Azken asteotan herriko prentsa eta irratian irakurri eta entzun dugu parte-hartze prozesu bat hasi behar duela udalak autobus geltokia dela eta.
Berehala hasi dira guztiak gauzak esaten: EHBildu partehartze prozesua berak aurkeztutako emendakin batengatik izan dela [1], EAJk bere proposamena plazaratu zuen [2] eta PSEk EAJren kontra egin zuen bere proposamenarekin parte-hartze prozesua "kontaminatzen" zuela esanez eta aldi berean hori egiten zeudela euren proposamena zein zen erakutsiz (WTF): [1] http://cadenaser.com/emisora/2016/11/14/radio_eibar/1479107774_582770.html [2] http://cadenaser.com/emisora/2016/11/22/radio_eibar/1479800455_341751.html [3] http://cadenaser.com/emisora/2016/11/25/radio_eibar/1480076806_258648.html Nere galdera da: ezin gara egon 4 urte obra faraoniko bat proposatu gabe? Denok dakigu zer gertatzen den Eibarren obra faraonikoekin, eta ez badakigu hemerotekari begirada bat eman diezaiokegu, adibidez: - Errebal 1: bota aurretik egon zen "jaleoa" - Errebal 2: bota ondoren egon zen "jaleoa" - Ospittala 1: terrenoen kontaminazioaren eta salmentaren inguruko "jaleoa" - Ospittala 2: eraikitzen hasi eta inork ikusi ez zituen (!!) Iberdrolaren kable batzuen "jaleoa" - Errebal 3: zulatzen hasi eta tuberiak berriz aldatzen hasi behar izatearen "jaleoa". Azkenaldian bi obra "handi" egin dira Eibarren beren epeetan bukatutakoak, biak iniziatiba pribatukoak (nolabait esateko): Mercadona eta Ipurua Futbol Zelaia. Bigarrenaren kasuan gainera obra zehaztutako epea baino bi hilabete (!!) lehenago bukatu da. Daukagun historialarekin, benetan beste milioikada bat gastatu behar dugu autobus geltokiarekin ez dakit zer egiten? Benetan? Orain dela urtebete inguru Lurraldebusen lineak aldatu egin ziren eta Donostiarako autobusak ez dira jada autobus geltokitik irteten. Hor autobus geltokiaren erabileraren adibide bat. Mikel -- Mikel Larreategi
_______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
