-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Exercise Kelear Zantteponnar Tras Zainant.
Disantleant thoddem bhov kuddik veaiam (exercise) dilear nhoi amchi kudd bori ghottmutt dovortat punn teach barrabor kankr, kallzachem, godd-mutt (diabetes) lablobi vo mottai oxe torechim duensam koddsun pois ravtat. Atam neman (regular) veaiam korpi lok amkam chant-pavlak distat ani tovui zalear cheallis vorsam sokoil piraicho. Adlea pillgen veaiam mhottlelem kelam vo tankam tem korunk poddlam oxem mhaka disonam, kiteak adlo lok xettacho, renderancho, minacho ani dusro sabar koxtti vaur kortalo, ani paiamnim bhonvttalo. Adlea kallar choddxim dhavnterim ani bhouxik ieradari (public transport) nasli. Bosik vetlo zalear ek tem dhedd kilometr chollunk zai aslem, punn atam dor ghorant scooter-motor-saikoli, gaddio zaleat ani chollpachem unnem zavn bolaikecher porinam zala. Mazodddde-Utoddde veller, Goenche nanvvoste football klubank khellpi adle Sarto Baptista, Marcos Pacheco, Cajetan Godinho, Inacio Piedade, Seby Coelho, Camillo Baptista ani ier khellkodi, dove renver ugtte paiamnim dhanvtale. Khella moidanar tanche kuddichi takott (stamina) mellunk ani toxoch kuddicho akar (body shape) samballunk aplo veaiam neman te kortale. Ani tannim toxem kellelem mhonn Kuwait-chea Soor moidanar ponaxavea idadir paville bab Sarto Baptista ani Cajetan Godinho aiz meren aplea football khellan kuddichi xoktti dakhoitat. Veaiam kelear zantteponnar tras zainant mhonn amche ixtt Lapit-ak khobor asli ani dekhunuch to aplea tornne piraer thavn borem veaiam korun aple kuddichi raknni (maintain) korcheak ganvche veller vetalo. Ani heach khatir ponaxavea vorsak tenklolo Lapit kosleach duensacho bolli (victim) nasun aiz meren mozbut bolaikechem jivit jieta. Fattlea sumanan thavn tachi ghorkarn-ui veller veaiam korteli dislea. Okosmat tinnem veaiam korchelem kharan mhollear, tichea rogot topasnen chorbi (cholesterol) odik dakhoita. Ekdom borem kosrot kochem mhonn voizan tika sollo (advise) dila. To dis tigelo poilo aslo. Ponnje sakun khas vikott haddlelem imported tracksuits tinnem choddoilolem. Tennis moche Adidas zalear matheak Puma koponichem cap aslem. Lapitachea sangatak veaiam korunk soglli toeari zali. Koxe toren hat varear ubharun chollunk, khoim meren pavtoch sovkas dhanvop (jog) korchem tem, tika somzonni dili, ani gorjechem mhollear veaiam vo exercise kortana ulovchem nhoi mhonn xiddkaili. Matxo susegad choll re. Itlo taktin chollta to, fuddem konn tori tuji vatt polloun ravta dista. Chollpachi survatt ditanch Lapitache bailen kagall (complain) kelem. Dekhunuch tuka ugddass kello mhojo acrobats exercise somptta mhollear tum chollun chearxim metr tori pois pavttelem mhonn, punn tum mhaka pollet hangach urlem. Tujem polloun ge. Mhojo kimticho vell tujea fattlean ibaddcho na. Hanv cholllom, ani Lapit choll chollot ravlo. To itlo chollun gelo fattlean ietli bail khoim meren pavlli, tem polloupak tannem matui fursot keli nam. Sumar dhedd kilometr vatt tanklea uprantuch to fattlean voulo zalear bail dislich na. Tokhler hat marun tannem pichche muud ghetlem ani dhanvun baile sorxim pavlo zalear bail ekdom korxetali Avois mhoje maim. Padd poddum ho exercise. Paim dukhle ge saibini. Avois, sogllem ang usolltta Ghorant pavtoch Lapitachi bail pirngovttali. Xiddkailelem, choddui chorbecheo vostu khaina zaunk. Khata tem borem asa, exercise tori korchem mhunn tuka ugddas kortalom. Mhaka polle. Tuje bhaxen korchena. Tum khoim mhonn korxeta? Zantte piraer pavla tori astanam double pegs zavoch tuka. Tujea porim neman exercise korinam hanv. Aiz poilo dis mhojo. Dotoran sanglelem. Survatek hat-paim, ang usolltelem mhonn. Jevonn tappoun dovortam. Tuka zai tednam jev. Mhojean anik ubem ravunk zainam. Hanv chollllim nhidunk, ani ti rumant rigli .. Khub usram, modiam ratik tika zag zali. Tichea kuddir vozon aslea porim dislem. Ti uttpak kori, punn tichea lagim takott nasli. Ti dhave vatten ghunvonk kori punn tichea lagim ghoddlem na. Uzvea vatten ghunvonk kori tichea lagim zalem na. Auchkit tigeli nhid udli ani tinnem mhonnlem Are tum koslo monis .? Lapitan tichea tonddar hat dorun mhonnlem Shuuuuu. Ogi rav!!!!!! Exercise kortana uloinant Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Yahoo! FareChase: Search multiple travel sites in one click. http://farechase.yahoo.com