-------------------------------------------------------------------------- | | | Goanetters annual meet in Goa is scheduled for Dec 27, 2005 @ 4pm | | | |The Riviera Opposite Hotel Mandovi, Panjim (near Ferry Jetty/Riverfront)| | Attending.......drop a line to [EMAIL PROTECTED] | -------------------------------------------------------------------------- Churchill Never Asked Commission
DABOLIM: Hello, Mopa MOPA: Who speak? DABOLIM: Kitle pavtti tuka sanglem Peddnechi Inglixin uloinaka mhon. Dabolim uloitam. Feliz Natal MOPA: Tuka-i dadhos bhorit Natalam anvddetam. Khoxem asa gho? DABOLIM: Nokoi tum mhojem? Suseg khoim asa? Tujo mandd ugto zalo mhonntoch ghoddie illoso visov mellot. MOPA: Hello! Koslo boball? DABOLIM: Rav matxe. Polletam. Hea vellar konn denvtta to mhojer. Hum, hum. Mumbai thavn, Jet Airways flight 9W473 nigtich pavlea. Ticho boball to. Tujem khoim pavlam? MOPA: Hatant sarn (broom) ghetlea. Punn kochro nigut korpak Dilli savn hukum ailo na. DABOLIM: Goenche rajkoronn (politics) ekdom ollxig zalam. Parrikaracho sorkar communal zata mhonn Kongressi hatant ghatlolo. Loz naslele, apleach bhitor zhogoddtat ani porjecher akant haddtat. Eklo mhonntta Dabolim zai. Dusro sangta Mopa zai. Tuka toiar kelear. Goencho Kongress sorkar kosolltolo mhunn bhirant ubzoitat. Ek minut matxe rav. Konn choddpache taktticher asa MOPA: Konnacher? DABOLIM: Mhojea velean Air-Sahara flight S2-220 take off korta. Hello ..Kainch aikunk iena (thoddo vell monemponn). Zalem zalear disantlean kitle choddop ani denvop mhojer? MOPA: Chodd tras zatat baie? DABOLIM: Trasank biena gho. Avião-cho avaz mat mhoje kann bhere kortat. Kitem sangtalim hanv? MOPA: Rajkarnnanchi .. DABOLIM: Ham! Hoi. Mhoje bhognnar chintun tuji toiari kortat. Punn konn ekto mhunnta tuka novi vokoll kelear Xasttin, Bardesan, Tiswadin poriottonank (tourism) mar bostolo mhunn. MOPA: Tachem rund vichar sarke asat bai. Bailea vo videxi bhovnddekarank soimbik suropai (natural beauty) avoddta. 1970 doskachea kallant Europantlea ani Amerikentlea tornne pilgen Children of Flowers apleakuch billo laun sonvsarache soimbik ekmule zage soddunk bhair sorlim ani tankam amchem bhangara sarkelem Goem avoddlem. Vorsam sortat titlim tanchi vhadd zait ravli. Punn atam? Adli Goenchi soimbik suropai konkrittachea zonglan chorun velea . DABOLIM: Sarkem uloilelem tum. Mhojea onnbhova pormonnem Goeant videxi bhonvddekarancho unnav dista. Goeam vonn atam Kerollant, Otty, ani Kornattokant bhonvddekaram khatir bore nove poriottok zage (tourist spots) rochleat. Thoimsor bori sovlloti ani surokxa mellta. Punn Goeant? Pulis sottaitat ani doria kinarer lamani. Mopa, aikota mu gho? Tuka toiar kelem mhonntoch, dista Goeant anik poriovotton urtelem mhonn? MOPA: Hanv-ui tench chinttalim. Goenchea nixotton kelelea vellancher bhonvddekar dixtti poddche nant mhunn. Mhaka lagim aslele Malvan, Rotnagiri, Savontvaddi, Sindhurgha oslea ekmule xant zageancher bhonvddekar mogan poddtele. Uprant amchea kustar Maharasttrachea poriotonnank faido-faido. Adlo somplolo Mukhel Montri Shri Bandodkar, ugteponnim amchem Goem, Maharasttrant vhorunk sodhtalo. Punn atanche rajkanni (politicians) dusrea margan vhorunk lagleat. DABOLIM: Uloitana, modench apli karandai kortat. Ek hor huxir korun hem poi ailem randun Indian Airlines. Vellar pavlelim mhonn asat? Uprant dusreank tras. MOPA: Poir fattim Air India Flight 854, Kuwait-Dubai-Goem 26 horam late zalem ani poinaranche (passengers) ekdomuch bhognar kele khoim DABOLIM: Provaxi, hea donui airline-nink ghaleo sovtat. Tantrik modhni (technical breakdown) dusrea airplane-ank zatat. Punn te aplea provaxank sovloti ditat ani nhoi IA ani AI bhaxen, 26 horam porian hotel-ant ravpachi bondabost korinastana upaxim transit lounge-ant dovorop? . Oh boy, oh boy.. .Hem anik kitem chollta okosmat? Arrival-ant TV camera? Goemchea toxech dusre Rajeantle photographer, potrakar? Itli tanchi lutt? Konn ieta kai? Avoi bap re. Kitli pulis gho? Hello Mopa. Matxe tujo fon hold-ar dovor ham?** (thoddea velan) Mopa. Asa tum? MOPA: Murgottam koxem. Konn aila tor? DABOLIM: Nigtench pavlelea Indian Airline-ir, mhojo rakondar, mhojea khatir zhogoddpi, mhojem ani tech barrabor Goemche porjechem borem chintpi Churchill Alemao bab aila. Ani takach lagun hea khobram sadhon-achi ghorddi zalea. MOPA: Hanvem aikolam to kosle tori bhanghoddek sampoddla mhonn. DABOLIM: Tuvem aikolam tem sarkem na. Khori ghoxtt oxi. Member of Parlament Local Development Scheme (MPLADS) hachea khal protek kasdarak aplea motdharsongantli udhorghot korunk 2 krotticho adhar favta. Churchill baban Goenchea dhokxin vattarant vis lakhancho korch ietlea sarkeli ek Konkani mobile library chalu korpachi ievjon ankarleli asa. Ani tum zanaim. Tachi inglish . MOPA: Hoi, hoi. Tachea inglish ulovpa vhoir khup vinod bosoun ojun lok murgottun hanstat DABOLIM: Ogi rav thoim. Modench boddboddum naka. Atam tachi inglish adlea toren na. To atam nitt ani bori uloita. Potrakar ani TV media asa tannim tachem nanv piddear kelam. Fuddem kitem sangtam tem kann divn aik. Peddneche inglixi bhaxen aikoxi. Khorem mhollear mobile library-chea prokolp (project) korpea thaim, tannnem vicharlelem. When will you commission this project? Punn Operation Chakravuyh hannim rekord kelelem Churchill babachem vakea (sentence) dusrech torenchea rongan Star TV-cher vitrailem ani tem oxem: When will you pay my commission on this project? MOPA: Ham!!!..Oxem? Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Yahoo! for Good - Make a difference this year. http://brand.yahoo.com/cybergivingweek2005/ -------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | --------------------------------------------------------------------------