BEWARE! Day and Night Cricket Konnem tori dar dhoddailem.
Dar dhodddaitam tem aikunk ienam tumkam? Konn aila to polleat. Lapittache bailen kuznant ravun bhurgeank sanglem. Sokallchim nnov horam vazlelim. Fatorda, Nehru moidanar Bharat-Ingland-a modim tisro eka disacho ontorraxttrik krikett khell chalu zalolo tachem live telecast Lapittachim bhurgim TV-cher polletalim. Dakhttea poran dar ugoddlem ani mottean boballlem. Mom, tujo mogacho Dhoni aila. Dhoni aila? Mahendra Singh Dhoni ani amchea ghorant? Lapittache bailek sotmandunk bhouch khottinn laglem ani tiche avddicho krikett vir vo hero Dhoni-ank mellunk kuznant chopatti lattali tem soddun salant aili zalear, zo monis hea vellar Fatordechea Nehru moidanar asunk zai aslolo to monis soglloch niraxi zaun salantlea sofar bosun sintiment kaddtalo. Taka polloun ti thotakli. Ani to zaun aslo tigelo ghorkar Lapitt. Kitem zalem? Tinnem vicharlem. Hem sogllem, tuka lagon zalam. Mhaka lagon? Lapittache bailen ojapun vicharlem Ratim, nidhonk veche adim tuka ugddas kelolo. Sokallchea 5 horancher utthounk zai mhunn. Kiteak, moidonar bhitor sorunk sov horancher gates ugtteo korchele asle. Hanv utthlo tenna anik matxo nidhe, khell suru zaunk vell asa oxem sangun mhaka porot chitkun nidhailo. Tor kitem zalem? Nosto porian korinastana 6:40 vaztam bhair sorun gelolo tum Hanga thavn Fatorda moidanar pavonk unnem-unnem mhollear 20 mintam lagtat. Tea bhair tujea lagim 1000 rupieanchi valid ticket asli. Fattim fuddem pollenastana, uboch moidanar proves korunk zatalo. Sokallchea fanttear lok ievn ollik ravlolo khoim. Mhoje bhaxen illoso vell korun aileleank bhitor sorun dilem na. Kiteak? Hevui pavtti tikettinchi bhangodd zalea mista. Chearxim odik kaideaxir tikett asleleank moidanar bhitor sorunk dile nant ani tatunt hanv eklo asam. Lokanim, khellachea odhikaream ani pulisam thaim ragan uzzott korun zhogddim kelim. Panch vorsam adim zalelea tikett bhangoddi porim hevui khepek toslich chori? Abrilache 6ver, 2001 Bharat-Australia modim eka disacho ontorraxttrik krikett khellak tikettiche lofdde zalele, tachi iad korun, Lapittache bailen mhonnlem History repeat kelea dista mhaka. Vetam hanv. Pulis thanar tokrar diunk. To utthonk kori, punn bailen taka bosoilo ani mhonnlem. 2001 vorsant tikettichea lofddean aslolo tennacho Goa Cricket Association (GCA) odhex Dayanand Narverkar ani atth monxancher tokrar nond keleli tachem, ojun meren ek tori korttint aikop zale na. Tum kitem somzotai? Tuji tokrar gheun he pavtti tickets scam keleleanchi nit kortele mhunn? Atam, toch Xri Dayanand Narverkar Board of Cricket Council of India (BCCI) hacho Up-Odhex ani zaka poilo kaido somzona to monis Goencho Kaidea Montri zaun asa. Tujo molladik vell ani duddu ogddaun faido na. Bhurgeam sangata TV-ir live telecast ditat tem, hanga bosun polle. Hozar rupieanchi kaidaxir tikett hi mhoji. Apli tikett bailek dakhoun Lapittan mhonnlem ani fuddem uloilo. Ek hozar rupieanchem luksan zalem mhunn hanv dukhi nhoi. Punn itlea lagim ailelea ani mhojo toxoch tujo avddicho Dhoni virak porxim live polloupak mhoji umed asleli ti, tikett lofdde kortele doudireani jiroili mhonn khontoutam. Hem fokot tuka lagon ghoddlam. Polle, kedov meren mhakach lagon ghoddlam mhunn tum mhojer gorje bhair guneanv taptai. Moidanar, vegim vochun faido naslelean anik illoxo vell mhojea sangta sarunk sanglelem tedna tuvem day and night krikett khellam porim aplem batting suru kelem ani sokall fuddench vikett zhoddoili. Mom, what are you talking? Koddelir bosun TV-ir krikett khell polletele dhuven mhonnlem Kitem zalem bhai? India lost one wicket Bharotachi poili vikett Ingland-ache James Anderson-an bowled korun zhodoileli On what ground? On Fatorda ground. Mom, why did you say wicket zhoddoili? See what happened? My hero Sehwag is out, ani por baddem roddunk boslem. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________ Do not post admin requests to the list. Goanet mailing list (Goanet@goanet.org)