Mak Duta, bicaro mengenai ulayat tantu akan terkait jo pemilik ulayat yaitu anggota kaum/anggota suku/anak nagari sabab kepemilikan ulayat mantun statusnyo ado nan milik kaum, suku ataupun nagari. Kadang acok disabuik bahasonyo mengenai adat istiadat minangkabau basarato strukturnyo labiah basifat informal sahinggo indak menjadi ranah pemerintahan daerah baiak nan di kabupaten atau pun nan di provinsi sahinggo harus diurus sendiri oleh anak kamanakan baiak kaum ataupun suku & anak nagari nan di kampuang maupun di rantau.
Ambo paparkan labiah rinci, Sumatera Barat khususnyo 11 Kabupaten (minus Kep. Mentawai) sampai kini alun jaleh secara tertulis bateh nagari masing-masing, baiak kanagarian/nagari adat maupun bateh pemerintahan nagari. Sabab babeda jo provinsi lain nan pemetaan wilayahnyo lansuang dilakukan secara top down (dari ateh) nan jaleh sahinggo desa-desa maikuik sajo apo keputusan pemerintahan provinsi & kabupaten. Sadangkan di Sumbar, bateh antar nagari diputuskan basamo antar KAN masing-masing nagari nan dokumennyo memang indak ado atau disepakati sacaro lisan sajo pado maso dahulu. Nan manjadi pertanyaan sampai kini didiri ambo, baa kok indak ado upaya manulihkan kesepakatan lisan antar nagari nan ko oleh pemangku nagari, pejabat kecamatan hinggo kabupaten & provinsi, sahinggo akan labiah jaleh data nan bisa dipakai untuak mametakan wilayah masing-masing. Dengan baitu antar suku & kaum di nagari-nagari bisa pulo melakukan hal nan samo sahinggo sengketa nan berlarut-larut bisa disalasaikan sacaro elok-elok & indak memakan wakatu nan berlarut-larut. Kapatang hari Jum'at ambo maliputi kegiatan di Dusun Alahan Balaki, Korong Simpang Sarik Manih, Nagari III Koto Aue Malintang Utara Padang Lariang, nan mambongka lubuak larangan sacaro gotong royong nan hasilnyo akan dipakai untuak mambangun jembatan di dusun mantun. Kutiko akan manangkok ikan di babarapo lubuak, nan aie dikaruahkan daulu, sahinggo tangguak jo jalo labiah mudah manangkok ikan gariang, nila, leman, panjang, rayo, bauang nan ado di anak batang aie Antokan. Takadang tabatiak tando tanyo didalam hati, apo iyo caro mangaruahkan aie di lubuak nan ko bapakai pulo untuak mangabuakan status ulayat di nagari kito nan tasabuik banamo ranah minang? Sambia taruih batanyo-tanyo didalam hati, ambo taruih mausahokan mambuek peta 135 kecamatan di Sumbar edisi 1935 dalam skala 1 : 40.000 nan sumbernyo dari Universitas Leiden, mano tahu paguno untuak dipakai sebagai salah satu bahan kajian memetakan wilayah kanagarian di ranah minang. Salaruik salamo nan ko, baru 16 kecamatan nan tabuek disela-sela rutinitas ka nagari-nagari, insya Allah lai takao manyusun peta kecamatan lainnyo dimaso nan kadatang, amin ya Rabbal alamin http://armenzulkarnain.wordpress.com/peta-sumbar-edisi-lamo/ wasalam AZ/lk/33th/caniago Batu Basa, III Koto Aue Malintang Piaman Laweh asa nagari Kubang, 50 Koto babako ka Canduang Koto Laweh, Agam ________________________________ Dari: ajo duta <ajod...@gmail.com> Kepada: rantaunet@googlegroups.com Dikirim: Sabtu, 28 Januari 2012 1:25 Judul: Re: [R@ntau-Net] Meneg BUMN Bangun Tol Sumbar - Dibangun dan Dikelola PT Jasa Marga Sumbar Pasti pembebasan akan bermasalah. Alah salasai beko jo ahli waris, beko ado pulo nan mangaku ahli waris pulo. Bisa pulo satu kaum atau satu paruik bacakak dek pembagian ganti kerugian tu. Di kampuang ambo ado badusanak basiarak soal pitih beberapa juta hasil ganti rugi pembangunan tower telekomunikasi. Kesimpulan, kalau indak ado pembenahan soal tanah ulayat, mako pembangunan sumbar tetap akan tasandek. Baa dek sanak tu? -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/