakaik maya. Ko camin no nan jaleh. Antah kok iyo takah kecek nenek ambo saisuak tun, bado'a supayo hal2 nan takah gambar tu tajadi di Jam Gadang dan sekitarnyo?????????? Banyak maaf Wassalam Rina, 34, batam Sdg manganduang 7 bulan 2 minggu -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/