Styð þetta, sérstaklega þar sem sá háttur er orðinn á í mörgum bæjarfélögum að
gefa hringtorgum nafn, til dæmis í Kópavogi.
29. mars 2019 kl. 20:03, skrifaði "Svavar Kjarrval" :
> Góðan dag.
>
> Fyrr í dag gerði ég stórtæka breytingu á þeim hringtorgum á
> höfuðborgarsvæðinu sem strætóar fara um. Breytingin felst í því að þau
> hringtorg sem stóðu saman af nokkrum vegbútum voru sameinuð í einn veg,
> þannig að hvert hringtorg væri einn óbútaður vegur. Reynt var að gæta
> þess að þær breytingar hefðu ekki neikvæð áhrif á þau vensl (e.
> relations) sem innihéldu vegbútana. Við yfirferðina var ég vakandi yfir
> því hvort einhver réttmæt ástæða væri fyrir því að eitthvert tiltekið
> hringtorg ætti að vera áfram í bútum, en engin slík tilvik fundust.
>
> Áður en ég fór í umrædda breytingu leit ég á leiðbeiningarnar sem eiga
> við um gerð hringtorga og er í þeim miðað við að hringtorg séu einn
> hringlaga vegur. Ekki var sérstaklega minnst á að hringtorg í bútum séu
> bönnuð eða ekki ráðlögð, en þessi þögn gefur til kynna að slík hringtorg
> ættu frekar að vera undantekningin. Þá voru slík óbútuð hringtorg
> ágætlega algeng hér á landi, þó þau hafi mögulega ekki verið í
> meirihluta. Því taldi ég mér óhætt að fara út í þessa vinnu án sérstaks
> samráðs.
>
> Sá háttur að skipta hringtorgum í búta var á sínum tíma sökum þess að
> ýmis leiðarforrit og ritlar (JOSM o.fl.) áttu í vandræðum með að túlka
> leiðir í gegnum hringtorg, aðallega varðandi hvaða veg ætti að nýta til
> að fara út úr hringtorginu. Bútun þeirra gagnaðist því til þess að
> sannreyna að um væri að ræða heila og óslitna leið. Þessar forsendur eru
> líklega orðnar úreldar nú í dag enda líklegt að hinn sami hugbúnaður og
> var í þessum vandræðum hafi verið uppfærður.
>
> Aukaleg ástæða er sú að tilfærsla tenginga vega milli punkta hringtorgs
> gæti valdið ruglingi ef hringtorgið er bútað þar sem þau hafa að jafnaði
> verið bútuð þar sem tengingarnar voru. Fyrir utan umstangið sem slíkar
> breytingar myndu krefjast gætu leiðir í venslum rofnað ef notandinn veit
> ekki að slíkra ráðstafana er þörf. Þá er einnig kostur að minni hætta er
> á ósamræmi í merkingum vegbúta ef um er að ræða einn og sama veginn í
> staðinn fyrir nokkra aðskilda vegbúta.
>
> Ég vona að þetta mælist vel. Ef engin sérstök andmæli eru borin fram um
> áframhald á þessu átaki mun ég líklega fara síðar í breytingar á fleiri
> hringtorgum á landinu.
>
> Með kveðju,
> Svavar Kjarrval
>
> ___
> Talk-is mailing list
> Talk-is@openstreetmap.org
> https://lists.openstreetmap.org/listinfo/talk-is
___
Talk-is mailing list
Talk-is@openstreetmap.org
https://lists.openstreetmap.org/listinfo/talk-is