Ane pagi ini baru pisehin suhu ane, CUAN CE CENG yang berantem same suhu ane yang lain, SU NO CENG. Masalehnye biase2 aje, lagi2 jangke panjang dan jangke pendek, jual beli ato tahan. Gare2nye suhu SU NO CENG, yang baru untung jual barangnye, ngeledek suhu CUAN CE CENG, yang masih nyimpen barangnye digudang dan harganye lagi turun. Biase, suhu SU NO CENG suka ketawe2 sendiri klo lagi menang. Klo lagi kaleh, bise mareh2 sendiri. Sampe kadang2 ane jadi merinding klo deket2 die. Suhu CUAN CE CENG mareh diledekin. Ane juge suseh, ngebelainnye. Abis, suhu CUAN CE CENG suke nyimpen lame2 barangnye di gudang sampe kadang2 udeh kedaluwarse. Sering, klo untung juge cuma sedikit. Katenye die sih, die mau niru mbah Warren. Ane liat, die banyak duit. Tapi boro2 punya hp merek buah cireme item, di rumeh dan tokonye aje gak pasang telepon. Kude sendiri juge gak punye, ke-mane2 klo gak naek delman, jalan kaki. Kapan nikmatin hidupnye, yeh?
Kate ane: "Udeh deh, suhu berdue jangan berantem melulu. Mendingan pake patokan aje, kaye bambu buat ngukur dalemnya kali ato banjir. Sebulan sekali dane yang diinvestasiin buat beli barang2, baek yang masih berupe barang ato yang sudeh dijual alias berupe duit tunai, bise ngalahin pasar, gak? Klo pasar naik, persentase kenaekan danenya harus lebih tingggi dari persentase kenaikan pasar. Klo pasar turun, persentase penurunan dane harus lebih dikit dari persentase penurunan pasar. Sukur2 klo pasar lagi turun, danenye malah naik. Selain itu, persentase kenaikan dane setiap bulannye bisa ngalehin inflasi dan deposito, gak? Udeh gitu, persentase danenye menang gak lawan reksadane saham yang paling kinclong?" Alhamdulileh, akhirnye due2nye bise ngerti dan mau damei.. Ane sih buru2 ngeloyor pergi. Abisnye dari jauh ane liat suhu SU HONG YAM lagi menuju kesini. Bukan kenape, ane paling takut ketemu die. Die tuh klo udeh kaleh (SU), suke ngutang. Bikin bahaye (HONG YAM) kite2 aje... Bang EI (Equity bin Indonesia) http://equityindonesia.blogspot.com
